Apocalipse 2:13 - Bíblia

¹³ Nimatlu hwiywaka, tsru kamtshi Satanás pohirewaxyawaka yehi. Seyni nhiwaka homkahle hi hiknokatka hiyrun-koxa hi hiknokatkalu halixlu pirana homkahpotuxyawaka. Antipas tshinkaluru nuphujtatjeru ptowutkolu potuko rupniniklunupapkonatka hix-yehi hiylaxikaluru, tsru kamtshi Satanás hwiywaka yehi, seyni hi hiknok-halixletatka.

Apocalipse 2:13 ပူးပေါင်းရင်းမြစ်များ

Mateus 10:23

Salewaktshi hexiniklunu satu poktshiya, wane hasujini pa poktshi pnute hajeru hyanu. Halikakni ntshinyi, Jeji Whene satokanu hi ptowru poktshi pejnu Israel tshijnetshi hyapanna.

Mateus 24:9

— Seyni xye ptowruka hnapu, hsalewnakakko, hiylatko, ptowru tshijne hajene hahnanutanhi hita tshinanu.

Mateus 4:10

Waneya Jesus wan-tshinru: — Pyanutka Satanás! Wane htshina hinkakleta Hoyakalu tokanu potukalu yonatkaluru: “Tsru Hixikatshriwa Hoyakalu Poyakalute tsonu pimalwutanu hiyrun-koxa wale tsonu pomkahitanu.”

Lucas 21:17

Ptowru yineru hahnanutanhi hixa, hita tshinanu.

Atos 22:20

Hiyrunu puphujtatjerni Estêvão ruylaxinruna hit-koxa wane hwakanata. Nukchikhihlenutlu wan-rixyawakluna. Hiylalewatatshine mkalu ninota.”

Atos 9:14

Hiyrun-koxa xawakni hewi rapoka tsru hixikatshinwa sacerdote-ne hinhatshriyma hkachixyawakapna wanna ptowruneka pixa hiwaka munanhatshine.

1 Tessalonicenses 5:21

Hyahotanru ptowru hinkaklewlu. Kihle piranalu himrexinwa.

1 Timóteo 5:8

Seyni katukta hi hislahanna waleko himolene, hipjiko hajenewa, walekta hichotatkalu halixlewlu pirana romkahixyawaka. Wan-hixatshri malixkatu pnute hektutu kamhatshrini.

2 Timóteo 1:13

Halikak-potuk-tokantshi, pixa nasrukjekanatanru tokantshi pomkahitanu. Pmixkota halixletanu wale tokantshiya hiyrun-koxa hamotlewlu piranaya, wimwaleru Jesus Cristo-ya.

2 Timóteo 2:12

Salewnalu wakotachaxini, Cristo-yma wpohirewatanu. Hi nimathetlu, wtshinanwakaxiniplu Cristo, hi himathetanunwu hixapni.

Hebreus 10:23

Chiko halixlerunepwu walixleya. Hi pnu pejnu hixahchinikanutatshinepwu. Klu tshinanu Hoyakalu htshinyawaka poyahokakatshrini.

Hebreus 3:6

Seyni Cristo-ni ptowutkolu whentshi pixka rixa hislahlexyaplu ptowruka Hoyakalupji hajeru. Hiyrunu hixa yinwu walepji pixka hixatshinwu, wma muhroka halixlexyawakanupa seyni wpaklu halixlexiniplu tsru poyikowlu mnikawnakatupa.

Tiago 2:7

Hi he reyikjetluna kahwakpiratkaluru hiwak-potuko hixa kochtshejexikolu hiwaka, wanna phurune? Hehe.

Apocalipse 1:5

Hiyrun-koxa Jesus Cristo tshinanuya xye pirana hiphujetatshripa potukalu. Mitshikananu hiwekatshrini wale ptowruneka hipnatshine tskalaya hiyrunu ptowru pohirtshine Tsru Hixikatshriwatni wale. Wuchinikjerni wale, hixa tshinanu cruz rupniyatka ruknokhektunuxyawakapwu hihraha hiyokle tshinanu.

Apocalipse 11:3

Hepi nuphujtatjene mkatshri saco mapa kamhikolu makatatshine nyokanatanu. Waneya Hoyakalu tokanu runkakletanna mil duzentos e sessenta hohne pejnu.

Apocalipse 12:11

Wmoletanune Cristo tshinanu hallitlu Tsru Kamtshi Carneiro Whene tshinkaluru hraha himukatle tshinanu hiyrun-koxa halikakalutu tokantshi runkakletjetanruna tshinanu. Hiyrun-koxa ralpokoxinwana rupniywakapna. Riweklena hi ramotpotutna.

Apocalipse 13:2

Kmatsyiru netanru mhenoklu pixka rixmanetatka. Seyni hijixi urso jixi pixka rixa, hinama leão nama pixka rixa. Waneya Tsru Kamtshi dragão waleko hpixkonu reneklu, hpohirewnale reneklu hiyrunu tsru towuwlu reneklu.

Apocalipse 14:12

Hiyáhoni Hoyakalu nurrene ralixjene haluklu rakotachaxyawakna, Hoyakalu tokanu yonatkaluru romkahpotuxyawakna hiyrunu Jesus ralixachaxyawakna.

Apocalipse 17:14

Carneiro Whene tshinkalurumka hkamnitanna seyni rallitanna klu tshinanu wale honukla ptowru tsru hixikatshriwa hitsrukatni wale, Carneiro Whene tshinkaluru. Pohirtshine pohirni wale. Romkahitjene, waleymalunni wanna htomhalenni wanna. Wanna nuretkalune koxa hallitanna. Poyehi halixlerunni wanna.

Apocalipse 17:6

Waneya netlo suxo kapoklewaklero himetatshro, Hoyakalu nurrene ralixjene hraha pohwaka tshinanu hiyrunu Jesus homkahlu tshinanu hiylatkalunni hraha pohwaka tshinanu. Hiyáhoni nexinixkalo nimyekpotutatka, hi nimat-hichinikanuwatatka.

Apocalipse 2:2

Hkamrure nimata. Nimatlu hkamrurewpotutatka ptowru mchiretannutshiyma. Hiyrunu nimatlu hektutu kkamhaklerune kamrure hi hyima. Himlukanutna jejine nuretkalune tshinikatshinwa seyni hi wan-rixna. Hetna kayloklerune rixyawakna.

Apocalipse 3:11

Hjemanu! Nunhapkatanu. Hiyáhoni walekaka himwaleru hi hichotanu. Hike yineru mkonyawakanuplu himlujikolu hyoptotanrupa.

Apocalipse 3:3

Hiyáhoni hichinikanretanru htshinikolu hyoptoleru, hjemleru. Wale pirana xako homkahpotutanu hehchinikanutanu. Klu tshinanu hma muslahiknuklunwa chinpotu napyehitanhi, katshowhuru hapokle pixka. Hi himatanu klu hora-ko napyehitanhi.