Apocalipse 19:9 - Bíblia

⁹ Waneya Hoyakalu towreru tenhohne hajeru wla htshinno: — Xye pyonatanu: “Tshanixkalune Carneiro Whene tshinkaluru hnunrowle nikle hapokatshinepa, halikaka poyikowatatshinepa.” Hiyrun-koxa Hoyakalu towreru tenhohne hajeru wla htshinno: — Xyekni Hoyakalu tokanu halikak-potuko.

Apocalipse 19:9 ပူးပေါင်းရင်းမြစ်များ

Apocalipse 22:6

Waneya hiwejikaluru Hoyakalu towreru tenhohne hajeru wla htshinno: — Xyekaka tokantshi halikakalutu piranni hiyrunu rakanhanu halikaka. Tsru Hixikatshriwa Hoyakalu, htokanu hinkakletatshine hihchinikanu hepixatshri, yokanatlu htowreru hiwejikaluru tenhohne hajeru rekhixyawakapna htowrene xyekaka pirana chinpotukawa hakanhatshripa pirana.

Apocalipse 21:5

Waneya Hoyakalu, pohirtshi tuplawakle tuplatatshri wla tshina: — Hjemanu! Ptowru potuko nerotetanu! Waneya wale wla htshinno: — Pyonatanru xye klu tshinanu xye tokantshi halikakalutu, hakanhatshri pirana potukni.

Apocalipse 1:19

Hiyáhoni pyonatanru ptowru potuko petanrukaka pirana. Pyonatanru xawakni hakanhatshri pirana petanru hiyrun-koxa hinatshripa pirana petanru.

Apocalipse 3:20

Hjemanu! Hiphapto nwa. Nutpehiphaptoteta. Hiyáhoni katuktako jeminru ntokanu hiyrunu hkotpukhiphaptotexini, njihlokyehitanru wale. Hiphapto kotpukatshri niminkanu hiyrunu wale himinkano hita.

Apocalipse 14:13

Waneya nyijnakotlu tokantshi tenhohneyalutu wan-tshinatshri: — Xye pirana pyonatanu. Kihlehchinikanurunepni hipnatshine xye hohne pnutpatka Tsru Hixikatshriwa Cristo hiwaka tshinanu hipnatshine. — Hehe, halikakni! — htshina Hoyakalu Hiwejikaluru. — Rapnanutanuna hkamrureyna hiyrun-koxa hkamrurna hkamhajekanatanruna hpohitanna.

Apocalipse 10:4

Waneya rali yanumletatka rutlohle tshinyawaka nyinuwaka yonretmaka seyni waneklu potuko tokantshi njema tenhohne hichpajikatshri, wla tshinatshri: — Pihnanutpotutanru tokantshi htshinyawakna sete rutlohle. Hi pyonatanru.

Apocalipse 3:14

— Xye pirana pyonanwakatanru hiwejikaluru Hoyakalu towreru tenhohne hajeru Cristo halixatshine hapatjetatshine Laodiceia poktshi hajene kosekatshri: “Xye pirana runkakhi Amém tshinkaluru, Hoyakalu pirana hiphujetatshri halikak-potu, mweyawakletu, Hoyakalu hiyakotanrukaka yinuwakatshri.

Apocalipse 3:7

— Xye pirana pyonanwakatanru hiwejikaluru Hoyakalu towreru tenhohne hajeru Cristo halixatshine hapatjetatshine Filadélfia poktshi hajene kosekatshri: “Xye pirana runkakhi Hoyakalu, potukal-potuko, halikak-potu, phuru Davi tshinkalurni chave-te himwatshri. Hkotpukka, hike hichyatlu. Ruchyaxini, hike kotpuklu.

Apocalipse 3:1

— Xye pirana pyonanwakatanru hiwejikaluru Hoyakalu towreru tenhohne hajeru Cristo halixatshine hapatjetatshine Sardes poktshi hajene kosekatshri: “Xyekni hinkaklu hixa tshinanu, wla htshina, sete hiwejikalune Hoyakalununni hiyrunu sete katahirine hanikatshri. Nimatlu hkamrure. Hiwekatshine hikahwakkalune seyni halikaka hipnatshinhi.

