Apocalipse 20:4 - Bíblia

⁴ Hiyrun-koxa pohirtshi tuplawaklekaka neta. Wane tuplatatshine koxa neta. Towuwlu henekkalune retmayxaklerewaxyawakapna. Hiyrun-koxa yinni hiwejinri neta, kastaknojitkalunni Jesus hiphujexikolu pirana tshinanu hiyrunu Hoyakalu tokanu hinkaklexikolu tshinanu. Nyikaka kmatsyiru hiyrunu kmatsyiru yáhole mkahwakpiratkanni hiyrun-koxa kmatsyiru himaxikole jrottshi hitakkaluru ho myotshi hitakkaluru malukanni wanna. Hiyáhoni nyi yinni Cristo-yma riwekanna hiyrunu hpohirewatanna mil mhale pejnu.

Apocalipse 20:4 ပူးပေါင်းရင်းမြစ်များ

Mateus 19:28

Waneya Jesus wla tshina: — Halikaka ntshinhi, ptowruka herotetkoklunuklu papko hyinuwajiniklunupa Jeji Whene towuwle royaknuyma, wale towuwlu pixkalutu nenekanhi hixa nomkahitjenhi hiyrun-koxa phuru tuplawakle htuplatanu hikolukanuwnakakanna israel-nerune doze ptohkakapni.

Mateus 24:10

Waneklu papkopa hixolune yine hiknoka halixletanu, yine kamnikakanu, rahkakakanna,

Marcos 6:16

Xye hjeminixka Herodes waneya wla htshina: — João-ni hetkokni wale! Nkastaknojikjixlerukni xawakni hipuktshi riwekkajikatka!

Marcos 6:27

Hiyáhoni waneklukawa potuko phuru yokanatlu satu htowreru rawapjiwuxyawakaplu João. Waneya hyatka, hkastaknojitatkalu João-ni preso yehiya.

Marcos 9:11

Hiyáhoni repomhaluna Jesus, wla htshinruna: — Klu tshinanhe kasruklewaklerune hinanchitkaluru pirana hasruklewatatshine wan-tshina Elias hapka hapokanu?

Lucas 1:17

Hoyakalu towrerupni, jinkaklewaklerupni. Hoyakalu tokanu hinkakletatshrini Elias-ni tshinkalurni hchinikanu pixka rixleyma hiyrun-koxa Elias-ni pixkonu pixka rixleyma rimatletkakanna tsrune hwuheneneymana. Hektutu kamhatshine ruprotakanna potuka hchinikanurune hiykole romkahixyawakapna. Ralpokohnaputna yine Tsru Hixikatshriwa hapojinripa.

Lucas 14:14

Waneya hihlewahchinikanyehitkalurupyi wanna pma poyaho hapnuretjene tshinanu. Seyni halikaka Hoyakalu hapnutanyi kihleru kkamhaklerune hiwekkajikolu hohnepa.

Lucas 22:30

Halikaka himinkanno, himuranno nikjexikowakaya npohirewaxyawaka hwatshri. Hiyrun-koxa phuru tuplawakle htuplatanu hikolukanuwnakakanna israel-nerune doze ptohkakapni.

João 14:19

Pchini tsonu yine xye tshijne hajene hi hetanutnakno. Seyni hixa hetanutnakno. Klu tshinanu niwekanutnaka hita hiyáhoni hix-koxa hiwekanu.

Romanos 11:15

Klu tshinanu Hoyakalu hiknokanutkana judeu-nerune, rimatletatkana psol-tshijne hajeneko. Ha xawakni, hanu rixkonna judeu-nerunepni rimatlexikowakpatnaka Hoyakaluya? Wla rixkona, hipnatshinetka hiwekkakko.

Romanos 8:17

Hiyrun-koxa Hoyakalu whenene wixini, wyoptotanru Hoyakalu himwaleru. Cristo-yma wyoptotanru. Halikaka Cristo pixka wixa salewnalexini wimatan-koxa Hoyakalu hoyaknu wyoptotanu Cristo pixka wixa yoptoletanru.

2 Timóteo 2:12

Salewnalu wakotachaxini, Cristo-yma wpohirewatanu. Hi nimathetlu, wtshinanwakaxiniplu Cristo, hi himathetanunwu hixapni.

Apocalipse 1:2

João tshinkaluru hinkakletlu ptowruka retanru pirana hiyrunu hewi hyonaxikatka ptowruka runkakle pirana Hoyakalu hinkakle pirana, halikakalutu pirana Jesus Cristo hiphujetleru pirana.

Apocalipse 1:9

Hita João-no, hix-molekoxno Cristo tshinanu hiyrunu Hoyakalu pohirewaxyawaka hajer-koxno. Hapakapno ptowru salewaktshi tshinanuya hiyrunu kahwakachaklerno Jesus Cristo tshinanuya. Waneya mar powha hanikajite hwatshijitatshri Patmos tshinikowaka nwakanatatka. Kachitkalurukananno klu tshinanu Hoyakalu tokanu nunkakletjekanata hiyrunu Jesus Cristo pirana hiphujetkaluru nunkakletjekanata.

