Apocalipse 3:3 - Bíblia

³ Hiyáhoni hichinikanretanru htshinikolu hyoptoleru, hjemleru. Wale pirana xako homkahpotutanu hehchinikanutanu. Klu tshinanu hma muslahiknuklunwa chinpotu napyehitanhi, katshowhuru hapokle pixka. Hi himatanu klu hora-ko napyehitanhi.

Apocalipse 3:3 ပူးပေါင်းရင်းမြစ်များ

Mateus 25:13

— Hiyáhoni hkakonjetanmaklu klu tshinanu hi himatlu hihohne, hi hipapkoko runinripa Jeji Whene.

Marcos 13:33

Hiyáhoni hislahinri [hiyrunu hanjihohnetanu] klu tshinanu hixa hi himatlu rapojinri hohnepa.

Marcos 13:36

Chinpotukawa runinipa hma mapyehixyawakanuphi himkatshinhi.

1 Tessalonicenses 5:2

Klu tshinanu hixako himatpotutlu Tsru Hixikatshriwa Cristo hapojinri hohnepa katshowhuru hoyetshno hapokatshri mpohitkotuko pixka rixa hinretanu.

1 Timóteo 6:20

Timóteo, puslahinwa pmunanhikoluya. Pkotspalaxinwa hektut-pirana hipiranachakaka tshinikoluya. Hiyrun-koxa yanumsalkaka hike mkochpakkatu pirana, himatkaltshi pirana htshinka seyni hike pkotspalaxinwa.

2 Timóteo 1:13

Halikak-potuk-tokantshi, pixa nasrukjekanatanru tokantshi pomkahitanu. Pmixkota halixletanu wale tokantshiya hiyrun-koxa hamotlewlu piranaya, wimwaleru Jesus Cristo-ya.

Hebreus 2:1

Hiyáhoni wujhalu wuslahpotuxyawaklu halikaka pirana wjemanru, xekoyaka wma pupjexyawakanuplu xyekaka pirana.

2 Pedro 1:13

Halikaka xye nomane nwaka pchinika, nukchikhihlenutlu nuchinkapkajyawakhi xyekaka pirana jmereyalunephi.

2 Pedro 3:1

Nuchinikanune, xyekni hepi rixinri yonawahlo hixa nwaka nyokanrero. Nyi hepi yonawahlo tshinanu naluka komyekahchinikanrethi hihchinikanu kihleru, potukalu, xyekaka pirana hichinkapyawakapa.

2 Pedro 3:10

Klu tshinanu Tsru Hixikatshriwa Cristo hininri hohnepa hapokanu, katshowhuru hapokle pixka rixa hapokletanu. Waneklu papkopa tenhohne herutkotka tsru sejirtshiymapa. Xye hohne hikamrurewleru hiprahkanu tsru hameru tshinanu. Xye tshiji hiyrun-koxa ptowru kamhakaluru, xye tshiji hwatshri, nikawnanu.

Apocalipse 16:15

“Hjemanu! Halikaka katshowhuru hinre, munkakletu pixka nixa hinretanu hita. Hiyáhoni kihlehchinikanurupni yineru, wale hohne kahwakatshri, himkalu hihlepokotatshri. Mamkatu phujewaka myapyawakanupa, hma patewaxyawakanupa.”

Apocalipse 2:25

Xye tsonu, himwaleru halikaka hi hiknokanu nmapokkanuko pchinika.

Apocalipse 2:5

Hiyáhoni hichinikapanru xako mitshikananu hchinikanu hma pupjekanatkanuklunuwa waneya hehchinikanutanu. Mitshikananu hkamhajekanatanru kamrurtshi pixka hixanu. Klu tshinanu hma mehchinikanutkanuklununapa nunhapkatanu hix-yehi. Katalu hanikapi pixkalutu nkonanhi.

Apocalipse 22:7

Wla htshina Jesus: — Hyijnakotanu! Pchini tsonu nunanu! Kihle hchinikanurni hinatshripa pirana, xye steno yonatkaluru hwatshri homkahitatshri.

Apocalipse 3:11

Hjemanu! Nunhapkatanu. Hiyáhoni walekaka himwaleru hi hichotanu. Hike yineru mkonyawakanuplu himlujikolu hyoptotanrupa.

Apocalipse 3:19

Nuchinikanune pejnu ntshihetjeta, nsaletjeta. Hiyáhoni jmererunephi hehchinikanuxyawakapa.

Apocalipse 3:2

Hislahinwa, hmixkotanru himwaleru hixetatshri psotsonu, hma mupniywaknupa wale psotsonu koxa. Klu tshinanu hi nukchiklu hkamrure Hoyakalu halukanru hike mmahaxikatu, Hoyakalu hetanu tshinanuya.