Apocalipse 2:9 - Bíblia

⁹ Nimathetlu hsalewaklu. Nimatlu hike mwikanemkahi seyni halikaka phurunhi. Nimathetna heyikjene judeu-ne tshinikatshinwa seyni hi halikakni. Seyni tsru kamtshi Satanás maklutenni wanna.

Apocalipse 2:9 ပူးပေါင်းရင်းမြစ်များ

Mateus 4:10

Waneya Jesus wan-tshinru: — Pyanutka Satanás! Wane htshina hinkakleta Hoyakalu tokanu potukalu yonatkaluru: “Tsru Hixikatshriwa Hoyakalu Poyakalute tsonu pimalwutanu hiyrun-koxa wale tsonu pomkahitanu.”

Lucas 12:21

Waneya Jesus wla tshina: — Wan-rixanuna yinepni hejnu hapatjetatshinepni wannanupka hijhatshinepni seyni hike mwikanenapni Tsru Hixikatshriwa Hoyakalu yehiya.

Lucas 22:65

Hi heppik-pirana htshinruna, hektuwaka potuko htshinruna.

Lucas 4:18

“Hita rawa Hoyakalu Hiwejikaluru. Hnuretno nunkaklexyawakaplu Kihle piranalu potuko hiwekkaklewatatshri pirana hike mwikane yehiya Runkaklewjixno ruchoxikowakapna yine pirana kachitkalune tshinanu hiyrun-koxa himrekhale pirana nunkajyawakna mayhalene, ruchotkona salewnatshine,

Lucas 6:20

Waneya Jesus yopukhatna rasruklene waneya wla htshinatka: — Hixa hike mwikanhi seyni poyikpotukhi. Klu tshinanu Hoyakalu pohirewaxyawaka hixanutkani.

João 16:33

Xyekaka pirana nunkakatkahi kihle hchinikanurunephi hita tshinanu. Xye tshijne salewnikatshinephi. Seyni kihle hchinikanurunephi klu tshinanu xye tshijne namtakakatka.

Atos 14:22

Paulo, Barnabé mixkowahchinikankakatkana Cristo halixatshine ralixleyna hiyrunu runkakletluna salewaktshi pirana yine hixo salewaktshikaka retanna haté Hoyakalu pohirewaxyawaka hjihlojyawakapna.

Atos 26:11

Hix-hohne potuko napnokatatkana ptowru hanjihohnewakapjikakaya haté nyapretakatkana ralixlena ruchoxyawakna. Nahkatkana haté pa poktshikaka napkapa napnokaxyawakapna.

Romanos 12:12

Himuwpotutanu klu tshinanu hiwekkakkalunhi kahwakkalunhi. Hakotachatanru salewaktshi. Hi hituk-hanjihohneretanu.

Romanos 2:17

Ha pixa xawaka? Judeu-neru ptshininwa, Moisés yonreru munanhatshriyi hiyrunu palixkoxnawa Hoyakaluneru ptshininwa.

Romanos 5:3

Hiyrun-koxa wpoyikowata salewaktshi tshinanu klu tshinanu wimatlu salewaktshikni hasruklu yineru kahwakachatatshri rixinripa.

Romanos 8:35

Rawhe xawaka satu Cristo hamotle konatshri? Rumukathe kojwawnalu, ho kojwakahchinikanutatshri, ho kamnirewlu, ho natshitatshri, ho mamkatu ho kyowikolu ho hinokakaklu hamlenrahe himukata hitspalkakletlu Hoyakalu hamotlewle?

Romanos 9:6

Himka hmahijer-tokanutatka Hoyakalu israel-nerune tshinanu. Seyni hi ptowru israel-nerune Hoyakalunerune potuko hixnawa.

2 Coríntios 6:10

Wamonuwnatshine hikahwakkalunwu seyni hi wutuk-poyikowleta. Hike mwikane pixkalunwu seyni hixolune yine wpohirewnakaka. Hatatjewa mejnunkatenwu seyni halikaka ptowru potuko wimwa.

