Apocalipse 2:1 - Bíblia

¹ — Xye pirana pyonanwakatanru hiwejikaluru Hoyakalu towreru tenhohne hajeru Cristo halixatshine hapatjetatshine Éfeso poktshi hajene kosekatshri: “Xye tokantshi runkakleta katahirine sete hpotukle myo hanikamxikatshri sete katalu hanikapine, ouro kamhikolu hanikajite yapatshri, wla htshina:

Apocalipse 2:1 ပူးပေါင်းရင်းမြစ်များ

Mateus 18:20

Klu tshinanu hanukta rapatjexyana hepi ho pnute yine nhiwaka tshinanu, wane koxno Hita.

Mateus 28:20

Hasrukanna kajnako rixyawakapna wale pirana psoluka ntowuthi hinkaklexyawaka. Hiyrun-koxa hixayma nwanu psol-hohneko hikeklu hohne mnikawnakatupa.

João 5:35

Nikotapi nikotle tsrur-potuko pixka rixatka João. Hixa hijhatkalu pchini tsonu himuwpotuxyawaka xye hnikotle tshinanu.

Atos 18:19

Waneya Éfeso poktshi rapojinixkana wane ruknokamtna Priscila, Áquila. Waneya hanjihohnewakapji hjihloka Paulo judeu-ne riynumsaxyawakapa.

Atos 18:21

Waneya Paulo hichpakpiraxinixka waneya wane htshina: — Hoyakalu halujinipa nsatokanu pa hohne. Hiyáhoni hpokownatka Paulo Éfeso poktshi ruchpajyatka.

Atos 19:1

Corinto poktshi rawakanatawa Apolo tshinkaluru, seyni Paulo pimri poktshikaka hyapamta haté Éfeso poktshi rapoka. Pimrine hapatjetatshine hyoptota Paulo waneya.

2 Coríntios 6:16

Hanhe xawaka rumukata pixkakaklu hixleta Hoyakalupji mayawletshichayma malixkane munanhaleru? Klu tshinanu hixakni Hoyakalu Hiwejikalurupjiwu. Klu tshinanu Hoyakalu potuko hali wan-tshinretatka: “Wanna hitokote nwanu, wanna nyanini. Royakalutepnona. Wannapni nayinetene.”

Apocalipse 1:16

Hpotukle sreta myo ranijyalu sete katahirine. Hinama ronoxya yohlolewapi hepi sretako hakoxikatshri. Hihoji tkatshi nikotle pixka rixa, hnikotpotuxini tkatshi.

Apocalipse 1:20

Sete katahirine petlene npotukle myo nanikamxinri hiyrunu sete katalu hanikapine, ouro kamhikolu pirana mpohijetanutukananu nuphujetanu. Sete katahirine, hiwejikalune Hoyakalu towrerune tenhohne hajene wannani Cristo halixatshine hapatjexikowakkaka hwatshinni. Sete katalune hanikapi, yapkakletlu sete hapatjewakkaka.

Apocalipse 12:1

Waneya tsru himyekaklewatatshri tenhohne rakanhiya. Sato suxo tkatshi makatatshro hiphujewna. Ksuru tojixi hpuko hwa hiyrunu pohirtshi sahye t-sahyeta doze katahiri hwa sahyetlo.

Apocalipse 2:12

— Xye pirana pyonanwakatanru hiwejikaluru Hoyakalu towreru tenhohne hajeru Cristo halixatshine hapatjetatshine Pérgamo poktshi hajene kosekatshri: “Xye pirana runkakhi yohlolewapi ptowru sretako hakoxikatshri hinama honoxikatshri himwatshri.

Apocalipse 2:18

— Xye pirana pyonanwakatanru hiwejikaluru Hoyakalu towreru tenhohne hajeru Cristo halixatshine hapatjetatshine Tiatira poktshi hajene kosekatshri: “Xye pirana runkakhi Hoyakalu Whene, tshitshmero pixka hixayhaletatshri hiyrunu yomuwa bronze hixirikkaluru hatajnu pixka hixatshri hiyrunu hatawnajixitatshri.

Apocalipse 2:8

— Xye pirana pyonanwakatanru hiwejikaluru Hoyakalu towreru tenhohne hajeru Cristo halixatshine hapatjetatshine Esmirna poktshi hajene kosekatshri: “Xye pirana runkakhi mitshikananu hwatshri, hiyrunu rapkatle hwatshri, hipnatshri kananu seyni hiwekatshritka.

Apocalipse 3:1

— Xye pirana pyonanwakatanru hiwejikaluru Hoyakalu towreru tenhohne hajeru Cristo halixatshine hapatjetatshine Sardes poktshi hajene kosekatshri: “Xyekni hinkaklu hixa tshinanu, wla htshina, sete hiwejikalune Hoyakalununni hiyrunu sete katahirine hanikatshri. Nimatlu hkamrure. Hiwekatshine hikahwakkalune seyni halikaka hipnatshinhi.

Apocalipse 3:14

— Xye pirana pyonanwakatanru hiwejikaluru Hoyakalu towreru tenhohne hajeru Cristo halixatshine hapatjetatshine Laodiceia poktshi hajene kosekatshri: “Xye pirana runkakhi Amém tshinkaluru, Hoyakalu pirana hiphujetatshri halikak-potu, mweyawakletu, Hoyakalu hiyakotanrukaka yinuwakatshri.

Apocalipse 3:7

— Xye pirana pyonanwakatanru hiwejikaluru Hoyakalu towreru tenhohne hajeru Cristo halixatshine hapatjetatshine Filadélfia poktshi hajene kosekatshri: “Xye pirana runkakhi Hoyakalu, potukal-potuko, halikak-potu, phuru Davi tshinkalurni chave-te himwatshri. Hkotpukka, hike hichyatlu. Ruchyaxini, hike kotpuklu.