Apocalipse 20:3 - Bíblia

³ Waneya hiwejikaluru Hoyakalu towreru tenhohne hajeru teno pnawaka ruknokatkalu Tsru Kamtshi. Waneya wane ruchyayehitlu, roho ripixyalu hma yokwijexyawakanupna yine ptowru tshijne hajene, mil mhale pejnu tsonu. Waneya wane pnutepa rumukata hicholetka pchini tsonu.

Apocalipse 20:3 ပူးပေါင်းရင်းမြစ်များ

Mateus 24:24

Klu tshinanu hixolune Messias minjene hiyrun-koxa Hoyakalu tokanu hinkakletatshine minjene hakanhanu hiyakolukaka hiyrunu himyekaklewatatshri kamhatshine hyokwijexyawakapna yine. Rumukatkamka haté Hoyakalu nurrene hyokwijetanu.

Mateus 27:66

Hiyáhoni hyatkana, sotlu yomletshi hichyatkaluru rimaxikoletna hiyrunu hislahatshine rutakna.

Marcos 4:15

Hatnu hapostsi hapoktatajitatshri yaholni tokantshi jematshine. Seyni runa Satanás kamtshi. Hkonyana tokantshi rajiyna hitakkaluru.

Lucas 8:31

Waneya kamtshine hanjitlu Jesus teno pnawaka hma yokanaxyawakanupna.

2 Coríntios 11:3

Seyni npiklu himnu yokwijexyawakanro Eva-ni kihlewaka htshinreyma pixka hixikowaka, waneko pixka hixa himtuklehchinikanutkonmaka hixapni. Wan-hixkanmaka hiknoklewatanuna hihchinikanu halikakalutu, potukalu Cristo hichpajikatshri chinikantshi.

2 Pedro 3:8

Nuchinikanune, hi mimatkane pixka hixanu. Seyni himatanu Tsru Hixikatshriwa Hoyakaluya satu hohne hatatjewa mil mhale pejnu rixahotlu hiyrun-koxa mil mhale pejnu pa hohnepka rikahwaklu Hoyakalu.

Apocalipse 12:9

Hiyáhoni Tsru Kamtshi dragão tsru kananu, wale honukla himnu hitsruka, Tsru Kaylokleru tshinkaluru, Satanás hiwakatletatshri, ptowru tshijne hajene yokwijetatshri, tenhohne malekate ruknojika. Tshij-hoho ruknokkatka wale hiyrun-koxa hmaklutene kamtshine waleyma ruknokatkana.

Apocalipse 13:14

Hyokwijetna tshiji hwatshine ptowruneka himyekaklewatatshrikaka hkamhaleruyma, rumukatle renejikolu tshinanu, mitshikananu kmatsyiru hetanu. Runkakjixna xye tshijne hajene mayawletshicha hkamhiywakapna kmatsyiru mayawleya, yohlolewapi kastakjiwuxikalurutka seyni hi rupna.

Apocalipse 17:2

Walayma rapoklewatna xye tshijne pohirene. Ptowru tshijne hajeru himetatka tapoklewle pohwaka tshinanu.

Apocalipse 17:8

Kmatsyiru petanru hiwekakanata seyni xawakni hi riweka. Teno pnawaka hamhikowak-yehi hkanijinipa waneya ruylatko. Hiyáhoni yonawahlo steno hiwekkakalune hiwakkaka yonaxikowaka myonhiwakatkone, xye tshijne hwatshine pejnu himyekanu rexinipluna kmatsyiru. Klu tshinanu riwekakanata, xawakni hi riweka seyni ruphujewnapa.

Apocalipse 20:1

Waneya netlu satu hiwejikaluru Hoyakalu towreru tenhohne hajeru tenhohne hichpajyawaka. Chave teno pnawaka hichyapi himyo ranijya. Hiyrunu tsru yomuwatsa, tsrukakalu himyo ranijya.