Apocalipse 18:9 - Bíblia

⁹ Pohirtshine, xye tshijne hajene, hapoklewatatshine, kihle hiweklu hetatshine wala kapoklewakleroymalune, hitshiyahatanro, rikaheknanuwatanrona tyoxijikolupha rexinipna.

Apocalipse 18:9 ပူးပေါင်းရင်းမြစ်များ

Gênesis 19:28

Sodoma, Gomorra poktshine nwaka hyihata hiyrun-koxa kihlemta tshijiwaka nwaka hyihata. Retlu tshitshipha tshiji hpalniya forno nikotle pixka rixa wale meropha.

1 Timóteo 5:11

Seyni hipnahnurutatshrone tsrotsolejine hmixkanuklunupna hi putakanna repixikowakapna Cristo halixatshine hapatjetatshineya. Klu tshinanu Cristo homkahixikowaka hyinuwaka hayoklexinipna hhanuruwatanutnakna.

Apocalipse 14:11

Tshitshipha hsalewniywakna yehi hichpajikatshri, ratskophatanu hikeklu hohne mnikawnakatupa. Hi hohohne hi hoyetshnoko rapnanutanuna wanna ptowrunepnika kmatsyiru ho wale yáholu himalwutatshine pejnu hiyrunu wanna ptowruneka wale hiwaka himaxikole yoptotatshinepni wan-rixkonna.

Apocalipse 17:2

Walayma rapoklewatna xye tshijne pohirene. Ptowru tshijne hajeru himetatka tapoklewle pohwaka tshinanu.

Apocalipse 18:18

Waneya tsru poktshi yoxijikolupha rexinixkana, hsaplewpotutna. Wla htshin-sapletna: — Hi rawa xye pixkalutu tsru poktshi!

Apocalipse 18:20

Hiyáhoni xawakni himuwatanu tenhohne hwatshinhi, Hoyakalunerune, nuretkalunhi hiyrunu Hoyakalu tokanu hinkakletatshinhi. Klu tshinanu Hoyakalu hapnokatlu wale tsru poktshi, rixjekanaxyawakhi tsru poktshi pixka rixlu.

Apocalipse 18:3

Klu tshinanu ptowru tshijne hajeru hirlu katsh-halu, himtuklewatatshri tapoklewle tapiklewaxya tshinanu. Pohirtshine xye tshijne hajene hapoklewata walayma. Hiyrun-koxa maronewatatshine, xye tshijne hajene pohirenni ptowru hixatshri halukkaluru wala yehi hwatshri.”

Apocalipse 18:7

Kihleru hiweklu texini talixkoxiniklunwa, wane pso salewaktshiko pixkakanro. Klu tshinanu wla ttshinahchinikanuta: “Hita pohirewatatshrono, pohirtshi tuplawakle tuplatatshrono. Hi hipnahnurutatshrono hita hiyrunu hikeklu hohne wamontshi netanu.”

Apocalipse 19:3

Waneya hsaplewatatnakna. Wla htshinna: — Himalwutkalurni Hoyakalu! Tsru poktshi yoxikkaluru palnaphata hike rixiniko mnikawnakatupa!”

Apocalipse 2:22

Hiyáhoni xawakni hapoklewjetatshine jeko nuknokanro wala hiyrunu walayma himopatlewatatshine, tsru salewaktshi potuko yehi, hma mehchinikanutkanuklunupna hkamrureyna.