Apocalipse 4:8 - Bíblia

⁸ Nyi quatro hiwejikalune kamejirunni, satkaka hiwejikaluru seis meji rawya. Hix-potu yhaltshi rawyana psol-maneko, maleka sreta hiyrun-koxa hitoko sreta. Hiyrunu psol-hohneko, psol-yetshnoko hi rutuka wla tshinretna: — Potukalni, potukalni, potukalni Tsru Hixikatshriwa Hoyakalu Ptowru Potuko Himukatatshri, mitshikawluru, xawakni hohne hiyrunu hinatshri hohnepa hwatshritka.”

Apocalipse 4:8 ပူးပေါင်းရင်းမြစ်များ

Gênesis 17:1

Noventa e nove mhale rixinixka Abrão, Tsru Hixikatshriwa Hoyakalu hakanhayehitlu waneya wane htshinru: — Hita Ptowru Himukata Kamhaletatshrino Hoyakalno; Hitayma pyanu potuka hchinikanupyi.

Atos 20:31

Wale tshinanu tsru hislahle hixinwa. Hichinikanru mapa mhale pchinika hohohne hoyetshno koxa hikeklu nutuk-kojiretlethi hixa satkaka haté hixo kata ntshiyahyehithi.

2 Coríntios 6:18

Hirpakno hita, hixpakni nowhenene hiyrun-koxa nwuheneronephi — wane htshina Tsru Hixikatshriwa Hoyakalu ptowru potuko himukatatshri.”

1 Tessalonicenses 2:9

Klu tshinanu hixa, Cristo tshinanu nmoletanune hichiniklu wyaprewakanaxini, wsalewnakanaxini. Hoyetshno, hohi koxa wkamrurewakanatatka satukna hixa wma kojwajyawakanupa wunkakakanathi kihler-potuko tokantshi, kihle piranalu potuko hiwekkaklewatatshri pirana Hoyakalunu.

1 Timóteo 4:16

Puslahinwa pixa nanwaka hiyrun-koxa pasruklewle. Pomkahitanru. Klu tshinanu wane pixini papnokaxikowaka yehi piwekkajinwa hiyrun-koxa pyijnakotjene.

2 Timóteo 4:2

Punkakletanru tokantshi hiwekkaklewatatshri pirana. Pkamhapotutanru punkaklewaxyawaka hipapkolu potuko hiyrunu hipapko minje koxa. Yine majnákonu puykotanu, ppoyikotanna, ptowutanna yine halikak-potu romkahixyawakna, pasruklewatanu ptowru mchiretannutshiyma.

Hebreus 13:8

Jesus Cristo rixhohnekanaxyawakni hiknohatshri hohneni, xawakni hohne hiyrunu hinatshri hohnepa mnikawnakatupa.

Apocalipse 1:4

Hita, João-no, nyonanwakatna Sete, Cristo halixatshine hapatjewaka, Ásia tshijne hajene. Kihle hchinikanurunephi hiyrunu kihle hwachalu henejikowakapa Hoyakaluya hwahohnekanatatshri, xawakni hohne hwatshrini, mitshikawni hiyrunu wale pnut-hohne hwatshrip-koxni. Hiyrunu Hoyakalu tuplaprestsi hwatshine sete hiwejikalune tshinanuya koxa.

Apocalipse 1:8

Hitni mitshikananu hwatshrino hiyrun-koxa hmahle hwatshrino. Yinuwakatshrino hiyrunu hmahaxyawak-potuko hwatshrino htshina Tsru Hixikatshriwa Hoyakalu, ptowru himukatatshrino, xawakni hohne hwatshrino, mitshikawluru hwatshri hiyrunu xawakni hohne pnutpatka hwatshrino.

Apocalipse 11:17

Wla htshina himalwuretluna Hoyakalu: — Wimalwutyi Tsru Hixikatshriwa Hoyakalu ptowru potuko himukatatshriyi, mitshikananu hwatshriyi, xawakni hohne hwatshriyi, hike rixiniko mnikawnakatupyi. Wimalwutyi klu tshinanu pumukatle tsru potukoyma pyinuwaka pohirewleta.

Apocalipse 14:11

Tshitshipha hsalewniywakna yehi hichpajikatshri, ratskophatanu hikeklu hohne mnikawnakatupa. Hi hohohne hi hoyetshnoko rapnanutanuna wanna ptowrunepnika kmatsyiru ho wale yáholu himalwutatshine pejnu hiyrunu wanna ptowruneka wale hiwaka himaxikole yoptotatshinepni wan-rixkonna.

Apocalipse 14:3

Cento e quarenta e quatro mil yine, pohirtshi tuplawakle sreta, hiwejikalune quatro hiyrunu vinte e quatro tsrukakalune yoptowaka sreta rawna. Herotu chikalu hchikaletna. Halikaka wanna cento e quarenta e quatro yine, tshiji hwakanatatshine hiwejikane tsonuko himukata himatletlu chikaltshi hchikaletanruna.

Apocalipse 15:3

Hchikaletluna Moisés-ni, Tsru Hixikatshriwa Hoyakalu towreru chikale hiyrunu Carneiro Whene tshinkaluru chikale. Wla htshina chikaletna: — Tsru Hixikatshriwa Hoyakalu ptowru potuko himukatatshriyi. Pkamrure pkamhaleru tsru potkakni hiyrunu himyekaklewatatshrini! Ptowru tshijne hajeneko pohirtshine ppohityi pixa. Pkamrure pnurexnawa, halikakalutni, potukal-potuko!

