Apocalipse 2:5 - Bíblia

⁵ Hiyáhoni hichinikapanru xako mitshikananu hchinikanu hma pupjekanatkanuklunuwa waneya hehchinikanutanu. Mitshikananu hkamhajekanatanru kamrurtshi pixka hixanu. Klu tshinanu hma mehchinikanutkanuklununapa nunhapkatanu hix-yehi. Katalu hanikapi pixkalutu nkonanhi.

Apocalipse 2:5 ပူးပေါင်းရင်းမြစ်များ

Mateus 5:14

— Hixa xye tshiji katale pixkalunhi. Poktshi teno mriji hwatshri hi himukata yohimletka. Waneko pixka hix-hixa katalu pixkalunhi, hixa hi himukata yohimameroletka.

Mateus 5:15

Hiyrun-koxa hikeklu yineru lamparina nikotatshri hachhaji hpuko hitakanro. Seyni halikaka lamparina hitajikowaka tutakka, ptowru yineru walepji hajene hapkathojixyawakapa tnikotle tshinanu.

Marcos 12:9

Waneya Jesus hepomha, wla htshina: — Klunerhe hkamhanu jitakleru? Runinipa ruylatanunna hitaklucha hislahatshine. Waneya renkapanna pimrineko hitaklucha hislahatshine.

Lucas 1:17

Hoyakalu towrerupni, jinkaklewaklerupni. Hoyakalu tokanu hinkakletatshrini Elias-ni tshinkalurni hchinikanu pixka rixleyma hiyrun-koxa Elias-ni pixkonu pixka rixleyma rimatletkakanna tsrune hwuheneneymana. Hektutu kamhatshine ruprotakanna potuka hchinikanurune hiykole romkahixyawakapna. Ralpokohnaputna yine Tsru Hixikatshriwa hapojinripa.

Lucas 20:16

Runanu ruylatanunna hitaklucha hislahatshinepni. Waneya pimrineko hitaklucha hislahatshine renekanu. Waneya xye pirana hjeminixkana, wla htshinatkana: — Ha, Hoyakalu, hi wane pixkakanru!

Gálatas 5:4

Hanunektahi hixa kahwaklu Moisés yonreru pirana homkahixini powratlewaxyawaka Hoyakalu yhaleya hkotspalaxinwa Cristo yehiya, Hoyakalu hihlenu renekachale psoluka hamtakatshinetkahi.

Filipenses 2:15

Waneya wan-hixinipa, hike mixkanephi, powrahchinikanunephi, Hoyakalu whenenhi potukalunephi hewi tshijne hajene mpotukane, pupjetatshine tskalaya. Wanna tskala katahirine hatawnatshine pixka hixatshinephi, tenhohne hajene pixkalunephi.

Hebreus 10:32

Seyni hichinikanretanru hiknohatshri hohnekaka hanu rixatka. Waneklu hali kotpukahchinikanretkatka waneya tsru kamnirewlu, hsaletakanatjeru hakotachatanutka.

2 Pedro 3:17

Nuchinikanune, xyekaka pirana himata hiyáhoni hislahinwa hix-koxa, hma mkosejikowakanupa halixle poyehiru hichoxyawakapa, majnakowatatshine pupjere hapo hma momkahixyawakanupa.

Judas 1:24

Himalwutkalurni Hoyakalu wumukata poyehitletjeru wma mujrujyawakanupa hiyrunu Hoyakalu hoyaknu sreta wumukata hitakletjeru, hike mixkanepwu, poyikolunepwu.

Apocalipse 1:20

Sete katahirine petlene npotukle myo nanikamxinri hiyrunu sete katalu hanikapine, ouro kamhikolu pirana mpohijetanutukananu nuphujetanu. Sete katahirine, hiwejikalune Hoyakalu towrerune tenhohne hajene wannani Cristo halixatshine hapatjexikowakkaka hwatshinni. Sete katalune hanikapi, yapkakletlu sete hapatjewakkaka.

Apocalipse 16:9

Ralhakakanna yine tsru hameruyma. Waneya yine hektutu htshinanwakatluna Hoyakalu xye salewaktshikaka towutatshri. Seyni hi rehchinikanutna yinepni, hi rimalwutluna Hoyakalu royaknu tshinanu.

Apocalipse 2:16

Hiyáhoni hehchinikanutanu! Hma mehchinikanutkanuklunupa nunhapkatanu hixa nwaka waneya nkamnitapanna wan-hixjetatshine nonama hwatshri yohlolewapiyma.

Apocalipse 2:19

Nimatlu hkamrure Cristo tshinanu, hichiniklewle nimata. Nimatlu hepixlewle pimrine tshinanu hiyrunu halixle pirana nimata. Nimatlu hmachiretannu hakotachale hiyrun-koxa nimatlu xawakni hohne hkamrure hita tshinanu, hekamhale yohnikatka.

Apocalipse 2:2

Hkamrure nimata. Nimatlu hkamrurewpotutatka ptowru mchiretannutshiyma. Hiyrunu nimatlu hektutu kkamhaklerune kamrure hi hyima. Himlukanutna jejine nuretkalune tshinikatshinwa seyni hi wan-rixna. Hetna kayloklerune rixyawakna.

Apocalipse 3:19

Nuchinikanune pejnu ntshihetjeta, nsaletjeta. Hiyáhoni jmererunephi hehchinikanuxyawakapa.