Apocalipse 2:3 - Bíblia

³ Kahwakaklerunhi, ptowru salewaktshi hakotatshinhi. Nhiwaka himalwuxikolu tshinanu hkamrurewata hiyrunu hi hihrokatka.

Apocalipse 2:3 ပူးပေါင်းရင်းမြစ်များ

Marcos 15:21

Waneya hatnu hapo hyoptoxyaluna satu jeji Simão tshinkaluru Cirene poktshi hajeru, Alexandre hiyrunu Rufo hirni. Campo ruchpajya tsru poktshi hyamta. Waneya cruz rutjikakluna.

Lucas 14:27

Hiyrun-koxa katukta h-cruz-te hma mutaykopitkanuklunupa hi rumukata nasrukleru hixleta.

Lucas 18:1

Waneya Jesus satu yapkaklu pirana runkakna ranjihohnexyawakapna, hma muhrojyawakanupna.

Lucas 21:19

Hpoyehitahchinikanuxinwa hiyáhoni wan-hixatshinhi hiwekanu.

Lucas 5:5

Seyni Simão wan-tshinru: — Kasruklewakleru, psol-yetshnokmaka wmariskata seyni hike wkachita. Seyni pixa tokanu tshinanu, tarraf-kaka nuknokanu.

Lucas 8:15

Seyni halikaka kihle tshijiwaka hapoktatajitatshine, wannani potuk-hajirune, kihle hajirune. Hyijnakotluna tokantshi. Romkahitluna hjemlerna. Hmachiretleymana hjiwatanutkana.

João 15:21

Hiyáhoni xyekaka ptowruka hkamhinna hixa, nhiwakaymalunhi tshinanu. Xye hkamhanna klu tshinanu hi rimatluna nyokanatjeru.

Romanos 12:12

Himuwpotutanu klu tshinanu hiwekkakkalunhi kahwakkalunhi. Hakotachatanru salewaktshi. Hi hituk-hanjihohneretanu.

Romanos 16:12

Nalikanna Trifena tshinkaluro hiyrunu Trifosa tshinkaluro Hoyakalu kamrure kamhatshrone, hiyrun-koxa nalikanro nimatletlero nuchinikanro potuko Pérsides tshinkaluro, wala koxa Tsru Hixikatshriwa kamrure kamhatshro potukni.

Romanos 2:7

Hoyakalu heneklewatanu riwejinri hikeklu hohne mnikawnakatupa hanunektako hi hituka kihleru kamhaleta hiyrunu Hoyakalu hpoyikoxyawakna hijhatshine. Hoyakalu honra rumuwkakpiratna hiyrunu riwejinrina mnikawnakatuko hijhatshine.

Romanos 8:25

Seyni wma metkanuklunru wkahwakachaleru, wkahwakachatanru.

1 Coríntios 13:7

Ptowru potuko rakota. Hikeklu rutuk-halixleta. Hoyakalu ralixa ptowruy-potuko. Ptowru potuko rakotachata.

1 Coríntios 16:16

homkahixyawakapna nyi pixkalune hiyrun-koxa wanna ptowruneka repixjene wannayma kamrurewatatshine hchinikanu homkahitanu.

2 Coríntios 10:15

Hiyáhoni hi wtokanuwnanu yahoxikowakatka hichinixyawaka pnuteya satuko yineru kamrurewaxyawakaya. Hiyáhoni xawakni wkahwaklu hixa halixle htseruwnanu. Hiyrun-koxa wujhalu pnut-potu wkamhiywaklu kamrurtshi Hoyakalu henejyawu hix-yehiya.

2 Coríntios 11:23

Cristo-yma kamrurewatatshinrahhe? Seyni hit-potu kamrurewatatshrino Cristo-yma. Hatatjewa mahchinikanutno wane ntshinyawaka. Klu tshinanu wanna yohnik-kamrurewle nixa. Hiyrun-koxa wanna yohnik-kata kapna nyochmakka. Hixo kat-koxa wanna pnute nuylakka hiyrun-koxa hixo kata psokaklu nupniywaka.

2 Coríntios 4:1

Hiyáhoni hi wuhroka klu tshinanu Hoyakalu ruchinijyawaka tshinanwu xye kamrurtshi renekwu.

2 Coríntios 4:16

Hiyáhoni hi wuhroka halixletanu. Yáholu wimane himat-nikawna seyni hixa hitokote hwatshri rerotetka ptowru hohnekananuko.

2 Coríntios 5:9

Seyni ptowruka pnute kihlerni hpoyikoxikowaka Tsru Hixikatshriwa Cristo, ho xye wimane wwaka pchinika, ho Tsru Hixikatshriwa Cristo-yma wiwejyawakapa.

2 Coríntios 6:5

Wuylakjetka, kapna wyochmakjetka, sejirtshiyma wsaletjetka. Wkamrurewpotjeta, mamkanwu, wnatshita.

Gálatas 6:2

Hepixkakanu salewnaluya. Wan-hixinipa Cristo yokanre psoluka kamhatshinetkahi.

Gálatas 6:9

Hi wamanutanu kihleru wkamhiywaka. Klu tshinanu wma muchotkanuklunuplu wkamhanru, rapokpapkoluxinipa kihleru wamanu.

Filipenses 2:16

Hiweklu pirana himretatshinephi waneyakni numukata halixkotletanhi Cristo hapojini hohnepa tshinanu. Klu tshinanu ruphujetanru nma mahijeru kamrurewlexyawakanpatka.

Filipenses 4:3

Hiyrun-koxa nanjityi pixa nepiryi, pepixyawakapna nyi hepi suxone nepixjerone kihle piranalu potuko hiwekkaklewatatshri piranaya. Hiyrun-koxa Clemente hiyrunu pimrine nikamrurewatanune pepixanu, hiweklumta hitakhiwakatkalunetka.

