Apocalipse 22:1 - Bíblia

¹ Hiyrun-koxa Hoyakalu towreru tenhohne hajeru hekhitno wenu Honha Hiweklu Heneklewatatshri hiwakatletatshri. Xye wenha katajha potuko, garrafa pixka. Hoyakalu hiyrunu Carneiro Whene Tshinkaluru tuplaxyawaka ruchpajyatka wale wenu.

Apocalipse 22:1 ပူးပေါင်းရင်းမြစ်များ

João 13:32

Hiyáhoni Hoyakalu hoyaknu hiphujexika wale tshinanu. Xawakni Hoyakalu tshinan-koxa ruphujexika wale hoyaknu. Chinpotukawa ruphujexikolupa royaknu.

João 15:26

Seyni Hapnanuhchinikankaklewatatshri, Hiwejikaluru halikaka pirana hiphujetatshri, Nuru Hoyakalu yehi hichpajikatshripa, nyokanatanrupa, rapojinipa hixa nwaka, waleko hiphujtatanno.

João 4:14

Seyni katuktako honha hita henekjexyalu hiratshri hikeklu ronunnahatewatanu. Klu tshinanu honha hita henekjexyalu hakopha rixnatkawa hisatu hitokoteya. Hiweklu hikeklu hohne mnikawnakatupa renekanru.

Atos 2:33

Hiyáhoni Jesus hanikkatka, Hoyakalu potukle sreta rawyawakpatka hiyáhoni hyoptotlu Hoyakalu Hiwejikaluru htshina hinkaklexyawakpotuklu Jesus. Hiyáhoni xye hixa hetanru hiyrunu hjemanru waleni Hoyakalu Hiwejikaluru hiyoklerni.

Apocalipse 1:1

Twu steno raw-yonhata Jesus Cristo hixyawakapa pirana. Hoyakalu yokanatlu xye pirana ruphujexyawakapa rekhixyawakapna htowrene howukchini mapokatpatka pirana. Cristo yokanatlu htowreru hiwejikaluru tenhohne hajeru xyekaka pirana rimatkajyawakaplu htowreru, João tshinkaluru.

Apocalipse 21:11

Hoyakalu hoyaknu hatajnuyma ratawna. Sotlu kwenuru jaspe tshinkaluru pixka, katajir-potuko pixka rixa hatawnaleta wale poktshi.

Apocalipse 21:6

Waneya wla htshinatkano: — Xye ptowruka halixatka. Hit-honra mitshikananu hajerno hiyrunu hapkatatatshri potuko hajerno, hyinuwajikol-potukno hiyrunu hmahaxyawak-potuko hajerno. Honunnahatewatatshripa nutahatanu. Honha hiweklu heneklewatatshri hichpakhaxikatshri hajer-ha nenekanru, henekachalur-potuko.

Apocalipse 21:9

Waneya satu wanna, hiwejikalune Hoyakalu towrerune tenhohne hajene sete, salewaktshikaka stono yehi himwatshine, wla tshinno: — Puna, nekhitapanyi hnuruwpiratatshro, Carneiro Whene tshinkaluru hnunropa.

Apocalipse 22:17

Hoyakalu Hiwejikaluru hiyrunu hnuruwatatshropa wla htshinna: — Puna! Hiyrun-koxa xye pirana jematshri wla tshina: — Puna! Honunnahatewatatshri hinanu. Hiyrunu katuktako haluka yoptoletanru honha hiweklu heneklewatatshri henekachal-ha.

Apocalipse 22:6

Waneya hiwejikaluru Hoyakalu towreru tenhohne hajeru wla htshinno: — Xyekaka tokantshi halikakalutu piranni hiyrunu rakanhanu halikaka. Tsru Hixikatshriwa Hoyakalu, htokanu hinkakletatshine hihchinikanu hepixatshri, yokanatlu htowreru hiwejikaluru tenhohne hajeru rekhixyawakapna htowrene xyekaka pirana chinpotukawa hakanhatshripa pirana.

Apocalipse 3:21

“Hallirewatatshri ntshanixanu rituplatanno npohirewnale tuplawakle, hita hallirewaxinri pixka, Nuru Hoyakalu towuwlu tuplawakle nituplaxyawaklu Nuru Hoyakalu pixka.

Apocalipse 5:13

Waneya ptowru hiyakotkaluru tenhohne hajeru, tshiji hajeru, tshiji hitokote hajeru, mar powha hwatshri hiyrunu ptowruka wane hajerkaka, njema wla tshinretna: — Himalwuru, kahwakpirlu, hoyaknutshi hiyrunu himukatlu, pohirtshi tuplawakle tuplatatshri tshinanupa hiyrun-koxa Carneiro whene tshinkaluru tshinanupa rixhohnekanaxyawakapni hike rixiniko mnikawnakatupa.”

Apocalipse 5:6

Halikakni, tuplawaka hanikajite, quatro hiwejikalune hanikajite hiyrun-koxa tsrukakalune hanikajite, nexyalu Carneiro whene tshinkaluru, yopkakatshri. Carneiro-ni hiylatkaluru pixka rixa. Sete hwalu hiyrunu sete yhal-koxlu. Sete yhaltshi yapkakletlu sete hiwejikalune Hoyakalunune, hyokanatanune tshiji ptowruka hyapyawakapna.

Apocalipse 7:17

Klu tshinanu Carneiro Whene tshinkaluru pohirtshi tuplawakle hanikajite hwatshri hohlutanna. Hkosekanna honha kihleru, hiwekkaklewatatshri-ha nwaka. Hiyrun-koxa Hoyakalu ptowru hiktehna hcheyixyana.