Apocalipse 3:4 - Bíblia

⁴ Seyni satkakhi hixajiji, Sardes poktshi hajenhi hi pitshotamkaluxnawa. Hitayma hyanna mkatshri klatalu makatatshine. Rumukatna klu tshinanu hike hma tshinanwakaxikowakanna tshinanni.

Apocalipse 3:4 ပူးပေါင်းရင်းမြစ်များ

Mateus 10:11

— Hanur-poktshiktako hjihlojini, hijhanru satu hihle yoptoletjeru waneya wanepji hwanu haté hichpajini potuko.

Marcos 16:5

Hiyáhoni hjihlokyomletluna. Waneya retluna makluji klatalu mkatshri hitakatshri, hpotukle sreta htuplakanata. Rimyekpotutna.

Lucas 20:35

Seyni tujra hohne mnikawnakatupa himukata hwaletatshinepa, hiweklu yoptotatshinepa, hi hnunrowatanu hiyrunu hi hhanuruwatanna.

Lucas 21:36

Hiyáhoni hi himnanhinri, hanjihohnejetanu, hi hituk-hanjihohneretanu, himukata hasuklexyawakaplu ptowruka xyekaka hinatshripa. Hpaklu poyehiwlehchinikanuta Jeji Whene tshinkaluru hetanuya.

Atos 1:15

Waneklu papko Pedro yopkaka Jesus hasruklene hanikajite (cento e vinte yine hapatjetatka) waneya wane htshina:

2 Tessalonicenses 1:5

Xye tshinanukni rimathexikowakapa halikakalutni, potukalni jihyehixikolu Hoyakalu hikolukanuwnayehjixlewle. Hiyáhoni xye ptowruka tshinanu Hoyakalu pohirewaxyawaka yehi poyahokakatshinephi. Wale tshinanu hsalewnajeta.

Judas 1:23

Pimrine tshitshmero yehi hkochpajinna, riwejyawakapna. Hetwamonutanna seyni hislahinwa. Hahnanutanru himkalna kaptsholu pixkalutu, wanna mane kamrure pitshotatshri.

Apocalipse 1:11

Wla htshinamta, — Petanrukaka pyonpiranatanu papel-mtaya. Waneya pyokanatanro yonawahlo Cristo halixatshine hapatjexyawakkaka hajene nwaka, sete-ne. Éfeso poktshi nwaka, Esmirna poktshi nwaka, Pérgamo poktshi nwaka, Tiatira poktshi nwaka, Sardes poktshi nwaka, Filadélfia poktshi nwaka, Laodiceia poktshi nwaka.

Apocalipse 11:13

Waneklukawa potuko tsru hiyoliklu tshiji rixa. Waneya satupka dez-te (1/10) tsru poktshi psojite yawnapjitana. Hiyoliklu tshiji tshinanu sete mil yinni hipnana. Pimrine hpikpotutanna. Hiyáhoni Hoyakalu tenhohne hajeru rimalwutna.

Apocalipse 14:4

Nyi jejine, cento e quarenta e quatro mil yine pejnu, suxone mapokmanetkanewa, wannani powrahchinikanurune. Nyi jejine Carneiro Whene tshinkaluru homkahitatshinni hanuktako hyini wale. Nyi yin-yehi hanjixikalunni. Wanna honra mitshikananu henekachalu pixkalune Hoyakalu tshinanunepa hiyrunu Carneiro Whene tshinkaluru tshinanunepa.

Apocalipse 19:14

Hiyrunu soldado-ne tenhohne hajene homkahjetlu. Cavalo-ne klatalune hyapna. Mkatshri linho-mta tseyo saxpaleru, klat-powranuru hmakatna.

Apocalipse 19:8

Mkatshri tenekka tmakaxyawakaplu, linho-mta, kihler-potuko, psalo saxpalemtalu, katajir-potuko. Xye linho-mta hyapkaklu Hoyakalu nurrene ralixjene kamrure, kihleru, potukalu.

Apocalipse 3:18

Ntowuthi ouro myapjetkotu hit-yehi hanjixyawaka, phurun-potu hixyawakapa. Hiyrunu mkatshri klatalu hit-yehi hanjixini hmakaxyawakaplu hma patewaxyawakanupa hmamkanu tshinanu. Hiyhale pniri hit-yehi hanjixini hsahayhalexinripa, hapkathojixyawakapa.

Apocalipse 3:5

Hallirewatatshri mkatshri klatalu makatatshripni. Hiyrun-koxa hiwejikaluro steno hi ruchyahiwakaxiko. Seyni wale hiwaka nuphujetanu Nuru Hoyakalu hetanu hiyrunu hiwejikalune Hoyakalu towrene tenhohne hajene hetan-koxa.

Apocalipse 4:4

Tuplawaka tnumne vinte e quatro tuplawakkaka hwatka. Hiyrun-koxa netna vinte e quatro tsrukakalune tuplatatshine klat-powalune. Hsahyena ouro kamhikaluru hsahyetna.

Apocalipse 6:11

Waneya satkaka mkatshri klatalu hopowalu renekka wanna ptowruneka. Waneya runkakkana pnutejijitshi rapnanuxyawakapna haté rikamrurewatanune hiyrun-koxa Cristo tshinanu hmoletanune ruylaxikowakapna wanna pixka rixa hiylalexikowakapna.

Apocalipse 7:9

Waneya wane wkatanu netatnaklu, netna yine hixolun-potu, mpoyaho hitakyahokletkone. Wannani ptowru tshijne hichpajikatshine, ptowru neruko, kakoje neruru hiyrunu ptowru nrutshi. Pohirtshi tuplawaklestsi hiyrunu Carneiro Whene tshinkalurustsi hyopkakakanatna. Mkatshri hopowalu klatalu makatatshine. Kasureru ranikamtna himyoyna.