2 Coríntios 8:2

Halixatshine wane hajene tsru salewaktshikaka riknohna. Seyni hpoyikonu tshinanna hike mwikanmakni seyni henekachalu renekachalewatna ptowru rumukata hikchiklelerna.

2 Coríntios 8:9

Klu tshinanu hixa himatpiranatlu Wutsrukate Jesus Cristo hihlenu henekachalewle pirana. Phurukananni Cristo seyni hixa tshinanu hike mwikatutkani, hike hmimwalnutka pohirewkakatkahi hixa.

1 Tessalonicenses 3:4

Klu tshinanu hix-yehi wwakanaxini, wunkakatkahi waneyapwu salewaktshi, xawakni wakanhayehitjeru salewaktshi pixkalutu. Hiyrunu hixa himatlu wane potuko rixatka.

1 Timóteo 1:13

Mitshikananu hektutu ntshinanwakjekanatlu Cristo. Nkamnijekanatlu ptowru pejnu hektutu nkamhanwakjekanatlu. Seyni Hoyakalu hiknokatkalu nektunu nma mimathetjekanatanutu. Wane nixjekanata malixkatu nixjekanaxiniwa.

1 Timóteo 6:18

Ptowutanna kihle rixyawakapna pimrine, phurune hixkakanna kihler-kamrurtshiyma. Ptowutanna jenekaklerune rixyawakna, kapikaklerunepni.

Apocalipse 1:9

Hita João-no, hix-molekoxno Cristo tshinanu hiyrunu Hoyakalu pohirewaxyawaka hajer-koxno. Hapakapno ptowru salewaktshi tshinanuya hiyrunu kahwakachaklerno Jesus Cristo tshinanuya. Waneya mar powha hanikajite hwatshijitatshri Patmos tshinikowaka nwakanatatka. Kachitkalurukananno klu tshinanu Hoyakalu tokanu nunkakletjekanata hiyrunu Jesus Cristo pirana hiphujetkaluru nunkakletjekanata.

Apocalipse 2:13

Nimatlu hwiywaka, tsru kamtshi Satanás pohirewaxyawaka yehi. Seyni nhiwaka homkahle hi hiknokatka hiyrun-koxa hi hiknokatkalu halixlu pirana homkahpotuxyawaka. Antipas tshinkaluru nuphujtatjeru ptowutkolu potuko rupniniklunupapkonatka hix-yehi hiylaxikaluru, tsru kamtshi Satanás hwiywaka yehi, seyni hi hiknok-halixletatka.

Apocalipse 2:2

Hkamrure nimata. Nimatlu hkamrurewpotutatka ptowru mchiretannutshiyma. Hiyrunu nimatlu hektutu kkamhaklerune kamrure hi hyima. Himlukanutna jejine nuretkalune tshinikatshinwa seyni hi wan-rixna. Hetna kayloklerune rixyawakna.

Apocalipse 2:24

Seyni wla ntshinhi pimrine Tiatira poktshi hajenhi, hixa ptowruneka xye hasruklu momkahitkane hiyrunu hipiranacha pimrine kochtshekleru pirana, tsru kamtshi Satanás tsonu himukata hiphujetleru pirana, mimatkanhi, wla ntshinhi. Hi satuko hinolu nenekanhi wane pnutetka.

Apocalipse 3:9

Hetanu! Tsru kamtshi Satanás hapatjeyehitatshine, judeu-ne tshinikatshinwa phuta seyni hweyawatna. Wanna halikaka hixa jixistsi nyoptsojitjixapinna, rimathexyawakapna nuchinikjethi.

Apocalipse 7:14

Waneya wla ntshinru: — Hi nimata seyni pixa himatlu. Waneya wale wla tshinno: — Nyi yine tsru salewaktshi potuko hichpajikatshinni. Carneiro Whene tshinkaluru hraha heromkatna himkalna hopowalu rerojikatkana klata rixyawakapa himkalna.