Apocalipse 15:7

Waneya satu quatro rixinri hiwejikaluru henekna hiwejikalune Hoyakalu towrerune tenhohne hajene sete-ne, sete stono Hoyakalu jhekanu yehi, ouro kamhikolu, Hoyakalu honra hike rixiniko mnikawnakatu hiwekatshri.

Apocalipse 16:14

Nyi hiwejikalune, kamtshinni wanna. Himyekaklewatatshrikaka kamhatshine wanna. Xye tshijne pohirene nwaka hiyrunu xye tshijne hajene ptowruneka nwaka yatshinni, rapatjekajyawakapna yinepni hiylakkaklu nwaka, Hoyakalu Ptowru Himukatatshri, tsru kahwakpirlu hohne tshinanu.

Apocalipse 16:7

Waneya satu tokantshi njema. Kapajiru henekachalu yoxikkaluru hitajikowaka hichpaktokanuxya wla tshinatshri: — Ha, Tsru Hixikatshriwa Hoyakalu, halikak-potuklu hiyrunu potukal-potuko papnokatlekaka papnokaxyana yinni.

Apocalipse 19:15

Wale nama yohlolewapi hakotatshri potuko honoxya. Yohlolewapiyma ruylakna yine, ptowru tshijne hajeneka. Htowutanna hipokananu, yomuwaje pa chikonurutu pixkalutuyma htowutna. Hkatsretanunna yinepni, uva katsrekjexikowaka-paji hwatshine pixka rixanna yinepni rimathexyawakapluna yine Hoyakalu ptowru potuko himukatatshri, hahnanuwle.

Apocalipse 19:4

Waneya tsrukakalune vinte e quatro pejnu hiyrun-koxa hiwejikalune quatro, yoptsojityehitlu Hoyakalustsi waneya rimalwutluna Hoyakalu pohirtshi tuplawakle tuplatatshri. Wla htshinna: — Amém! Himalwutkalurni Hoyakalu!

Apocalipse 21:22

Hi satukna Hoyakalupji wane nexya. Klu tshinanu Tsru Hixikatshriwa Hoyakalu, ptowru potuko himukatatshri hiyrunu Carneiro Whene tshinkaluru wannakni Hoyakalupjine.

Apocalipse 3:7

— Xye pirana pyonanwakatanru hiwejikaluru Hoyakalu towreru tenhohne hajeru Cristo halixatshine hapatjetatshine Filadélfia poktshi hajene kosekatshri: “Xye pirana runkakhi Hoyakalu, potukal-potuko, halikak-potu, phuru Davi tshinkalurni chave-te himwatshri. Hkotpukka, hike hichyatlu. Ruchyaxini, hike kotpuklu.

Apocalipse 4:4

Tuplawaka tnumne vinte e quatro tuplawakkaka hwatka. Hiyrun-koxa netna vinte e quatro tsrukakalune tuplatatshine klat-powalune. Hsahyena ouro kamhikaluru hsahyetna.

Apocalipse 4:6

Tuplawaka hinaple rawatka hipowha pixkalutu garrafa kamhikolu katajir-potuko cristal pixka. Tuplawaka hanikajite swa, sajrukle ptowru sretako, rawna quatro hiwejikalune quatro jixirune, hixo yhalna. Hista sreta hiyrun-koxa hitjimne sreta rawayhaletna.

Apocalipse 4:9

Waneya ptowru katako nyi quatro hiwejikalune himalwuru chikalexinna, kahwakpirlu renejinixkaluna hiyrunu poyahnu htshininrina pohirtshi, tuplawaka tuplatatshri, hike rixiniko mnikawnakatu yehi,

Apocalipse 5:6

Halikakni, tuplawaka hanikajite, quatro hiwejikalune hanikajite hiyrun-koxa tsrukakalune hanikajite, nexyalu Carneiro whene tshinkaluru, yopkakatshri. Carneiro-ni hiylatkaluru pixka rixa. Sete hwalu hiyrunu sete yhal-koxlu. Sete yhaltshi yapkakletlu sete hiwejikalune Hoyakalunune, hyokanatanune tshiji ptowruka hyapyawakapna.

Apocalipse 6:1

Waneya netlu carneiro whene jimlakatkalu mitshikananu yonawahlo steno hosture. Waneya njemtokanutlu satu hiwejikaluru tokanu. Tsru tokantshi, rutlohle pixka tshinatshri. Wla htshina: — Puna!

Apocalipse 6:6

Waneya tokantshi hima njema hiwejikalune quatro hanikajite hichpajikatshri, wan-tshinatshri: — Pa kilo trigo pahi, pa hohne kamrurtshi wenru psopa hiyrunu mapa kilo cevada pahi, pa hohne kamrurtshi wenru psopa. Halikaka nhihtshiha hiyrunu vinho-ha hi hsaletkakanu.

Apocalipse 7:11

Waneya hiwejikalune Hoyakalu towrerune tenhohne hajene ptowruneka yopkakyehitlu pohirtshi tuplawakle yehi, tsrukakalune yehi hiyrunu hiwejikalune quatro yehi. Waneya pohirtshi tuplawaklestsi ripyokna, hihojna rutspaktshijitna. Rimalwutluna Hoyakalu.

Apocalipse 7:15

Wale tshinanu Hoyakalu tuplawakle yoptowaka sreta rawna. Hoyakalu towre hkamhajetna Hoyakalupjiya hohi, hoyetshno. Pohirtshi tuplawakle tuplatatshri wannayma hwanu.