Apocalipse 2:7 - Bíblia

⁷ Kajnakopnahi hyijnakoxyawakapa, hyijnakotanru Hoyakalu Hiwejikaluru tshinyawakna Cristo halixatshine hapatjexikowakkaka hajene: Hallitatshripa nenekanu hnijyawakaplu hahmuna sahi, hahmuna hiweklu heneklewatatshri sahi, Hoyakalu hitaklucha kihler-potuko yehi hanikajite hwatshriya.”

Apocalipse 2:7 ပူးပေါင်းရင်းမြစ်များ

Gênesis 2:9

Hoyakalu wan-hixkaklu ptowru hixatshri hahmuna kihleru sahiwhihlenutatshri hitaklucha hiptshejyawaka. Hitaklucha hanikajite rawa hahmuna hiwejikaluru heneklewatatshri hiwakatletatshri. Wanekoxlu satu hahmuna himaxyawakaplu kihleru hektut-koxa hiwakatletatshri.

Mateus 11:15

Katukta kajnakopnapa hyijnakoxyawaka, hyijnakotanru.

Mateus 13:43

Hiyáhoni potukalunetka hatajiwnanu tkatshi pixka Rurna pohirewaxyawakaya. Katukta kajnakopnapa hyijnakoxyawaka, hyijnakotanru.

Mateus 13:9

Waneya Jesus wan-tshinna: — Kajnakopnahi hyijnakoxyawakapa, hyijnakotanu.

Marcos 4:9

Waneya wane htshinna Jesus: — Kajnakopnahi hyijnakoxyawakapa, hyijnakotanu.

Marcos 7:15

Hinama jihlojikatshri hi pitshotlu yineru Hoyakalu hetanuya seyni yineru pitshotjeru halikaka namtshi hichpakhimaxikatshri.

Marcos 7:16

Katukta kajnakopnapa hyijnakoxyawakapa, hyijnakotanu.

Lucas 23:43

Waneya Jesus wan-tshinru: — Halikakni wane ntshinyi. Xye hohneko hitaymapyi kihlewak-potuko, tenhohne wyanu.

Lucas 8:8

Seyni pimriji kihle tshijiwaka hapoktatajita. Htseruwna, hjiwata. Satkakaji pejnu tshinanu cem-ji rawa. Waneya wane htshinna Jesus: — Kajnakopnahi hyijnakoxyawakapa, hyijnakotanu.

João 16:33

Xyekaka pirana nunkakatkahi kihle hchinikanurunephi hita tshinanu. Xye tshijne salewnikatshinephi. Seyni kihle hchinikanurunephi klu tshinanu xye tshijne namtakakatka.

1 Coríntios 2:10

Hiyáhoni Hoyakalu hiphujetlu xye pirana Hoyakalu Hiwejikaluruya wimaxyawakaplu. Klu tshinanu Hoyakalu Hiwejikaluru ptowru potuko retjeta haté Hoyakalu tsonu himatanu hiyrunu Hoyakalu ralukleru rimata.

2 Coríntios 12:4

Hkochtshekka. Kihlewaka potuko rankapka. Waneya hyijnakotlu tokantshi mpoyaho hinkakletletkotu.

1 João 2:13

Nyonanwakathi, tsrune pixkalune klu tshinanu hixa himathetlu hyinuwajikolu hwahohnekanatatshri. Maklujine pixkalune, nyonanwakathi klu tshinanu hixa hallitatkalu kamtshi.

Apocalipse 13:9

Kajnakopnalu yijnakotanu.

Apocalipse 14:13

Waneya nyijnakotlu tokantshi tenhohneyalutu wan-tshinatshri: — Xye pirana pyonatanu. Kihlehchinikanurunepni hipnatshine xye hohne pnutpatka Tsru Hixikatshriwa Cristo hiwaka tshinanu hipnatshine. — Hehe, halikakni! — htshina Hoyakalu Hiwejikaluru. — Rapnanutanuna hkamrureyna hiyrun-koxa hkamrurna hkamhajekanatanruna hpohitanna.

Apocalipse 15:2

Waneya netlu tsru mar powha pixkalutu, garrafa phuta kamhikolu, tshitshmeroyma yapjetkaluru. Hiyrun-koxa netna yine, kmatsyiru hiyrunu kmatsyiru yáholu hallitatshine. Kmatsyiru hiwaka número-te hallitatshinekni wanna. Mar powha, garrafa kamhikolu phuta stsi hyopkakakanatna. Harpa-kaka Hoyakalu henejyana htokakanatna.

Apocalipse 2:11

Kajnakopnahi hyijnakoxyawakapa, hyijnakotanru Hoyakalu Hiwejikaluru tshinyawakna Cristo halixatshine hapatjexikowakkaka hajene: Hallirewatatshri hi hetanru hepi rixinri hipuktshi.”

Apocalipse 2:17

Kajnakopnahi hyijnakoxyawakapa, hyijnakotanru Hoyakalu Hiwejikaluru tshinyawakna Cristo halixatshine hapatjexikowakkaka hajene: “Hallirewatatshri, maná mimatyehitkotu nenekanru. Hiyrun-koxa nenekanru sotlu tshraji klatalu yonatkaluru hiwaktshi herotu mimatkotu. Hike yineru himatanru hiwaktshi seyni yoptotatshri tsonu himatanru.”

Apocalipse 21:7

Hallirewatatshri yoptotanru xye hita tshinanuya. Hitapni Royakalutepno. Hiyrun-koxa wale nowhenepni.

Apocalipse 22:14

Kihle hchinikanurunni himkalna hopowalu herojikalune rumukata nikletluna hahmuna hiweklu heneklewatatshri sahi hiyrunu poktshi jihlojikowaka rumukata yapletanna.

Apocalipse 22:17

Hoyakalu Hiwejikaluru hiyrunu hnuruwatatshropa wla htshinna: — Puna! Hiyrun-koxa xye pirana jematshri wla tshina: — Puna! Honunnahatewatatshri hinanu. Hiyrunu katuktako haluka yoptoletanru honha hiweklu heneklewatatshri henekachal-ha.

Apocalipse 22:2

Tsru poktshi hapo hanikajite hiyrunu ptowru sreta wnahaluko rawa hahmuna Hiweklu Heneklewatatshri tshinkaluru. Doze-ru hisahi kakojeru. Ptowru ksurkaka hsahiwjeta. Hisure panerkaka hitskalakatshripni.