Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Apocalipse 3:8 - Bíblia

8 “Nimatlu hkamrure. Hetanu! Hiphapto nkotpukyehixyahi. Hike himukata hichyaletlu. Kmixkonhi psotsonu. Hiyrun-koxa ntokanu homkahjeta hiyrunu hi hiknokatkalu nhiwaka halixikolu.

အခန်းကိုကြည့်ပါ။ ကော်ပီ




Apocalipse 3:8
25 ပူးပေါင်းရင်းမြစ်များ  

Seyni katukta yine jemanu malukkotu htshinanwakaxinipno waneya Jeji Whene tshinkaluru koxa waneko pixka htshinanwakatanunru hiwejikalune Hoyakalu towrene tenhohne hajene jemanuya malukkotni wale htshinanunna.


Hi hamtakanru tokantshi ntshinyatkahi. Xyekni wale: “Towrertshi hi htowutjeru yohnik-himukatatshrini wale”. Hiyáhoni hita hsalexinixka, hix-koxa hsaletanna yine. Hita ntshinyawaka rimrexinna waneya hixa tshinyawaka koxa rimretanna.


— Nuphujetatkalu pixa phiwaka yine penejyano xye tshijne hajene yehiya. Payinetene penejyano. Hiyrun-koxa pixa ptokanu romkahjetna.


Waneya rapojinixkana Antioquia Paulo, Barnabé hapatjetna Cristo halixatshine hapatjetatshine waneya runkakna psoluka Hoyakalu hixkajyawakna pirana hiyrunu Hoyakalu hixkajyawaklu judeu mixkane koxa ralixyawakna pirana.


Klu tshinanu nukchiklu hewi híxona yine Hoyakalu pirana halukatshine. Numukata hinkaklewleta yahmaklu híxona nkamnitjene.


Trôade poktshi napkapini Cristo pirana, kihle piranalu potuko hiwekkaklewatatshri pirana nunkaklexini, netlu Tsru Hixikatshriwa Hoyakalu hali halpokoletatkalu wane hyoptoxiko nunkakle.


Nmixkotjeru tshinanu ptowru potuko numukata.


Hanjihohnexini hix-koxa hanjihohneyehitanu, Hoyakalu himukata hikchika yapawaklexyawakapwu wunkaklexyawakaplu Cristo pirana mpohitakanatkotu pirana. Cristo pirana npohitle tshinanu kapna nutakka.


Seyni katukta hi hislahanna waleko himolene, hipjiko hajenewa, walekta hichotatkalu halixlewlu pirana romkahixyawaka. Wan-hixatshri malixkatu pnute hektutu kamhatshrini.


Kihle yahotle nixa yahotlewletatka. Hasuklu hichinixyawaka pixkawaka napokatka. Halixlu nomkahitatka haté xawakni.


Klu tshinanu rawna jejine satkaka, hixa hanikajite hapokachatatshine mtshanixkoneko. Mitshikawako hnurexikna rapnokaxikowakapna. Hoyakalu malukanutu homkahitatshinni wanna. Hoyakalu hihlenu hepixlewatatshri, mimaletlewatkatu pirana hkahwakluna. Ruknokluna Tsru Hixikatshriwa Hoyakalu satupkalutu hiyrunu Wutsrukate Jesus Cristo ruknokna.


Nimatlu hwiywaka, tsru kamtshi Satanás pohirewaxyawaka yehi. Seyni nhiwaka homkahle hi hiknokatka hiyrun-koxa hi hiknokatkalu halixlu pirana homkahpotuxyawaka. Antipas tshinkaluru nuphujtatjeru ptowutkolu potuko rupniniklunupapkonatka hix-yehi hiylaxikaluru, tsru kamtshi Satanás hwiywaka yehi, seyni hi hiknok-halixletatka.


Hkamrure nimata. Nimatlu hkamrurewpotutatka ptowru mchiretannutshiyma. Hiyrunu nimatlu hektutu kkamhaklerune kamrure hi hyima. Himlukanutna jejine nuretkalune tshinikatshinwa seyni hi wan-rixna. Hetna kayloklerune rixyawakna.


Wla htshina Jesus: — Hyijnakotanu! Pchini tsonu nunanu! Kihle hchinikanurni hinatshripa pirana, xye steno yonatkaluru hwatshri homkahitatshri.


— Xye pirana pyonanwakatanru hiwejikaluru Hoyakalu towreru tenhohne hajeru Cristo halixatshine hapatjetatshine Sardes poktshi hajene kosekatshri: “Xyekni hinkaklu hixa tshinanu, wla htshina, sete hiwejikalune Hoyakalununni hiyrunu sete katahirine hanikatshri. Nimatlu hkamrure. Hiwekatshine hikahwakkalune seyni halikaka hipnatshinhi.


Hislahatkalu ntokanu ntowuxyahi, hkahwakachaxyawakap-pirana hiyáhoni hit-koxa hepixanhi hma mexyawakanuplu salexikol-hohne hinatshripa, ptowru tshijne hajene yahoxikolu klu papkopa.


Nimatlu hkamrure. Nimathi hixa hi katshiklerunpothi, hi koxa hamerunpothi. Nalukamkahi katshiklerunpotu hixyawaka ho hamerunpothi.


— Xye pirana pyonanwakatanru hiwejikaluru Hoyakalu towreru tenhohne hajeru Cristo halixatshine hapatjetatshine Filadélfia poktshi hajene kosekatshri: “Xye pirana runkakhi Hoyakalu, potukal-potuko, halikak-potu, phuru Davi tshinkalurni chave-te himwatshri. Hkotpukka, hike hichyatlu. Ruchyaxini, hike kotpuklu.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