Apocalipse 11:11

Waneya map-hohne hanikaji hiknohinixka hinnipha hiweklu heneklewatatshri Hoyakalu yokanreru jihlokmanetna. Hpalnana, hyopkakna. Hiyáhoni hpikpotutatkana wanna hetatshine.

Apocalipse 11:15

Waneya hiwejikaluru Hoyakalu towreru tenhohne hajeru sete rixinri kowitatka. Waneya tsru himkaka hjemka tenhohneya wla tshinatshri: — Xye tshiji hajeru pohirtshikaka Wutsrukate Hoyakalunpatka hiyrunu hnurreru Cristo-npatkani. Hiyrunu wale pohirewahohnekanatanu hike rixiniko mnikawnakatupa.

Apocalipse 11:3

Hepi nuphujtatjene mkatshri saco mapa kamhikolu makatatshine nyokanatanu. Waneya Hoyakalu tokanu runkakletanna mil duzentos e sessenta hohne pejnu.

Apocalipse 11:7

Waneya rali hinkaklewlexinipna hiphujetatshine hepi waneya kmatsyiru teno pnawaka hichpajikatshri kamnitanna, ralliretanunna, ruylatanunna.

Apocalipse 12:11

Wmoletanune Cristo tshinanu hallitlu Tsru Kamtshi Carneiro Whene tshinkaluru hraha himukatle tshinanu hiyrun-koxa halikakalutu tokantshi runkakletjetanruna tshinanu. Hiyrun-koxa ralpokoxinwana rupniywakapna. Riweklena hi ramotpotutna.

Apocalipse 14:11

Tshitshipha hsalewniywakna yehi hichpajikatshri, ratskophatanu hikeklu hohne mnikawnakatupa. Hi hohohne hi hoyetshnoko rapnanutanuna wanna ptowrunepnika kmatsyiru ho wale yáholu himalwutatshine pejnu hiyrunu wanna ptowruneka wale hiwaka himaxikole yoptotatshinepni wan-rixkonna.

Apocalipse 15:2

Waneya netlu tsru mar powha pixkalutu, garrafa phuta kamhikolu, tshitshmeroyma yapjetkaluru. Hiyrun-koxa netna yine, kmatsyiru hiyrunu kmatsyiru yáholu hallitatshine. Kmatsyiru hiwaka número-te hallitatshinekni wanna. Mar powha, garrafa kamhikolu phuta stsi hyopkakakanatna. Harpa-kaka Hoyakalu henejyana htokakanatna.

Apocalipse 17:8

Kmatsyiru petanru hiwekakanata seyni xawakni hi riweka. Teno pnawaka hamhikowak-yehi hkanijinipa waneya ruylatko. Hiyáhoni yonawahlo steno hiwekkakalune hiwakkaka yonaxikowaka myonhiwakatkone, xye tshijne hwatshine pejnu himyekanu rexinipluna kmatsyiru. Klu tshinanu riwekakanata, xawakni hi riweka seyni ruphujewnapa.

Apocalipse 2:26

“Hallirewatatshripa, kamrurtshi nalukanru kamhapotutatshri haté hmahaxyawaka papko potuko, towuwlu nenekanru pa nerkaka htowuwaxyawakapa. Towuwlu Nuru henejyano pixkalutu nenekanru wan-hixatshri yineru.

Apocalipse 20:6

Kihle hchinikanurunepni hiyrunu Hoyakalununepni wanna mitshikananu hiweklutnaka kayatatshinepa. Klu tshinanu hipuktshi, hepi rixinri hi hkachitanna wanna. Sacerdote-nepni Hoyakalu tshinanu hiyrunu Cristo tshinanu. Hiyrun-koxa Cristo-yma hpohirewatanna mil mhale pejnu.

Apocalipse 22:5

Wane hi rawanu hoyetshno. Hiyrun-koxa wane hi ralujiko nikotapi, hi tkatshi nikotle ralukanna klu tshinanu Tsru Hixikatshriwa Hoyakalu nikotyehitanna. Wanna yine pohirewhohnekanatanutka hike rixiniko mnikawnakatupa.

Apocalipse 3:21

“Hallirewatatshri ntshanixanu rituplatanno npohirewnale tuplawakle, hita hallirewaxinri pixka, Nuru Hoyakalu towuwlu tuplawakle nituplaxyawaklu Nuru Hoyakalu pixka.

Apocalipse 4:4

Tuplawaka tnumne vinte e quatro tuplawakkaka hwatka. Hiyrun-koxa netna vinte e quatro tsrukakalune tuplatatshine klat-powalune. Hsahyena ouro kamhikaluru hsahyetna.

Apocalipse 6:9

Waneya cinco rixinri yonawahlo steno hosture hjimlajinixka, altar hmana nexyana hiwejikalune Hoyakalu tokanu homkahru tshinanu, hiylatkalunni poyehi halixlerune.

Apocalipse 7:3

Wla htshin-sapleta: — Xako, hi himtukanru tshiji, hi mar powha, hi hochako wimaxikolexinpotukna Woyakalute towrerune hijrotna h-marca-xinpotuko.