Colossenses 1:11

Nanjitlu Hoyakalu hmixkoxikowakapa hihchinikanu Hoyakalu hoyaknu mixkonuymako hixa himukata hakotlewleta ptowru mchiretannutshiyma, poyikowluyma.

1 Tessalonicenses 1:3

Hi wutuk-hichinikletlu hixa kamrure hixa halixle tshinanu hiyrunu Cristo hichinijyawaka tshinanu hkamrurewpotuxyawakatka hiyrunu wuchinikjetlu hanu hixa kahwakleta mchiretanutu Wutsrukate Jesus Cristo-ya Wuru Hoyakalu hetanuya.

1 Tessalonicenses 2:9

Klu tshinanu hixa, Cristo tshinanu nmoletanune hichiniklu wyaprewakanaxini, wsalewnakanaxini. Hoyetshno, hohi koxa wkamrurewakanatatka satukna hixa wma kojwajyawakanupa wunkakakanathi kihler-potuko tokantshi, kihle piranalu potuko hiwekkaklewatatshri pirana Hoyakalunu.

1 Tessalonicenses 5:12

Cristo tshinanu wmoletanune wanjithi himathexyawakna hix-yehi kamrurewpotuxikatshine hinotjene, hasrukjene Tsru Hixikatshriwa Cristo piranaya.

2 Tessalonicenses 3:13

Seyni hixa wmoletanune Cristo tshinanu hi hamanu kamhaletanru kihleru.

2 Tessalonicenses 3:5

Hiyrunu wanjitlu Tsru Hixikatshriwa Hoyakalu, hpotukatahchinikanuxyawakaphi Hoyakalu hichiniklewle pixka potuko himwatshinephi, hiyrunu wanjitlu Cristo hapojinri kahwakatshinpotuphi, mchiretanunephi.

2 Tessalonicenses 3:8

Hike yineru nijitu wnikachata. Seyni hohohne, hoyetshno koxa wyaprewakanata, wkamrurewjepotukanata, satukna wma deve-xyawakanupa.

1 Timóteo 4:10

Wale tshinanu wyapretaklewata hiyrun-koxa wkamrurewpotuta wale piranaya klu tshinanu wmunanhanru Hoyakalu Hiwekatshri, ptowru yinerumka hiwekkakjerni, wale halixatshine halikakalun-potni.

1 Timóteo 5:17

Cristo halixatshine hapatjetatshine kosekatshine kihle hinotlerune, kahwakkalunepni. Wan-hixatshine hijhalu hwenuthihlenuxikowakna. Wanna honukla hiwekkaklewatatshri pirana jinkakletaklerune potuko hiyrun-koxa Hoyakalu hasrukle hasruklewatatshine potu wan-hixko.

Hebreus 10:36

Seyni hijhalu hmachiretannu waneya Hoyakalu halujyawaka hali kamhalexinipa hyoptotanru runkaklexya piranhi.

Hebreus 12:1

Hixa xye papko hiwekatshinetkawu wwiya hixolune potniko hiphujtatatshinni, wsajrukjenni. Hiyáhoni waluk-hicholetanru ptowruko hektuntshi hinolu pixkalutu wimaletjeru. Hiyrun-koxa ptowru hixatshri hektuntshi wkachpotutjeru werutanu honuka, waneya hasuklu kamhatshri pixka wixa hasuklemtanu mkojwakahchinikanuxikanepwu wasukachatanu xye hasuklu Hoyakalu henejyawu pixkalutu.

Hebreus 13:13

Hiyáhoni xawakni wyanwakatanru Jesus poktshi malekateya. Jesus malujikowakanu pirana pixkalutu yoptotatshinepwu hix-koxa.

Hebreus 6:10

Klu tshinanu Hoyakalu hi kmayxakahchinikanuklerni. Hi ramtakanru hixa hkamrure hiyrun-koxa hichiniklewle Hoyakalu hiwaka tshinanu, hixa mitshi pimrine Jesus halixatshine potukalune hepixjekanaxini hiyrunu repixjetna haté xawakni tshinanu.

Hebreus 6:12

Hi hma mernuwatan-honuka, seyni halixatshine pixkalune hixanutka halikaka, hakotahchinikanutatshinephi ptowru potuko Hoyakalu hinkakletanru yoptotatshinepa hixyawakapa.

Hebreus 6:15

Waneya Abraão-ni hmachiretannu tshinanu hyoptotlu Hoyakalu hinkaklexyanri.

2 Pedro 1:6

Waneya himatkaltshi haptowrutanru hislahmanexikolu. Waneya hislahmanexikolu haptowrutanru hkahwakachale. Waneya hkahwakachale haptowrutanru Hoyakalu homkahlu potuko.

Apocalipse 1:9

Hita João-no, hix-molekoxno Cristo tshinanu hiyrunu Hoyakalu pohirewaxyawaka hajer-koxno. Hapakapno ptowru salewaktshi tshinanuya hiyrunu kahwakachaklerno Jesus Cristo tshinanuya. Waneya mar powha hanikajite hwatshijitatshri Patmos tshinikowaka nwakanatatka. Kachitkalurukananno klu tshinanu Hoyakalu tokanu nunkakletjekanata hiyrunu Jesus Cristo pirana hiphujetkaluru nunkakletjekanata.

Apocalipse 3:10

Hislahatkalu ntokanu ntowuxyahi, hkahwakachaxyawakap-pirana hiyáhoni hit-koxa hepixanhi hma mexyawakanuplu salexikol-hohne hinatshripa, ptowru tshijne hajene yahoxikolu klu papkopa.