Apocalipse 4:4 - Bíblia

⁴ Tuplawaka tnumne vinte e quatro tuplawakkaka hwatka. Hiyrun-koxa netna vinte e quatro tsrukakalune tuplatatshine klat-powalune. Hsahyena ouro kamhikaluru hsahyetna.

Apocalipse 4:4 ပူးပေါင်းရင်းမြစ်များ

Mateus 19:28

Waneya Jesus wla tshina: — Halikaka ntshinhi, ptowruka herotetkoklunuklu papko hyinuwajiniklunupa Jeji Whene towuwle royaknuyma, wale towuwlu pixkalutu nenekanhi hixa nomkahitjenhi hiyrun-koxa phuru tuplawakle htuplatanu hikolukanuwnakakanna israel-nerune doze ptohkakapni.

Lucas 22:30

Halikaka himinkanno, himuranno nikjexikowakaya npohirewaxyawaka hwatshri. Hiyrun-koxa phuru tuplawakle htuplatanu hikolukanuwnakakanna israel-nerune doze ptohkakapni.

2 Timóteo 4:8

Hiyáhoni xawakni waneru satu sahyi pixkalutu nyochmakjiwuxikolupa numlujikolu npotuknu pirana, Tsru Hixikatshriwa Jesus Cristo, henejinipno wale hohnepa. Waleni wkamrure wenru heneklewatatshri potukal-potuko hetamayxaklerewatatshri. Hi hita tsonu reneksahyetanu seyni ptowruneka Jesus hapojinripa kahwakatshin-koxa, xye hinatshripa hohne hichinikatshine pejnu reneksahyetanu.

Apocalipse 11:16

Waneya tsrukakalune vinte e quatro, htuplawaklena pohirtshi tuplawakle tuplatatshine, Hoyakalu hoji sreta hwatshine, hyoptsojityehitluna Hoyakalu hiyrunu hihojna tshiji rutspakna. Hoyakalu rimalwutna.

Apocalipse 14:3

Cento e quarenta e quatro mil yine, pohirtshi tuplawakle sreta, hiwejikalune quatro hiyrunu vinte e quatro tsrukakalune yoptowaka sreta rawna. Herotu chikalu hchikaletna. Halikaka wanna cento e quarenta e quatro yine, tshiji hwakanatatshine hiwejikane tsonuko himukata himatletlu chikaltshi hchikaletanruna.

Apocalipse 19:14

Hiyrunu soldado-ne tenhohne hajene homkahjetlu. Cavalo-ne klatalune hyapna. Mkatshri linho-mta tseyo saxpaleru, klat-powranuru hmakatna.

Apocalipse 19:4

Waneya tsrukakalune vinte e quatro pejnu hiyrun-koxa hiwejikalune quatro, yoptsojityehitlu Hoyakalustsi waneya rimalwutluna Hoyakalu pohirtshi tuplawakle tuplatatshri. Wla htshinna: — Amém! Himalwutkalurni Hoyakalu!

Apocalipse 2:10

Hi hpikanru salewaktshi hix-yehi hapokatshripa. Hjemanu! Halikaka tsru kamtshi Satanás satkaka hixa preso rutakjixanu hyahoxikowakapa. Dez hohne pejnu hsaletko. Seyni hi hihrokahchinikanutanu yahmaklu hipnanu. Waneyapa phuru hitakjetanru pixkalutu sahyi nenekanhi hiweklu heneklewatatshri.

Apocalipse 20:4

Hiyrun-koxa pohirtshi tuplawaklekaka neta. Wane tuplatatshine koxa neta. Towuwlu henekkalune retmayxaklerewaxyawakapna. Hiyrun-koxa yinni hiwejinri neta, kastaknojitkalunni Jesus hiphujexikolu pirana tshinanu hiyrunu Hoyakalu tokanu hinkaklexikolu tshinanu. Nyikaka kmatsyiru hiyrunu kmatsyiru yáhole mkahwakpiratkanni hiyrun-koxa kmatsyiru himaxikole jrottshi hitakkaluru ho myotshi hitakkaluru malukanni wanna. Hiyáhoni nyi yinni Cristo-yma riwekanna hiyrunu hpohirewatanna mil mhale pejnu.

