Apocalipse 3:18 - Bíblia

¹⁸ Ntowuthi ouro myapjetkotu hit-yehi hanjixyawaka, phurun-potu hixyawakapa. Hiyrunu mkatshri klatalu hit-yehi hanjixini hmakaxyawakaplu hma patewaxyawakanupa hmamkanu tshinanu. Hiyhale pniri hit-yehi hanjixini hsahayhalexinripa, hapkathojixyawakapa.

Apocalipse 3:18 ပူးပေါင်းရင်းမြစ်များ

Mateus 13:44

— Tenhohne pohirewaxyawaka satu halukkaluru yohimatkaluru campo-ya pixkalutni. Waneya satu jeji hikchijiniklunru hyohimatatnaklu. Waneya hpoyiknu tshinanu, hyatka, rimwaleru psoluka ruchankatka, wale campo ranjixyawakapa.

Mateus 25:9

Seyni kahchinikanurone wla tshinna: “Ha hike! Klu tshinanu pa katako hi hpoyahotanu hixako w-lamparina-te tshinanupa hiyrunu hixa h-lamparina-te tshinanu. Seyni óleo-ha halujinipa, hanjitapanru.”

Lucas 12:21

Waneya Jesus wla tshina: — Wan-rixanuna yinepni hejnu hapatjetatshinepni wannanupka hijhatshinepni seyni hike mwikanenapni Tsru Hixikatshriwa Hoyakalu yehiya.

2 Coríntios 5:3

Hiyáhoni tenhohne hajerupji wjihlojinpatka hi mapjine pixka wixanutka.

2 Coríntios 8:9

Klu tshinanu hixa himatpiranatlu Wutsrukate Jesus Cristo hihlenu henekachalewle pirana. Phurukananni Cristo seyni hixa tshinanu hike mwikatutkani, hike hmimwalnutka pohirewkakatkahi hixa.

1 Timóteo 6:18

Ptowutanna kihle rixyawakapna pimrine, phurune hixkakanna kihler-kamrurtshiyma. Ptowutanna jenekaklerune rixyawakna, kapikaklerunepni.

Tiago 2:5

Cristo tshinanu nmoletanune nuchinikanune hislahtokanutanno. Hi he Hoyakalu nurrenni wanna hike mwikane xye tshijne hajeruya seyni halixlu tshinanu phurunni hiyrunu Hoyakalu pohirewaxyawaka yoptotatshinepni wanna, runkaklexyana ramotjene?

1 Pedro 1:7

Seyni hsalewna, halixle hyahoxika, rimathexikowakapa ho halikaklahe halixlu ho hike. Ouro koxa moyakatu, rixirikka tshitshipawayma, waneko pixka rixko halixlu halukkaluru potuko, tshitshipawa pixkalutuyma hyahoxika. Wan-rixko yineru halixle rumukata himalwuretko, ruphujetko walixle, htserpiranatko walixle Jesus Cristo hapojinri klu papko.

Apocalipse 16:15

“Hjemanu! Halikaka katshowhuru hinre, munkakletu pixka nixa hinretanu hita. Hiyáhoni kihlehchinikanurupni yineru, wale hohne kahwakatshri, himkalu hihlepokotatshri. Mamkatu phujewaka myapyawakanupa, hma patewaxyawakanupa.”

Apocalipse 19:8

Mkatshri tenekka tmakaxyawakaplu, linho-mta, kihler-potuko, psalo saxpalemtalu, katajir-potuko. Xye linho-mta hyapkaklu Hoyakalu nurrene ralixjene kamrure, kihleru, potukalu.

Apocalipse 2:9

Nimathetlu hsalewaklu. Nimatlu hike mwikanemkahi seyni halikaka phurunhi. Nimathetna heyikjene judeu-ne tshinikatshinwa seyni hi halikakni. Seyni tsru kamtshi Satanás maklutenni wanna.

Apocalipse 3:17

Klu tshinanu hixa wan-tshinnawa: ‘Phurunwu, kihle hiweklewu hike wmahaxya.’ Seyni hi himathexnawa salewnatshinhi, kaheknanuwatatshinhi, hike mwikanhi, mayhalenhi, mamkanhi.

Apocalipse 4:4

Tuplawaka tnumne vinte e quatro tuplawakkaka hwatka. Hiyrun-koxa netna vinte e quatro tsrukakalune tuplatatshine klat-powalune. Hsahyena ouro kamhikaluru hsahyetna.

Apocalipse 7:13

Waneya satu wanna tsrukakalune wla tshinno: — Katnihe nyi mkatshri klatalu hopowalu makatatshine? Hanhe ruchpajyana?