Apocalipse 2:18

— Xye pirana pyonanwakatanru hiwejikaluru Hoyakalu towreru tenhohne hajeru Cristo halixatshine hapatjetatshine Tiatira poktshi hajene kosekatshri: “Xye pirana runkakhi Hoyakalu Whene, tshitshmero pixka hixayhaletatshri hiyrunu yomuwa bronze hixirikkaluru hatajnu pixka hixatshri hiyrunu hatawnajixitatshri.

Apocalipse 2:12

— Xye pirana pyonanwakatanru hiwejikaluru Hoyakalu towreru tenhohne hajeru Cristo halixatshine hapatjetatshine Pérgamo poktshi hajene kosekatshri: “Xye pirana runkakhi yohlolewapi ptowru sretako hakoxikatshri hinama honoxikatshri himwatshri.

Apocalipse 2:8

— Xye pirana pyonanwakatanru hiwejikaluru Hoyakalu towreru tenhohne hajeru Cristo halixatshine hapatjetatshine Esmirna poktshi hajene kosekatshri: “Xye pirana runkakhi mitshikananu hwatshri, hiyrunu rapkatle hwatshri, hipnatshri kananu seyni hiwekatshritka.

Apocalipse 2:1

— Xye pirana pyonanwakatanru hiwejikaluru Hoyakalu towreru tenhohne hajeru Cristo halixatshine hapatjetatshine Éfeso poktshi hajene kosekatshri: “Xye tokantshi runkakleta katahirine sete hpotukle myo hanikamxikatshri sete katalu hanikapine, ouro kamhikolu hanikajite yapatshri, wla htshina:

Tito 3:8

Xye pirana munanhakalurni. Naluklu pkojirexyawakaplu xyekaka pirana ptowru hohneruka. Hoyakalu halixatshine hijhalu hmixkowaxyawakapna hma muchoxyawakanuplu kamrurtshi Hoyakalu halukanru. Xyekaka kamrurtshi kihlerni hiyrunu hijhakalurni yine tshinanupa.

2 Timóteo 2:11

Xye tokantshi potukalni: “Cristo-yma wupnini, waleyma koxa wiwekanu.

1 Timóteo 4:9

Halikaka piranni xye hima. Hiyáhoni rujhalu ralixkoxikowaka psolu hchinikanuymako.

1 Timóteo 1:15

Xye ntshinreru halikakni hiyáhoni rujhalu ralixkoxikowaka psolu hchinikanuymako: Cristo Jesus xye tshijne hinpatka hektune riwekkajyawakapa. Hiyrunu wanna ptowruneka hektune pnuterutno hita.

Lucas 22:16

Klu tshinanu halikaka wane ntshinhi hikeklu hohne nnikanru xye Páscoa hohne tshinanupa haté rakanhanu Páscoa hohne potu Hoyakalu pohirewaxyawakaya.

Apocalipse 1:1

Twu steno raw-yonhata Jesus Cristo hixyawakapa pirana. Hoyakalu yokanatlu xye pirana ruphujexyawakapa rekhixyawakapna htowrene howukchini mapokatpatka pirana. Cristo yokanatlu htowreru hiwejikaluru tenhohne hajeru xyekaka pirana rimatkajyawakaplu htowreru, João tshinkaluru.

Apocalipse 17:1

Satu wanna sete hiwejikalune Hoyakalu towrerune tenhohne hajene, sete stono salewaktshi yehi hanikatshine, hiynumsatno waneya wla htshinno: — Punanu. Nekhitanyi hanu tixa hapnokatletka tsru pohitkaluro kapoklewaklero, wala honira tsru poktshi hixo honhastsi hwatshroni.

Apocalipse 17:17

Klu tshinanu Hoyakalu henekahchinikanutna, pa hchinikanu rixyawakna Hoyakalu halukanru hkamhiywakna. Hiyáhoni wale tshinanu hpohirewaxyawakna renekanruna kmatsyiru, rali hakanhalexinipa tokantshi Hoyakalu tshinyawaka pejnu.