Apocalipse 3:18

Ntowuthi ouro myapjetkotu hit-yehi hanjixyawaka, phurun-potu hixyawakapa. Hiyrunu mkatshri klatalu hit-yehi hanjixini hmakaxyawakaplu hma patewaxyawakanupa hmamkanu tshinanu. Hiyhale pniri hit-yehi hanjixini hsahayhalexinripa, hapkathojixyawakapa.

Apocalipse 4:10

waneya tsrukakalune vinte e quatro pejnu yoptsojityehitlu htuplawakle tuplatatshri hoji sreta hiwekhohnekanatatshri hike rixiniko mnikawnakatu yehi waneya rimalwutluna. Waneya hsahyena, ouro kamhikolu, tuplawaka hinaple rutspakna. Wla tshinatshine,

Apocalipse 4:6

Tuplawaka hinaple rawatka hipowha pixkalutu garrafa kamhikolu katajir-potuko cristal pixka. Tuplawaka hanikajite swa, sajrukle ptowru sretako, rawna quatro hiwejikalune quatro jixirune, hixo yhalna. Hista sreta hiyrun-koxa hitjimne sreta rawayhaletna.

Apocalipse 5:11

Waneya netatka. Hiwejikalune Hoyakalu towrerune tenhohne hajene hixolune, Hoyakalu tuplawakle hiyrunu quatro hiwejikalune hiyrun-koxa tsrukakalune vinte e quatro htuplawaklekaka tuplasajrukletatshine neta. Wanna hixolune tokanu njema. Wanna ptowru pejnu, dez mil kata dez mil pejnuna hiyrunu hixo mil wane yohnika.

Apocalipse 5:14

Quatro hiwejikalune, Amém htshinna. Waneya tsrukakalune yoptsojityehitlu Hoyakalu hiyrunu Carneiro whene tshinkaluru yehi, waneya rimalwutna.

Apocalipse 5:6

Halikakni, tuplawaka hanikajite, quatro hiwejikalune hanikajite hiyrun-koxa tsrukakalune hanikajite, nexyalu Carneiro whene tshinkaluru, yopkakatshri. Carneiro-ni hiylatkaluru pixka rixa. Sete hwalu hiyrunu sete yhal-koxlu. Sete yhaltshi yapkakletlu sete hiwejikalune Hoyakalunune, hyokanatanune tshiji ptowruka hyapyawakapna.

Apocalipse 5:8

Waneya wan-rixinixka quatro hiwejikalune hiyrunu tsrukakalune vinte e quatro pejnu yoptsojityehitlu Carneiro Whene tshinkalurustsi. Satkaka wanna himwakanatlu tokapikaka hiyrunu kastonolkaka ouro kamhikaluru katseplu phamlu pahiru. Phamlu pahiru yapkakletlu Hoyakalu nurrene ralixjene hanjihohnere pirana.

Apocalipse 6:11

Waneya satkaka mkatshri klatalu hopowalu renekka wanna ptowruneka. Waneya runkakkana pnutejijitshi rapnanuxyawakapna haté rikamrurewatanune hiyrun-koxa Cristo tshinanu hmoletanune ruylaxikowakapna wanna pixka rixa hiylalexikowakapna.

Apocalipse 7:11

Waneya hiwejikalune Hoyakalu towrerune tenhohne hajene ptowruneka yopkakyehitlu pohirtshi tuplawakle yehi, tsrukakalune yehi hiyrunu hiwejikalune quatro yehi. Waneya pohirtshi tuplawaklestsi ripyokna, hihojna rutspaktshijitna. Rimalwutluna Hoyakalu.

Apocalipse 7:9

Waneya wane wkatanu netatnaklu, netna yine hixolun-potu, mpoyaho hitakyahokletkone. Wannani ptowru tshijne hichpajikatshine, ptowru neruko, kakoje neruru hiyrunu ptowru nrutshi. Pohirtshi tuplawaklestsi hiyrunu Carneiro Whene tshinkalurustsi hyopkakakanatna. Mkatshri hopowalu klatalu makatatshine. Kasureru ranikamtna himyoyna.

Apocalipse 9:7

Tsetserune cavalo-ne yahotkaklu himalpokotkalune pixka rixahotkana. Sahyi ouro kamhikaluru pohirtshi hitakjetanru pixkalutu hwajiwutna. Hihojna yineru hoji pixka rixhojitna.