Apocalipse 2:14 - Bíblia

¹⁴ Wanepnawaka psotsonu nkahekhi klu tshinanu hixaymalune rawna Balaão hasrukle homkahitatshine. Wale honra mitshi hasrukatkalu Balaque tshinkaluru hmajnakowkakjixyawakna israel-nerune, klu tshinanu mayawletshichakaka nikluru henejikolu hnikjixatkana yine hiyrunu rasrukatkana rapoklewaxyawakapna.

Apocalipse 2:14 ပူးပေါင်းရင်းမြစ်များ

Mateus 18:7

Hektupotna rixje yine xye tshijne hajene hektuwkakatshine. Hi rumukata himaletkota hitspetkalurukaka. Seyni hektumkalu wale yineru kojwakahchinikanrewatatshri!

Atos 15:29

Hi hnikanru mayawletshicha henekkaluru nikalhitu, hi hihrahako, hi hichrikaplaluru hituko hnikanu. Hi hapoklewatanu. Xye ptowruka hma kamhaknuklunru kihlephi hixa. Seyoka.”

Atos 21:25

Ha judeu mixkane Cristo halixatshine tshinanu wali yokanrenwakatna yonawahlo wan-tshinatshri: Hi hnikanru mayawletshicha henekkaluru nikalhitu, hi hihrahako, hi koxa hostuplatkalurniko hnikanu. Hiyrun-koxa hi hapoklewatanu.

Romanos 11:9

Hiyrun-koxa Davi-ni wla tshinnixka: “Wla hixkalunepni nikjexikowaka hkachixikona hiyrunu hyokwijetkona; hiyrun-koxa rallitkonna, rapnokatkonna.

Romanos 14:13

Hiyáhoni hi wane pnuteko heyikakanu hixkakluko. Seyni halikaka hijhahchinikanutanu hitspetkaluru pma mutakyehixyawakaplu Cristo tshinanu pmoletanru hma mujrujyawakanupa, hma majnakowaxyawakanupa.

Romanos 14:21

Hiyáhoni kihle koxlu hi nikaluko hnijyawaka, hi vinho-hako ruryawaka hiyrunu hi kluneruktako poyaho himtukahchinikanrewletatshri Cristo tshinanu pmoletanru tshinanuya.

Romanos 9:32

Haklu tshinanhe wan-rixna? Klu tshinanu hi halixlu hmunanhatkana hpotukaxyawakna seyni rujhaluna Hoyakalu yhaleya hpotukaxnawakwana Moisés yonreru pirana romkahre tshinanu phutna. Hiyáhoni rutspetluna sotlu hitspetkaluru pixka.

1 Coríntios 1:23

Seyni hixa wunkakletjetlu Cristo cruz hitakkalurutka pirana. Xye piranak-koxa judeu-ne hitspekaka hiyrun-koxa judeu mixkane mahchinikannutshi pirana rikahwakluna hiwekkaklewatatshri pirana.

1 Coríntios 7:2

Seyni hapoklewlu tshinanu satkaka jeji hijhalo waleko hhanunro rimwiywakapa. Hiyrun-koxa satokaka suxo hijhalu walako thanuru timwiywakapa.

Hebreus 13:4

Ptowruneka hetanu hnunrowlu kihleruni, meyikotni. Hi hma hnunrotanuto, hi hma hnurutanutu hapokletanu. Klu tshinanu hektutu kamhatshine hiyrunu hapoklewatatshine rukolujinwana Hoyakalu hetanu.

1 Pedro 2:8

“Sotlu hitspetkalurukni wale, kojwakahchinikanrewatatshri Hoyakalu tokanu hitspexikatshineya klu tshinanu hmajnakowjetna. Hiyrun-koxa Hoyakalu haluklu wan-rixikowakapna wan-hixatshine malixkane.

2 Pedro 2:15

Ruknokluna hatnu hapo potukalu. Pupjetatshinni wanna. Mitshikawlurni Balaão-ni, Beor-ni tshinkalurni whenni hchinikanu romkahitna tiyiro raluka yoptoletna hektutu hkamrurna wenru.

Judas 1:11

Hi pa himtukalutu retanna klu tshinanu romkahitluna Caim tshinkalurni pupjere pixkalutu. Hiyrunu ralukpotutluna hpohirewaxyawakapna Balaão tshinkalurni pupjere pixkalutu romkahpotutna. Nikatkalunepni wanna Corá tshinkalurni hkamnirewle hikolukanruni pixka.

Apocalipse 2:20

Wanepnawaka nkahekhi psotsonu klu tshinanu hixa hetachajetlo suxo Jezabel tshinkaluro Hoyakalu tokanu hinkakletatshro phuta tshinikatshrowa seyni tasrukjetna yine hiyrunu tyokwijetna yine ntowrene rapoklewaxyawakapna hiyrunu hnijyawakapluna nikluru mayawletshicha henekachalurkaka.

Apocalipse 2:4

Wanepnawaka nkahekhi psotsonu klu tshinanu hiknokatkalu mitshikananu hichiniklewle.

Apocalipse 21:8

Seyni jhamleholune, malixkane, hektutu kamhalu hamotatshine, jiylalewaklerune, kapoklewaklerune, kahontshine, mayawletshicha kahwakpiratatshine, ptowru pejnu kayloklerune wanna ptowruneka kwawaklena tshitshmero yehi, tshitshmero powha nwaka, enxofre yehi. Wane hapokatshinepa hepi rixinri hipuktshipni.

Apocalipse 22:15

Seyni poktshi malekate rawna kawene pa himtuknurune, kahontshine, kapoklewaklerune, jiylalewaklerune, mayawletshicha kahwakpiratatshine, hayloklewlu halukatshine hiyrunu weyawlu kamhatshine.