Apocalipse 22:9 - Bíblia

⁹ Seyni wale wla htshinno: — Hi wane pixanu, klu tshinanu hita pixje towrertshino hita. Pmoletanru Cristo tshinanu Hoyakalu tokanu hinkakletatshineymalutno hita hiyrunu xye tokantshi xye steno yonaxikaluru homkahitatshine pixkalutno hita. Halikaka Hoyakalu pimalwutanu!

Apocalipse 22:9 ပူးပေါင်းရင်းမြစ်များ

Mateus 4:9

Waneya tsru kamtshi Satanás wan-tshina: — Xyekaka ptowruko nenekanyi pyoptsojityehixinipno, pimalwuxinipno.

Lucas 4:7

Xyekaka ptowruka pixanpatkani pyoptsojityehixinipno, pimalwuxinipno.

1 João 5:20

Hiyrun-koxa wimatlu Hoyakalu Whene hapokatka hiyrunu renekwu himatkaltshi wimathexyawaklu halikakalutni wale. Halikakalutuymalunetkawu. Waleni Hiwhene Jesus Cristo. Xyekni Hoyakalu halikakalutu hiyrunu hiwekluni hikeklu hohne mnikawnakatupa.

Apocalipse 1:1

Twu steno raw-yonhata Jesus Cristo hixyawakapa pirana. Hoyakalu yokanatlu xye pirana ruphujexyawakapa rekhixyawakapna htowrene howukchini mapokatpatka pirana. Cristo yokanatlu htowreru hiwejikaluru tenhohne hajeru xyekaka pirana rimatkajyawakaplu htowreru, João tshinkaluru.

Apocalipse 1:11

Wla htshinamta, — Petanrukaka pyonpiranatanu papel-mtaya. Waneya pyokanatanro yonawahlo Cristo halixatshine hapatjexyawakkaka hajene nwaka, sete-ne. Éfeso poktshi nwaka, Esmirna poktshi nwaka, Pérgamo poktshi nwaka, Tiatira poktshi nwaka, Sardes poktshi nwaka, Filadélfia poktshi nwaka, Laodiceia poktshi nwaka.

Apocalipse 14:7

Waneya hipokananu hyanumata, wla htshina: — Hkahwakpiratanru Hoyakalu, hiphujetanru royaknu himalwuruyma. Klu tshinanu rapnokatjixle papko hapokatka. Himalwutanru tenhohne, tshiji, mar powha hiyrunu honha hichpakhaxyawaka hiyakotatshri.

Apocalipse 15:4

Kathe hi pikanyi pixa, Tsru Hixikatshriwa Hoyakalu? Hiyrun-koxa kathe hi himalwutanyi poyaknu tshinanu? Klu tshinanu pixa tsonupka potukalyi. Ptowru tshijne hajene hinanwakatanyi rimalwuxyawakapyina. Klu tshinanu hiphujetkalurutkani pkamrure, potukal-potuko.”

Apocalipse 19:10

Waneya Hoyakalu towreru tenhohne hajerumka nyoptsojityehita nimalwuxyawakaplu seyni wale wan-tshinno: — Hike, hi wane pixanu! Hit-honra pixje kamrurewatatshrino, Hoyakalu towreru, pmoletanune Cristo tshinanu, Jesus hiphujetatshineymalutno. Hiyáhoni Hoyakalu himalwutanu halikaka! Klu tshinanu halikaka pirana Jesus hiphujetleru pirana, Hoyakalu tokanu hinkakletatshine mixkotjeru.

Apocalipse 22:10

Wla htshinno wane pnutetka: — Hi pyohimatanru tokantshi hinatshripa pirana xye steno hwatshri klu tshinanu hi howukchiniplu rakanhiywakapa xyekaka pirana.

Apocalipse 22:18

Hita João-no hinkaklewata, xako hanuktako yineru xyekaka tokantshi xye steno hwatshri hinatshripa pirana yijnakotatshri. Katukta pa pirana hajrijinri xyekaka tokantshi waneya Hoyakalu salewaktshi rajrijinri wale yineru xye steno hwatshri pirana tshinanu.

Apocalipse 22:7

Wla htshina Jesus: — Hyijnakotanu! Pchini tsonu nunanu! Kihle hchinikanurni hinatshripa pirana, xye steno yonatkaluru hwatshri homkahitatshri.

Apocalipse 4:10

waneya tsrukakalune vinte e quatro pejnu yoptsojityehitlu htuplawakle tuplatatshri hoji sreta hiwekhohnekanatatshri hike rixiniko mnikawnakatu yehi waneya rimalwutluna. Waneya hsahyena, ouro kamhikolu, tuplawaka hinaple rutspakna. Wla tshinatshine,

Apocalipse 9:20

Seyni pimrine yine hixetatshine xyekaka saletlu muylatkanune, hi rehchinikanyehitluna wannako hkamrurna: hi ruchotluna kamtshine romkahixyawakna, hi mayawletshicha ouro ho prata ho bronze, ho sotlu, ho hahmuna kamhikolu metkatu, majnakotu, myankatu hi rutuk-homkahretna.