Apocalipse 18:3 - Bíblia

³ Klu tshinanu ptowru tshijne hajeru hirlu katsh-halu, himtuklewatatshri tapoklewle tapiklewaxya tshinanu. Pohirtshine xye tshijne hajene hapoklewata walayma. Hiyrun-koxa maronewatatshine, xye tshijne hajene pohirenni ptowru hixatshri halukkaluru wala yehi hwatshri.”

Apocalipse 18:3 ပူးပေါင်းရင်းမြစ်များ

Lucas 7:25

Klunerhe hetapa? Satu jeji kihleru mkatshri hitakatshrirhe hetapa? Hetanu kihleru mkatshri hitakjetatshine, kihle hiweklerunni, phurupjikaka rawna wan-hixatshine.

1 Timóteo 5:11

Seyni hipnahnurutatshrone tsrotsolejine hmixkanuklunupna hi putakanna repixikowakapna Cristo halixatshine hapatjetatshineya. Klu tshinanu Cristo homkahixikowaka hyinuwaka hayoklexinipna hhanuruwatanutnakna.

Apocalipse 14:8

Waneya satu hiwejikaluru Hoyakalu towreru tenhohne hajeru hepi rixinri, mitshikananu hiwejikaluru Hoyakalu towreru tenhohne hajeru hatjini hya, wla htshina: — Rallitka, rallitka tsru poktshi Babilônia tshinikowaka! Tkamhaleru hapoklewlu katsh-halu himtuklewatatshri potuko, ptowru tshijne hajene tutahata.

Apocalipse 17:2

Walayma rapoklewatna xye tshijne pohirene. Ptowru tshijne hajeru himetatka tapoklewle pohwaka tshinanu.

Apocalipse 18:19

Waneya tshiji pahi hpolojiwuxnawana. Hsaplewatna. Htshiyahatna. Wla htshinna: — Hi pa wamonnukananru! Hi pa wamonnukananru tsru poktshi pirana! Klu tshinanu wale poktshi pohirewnale tshinanu ptowru kkanawateru, mar powha hwatshri mitshikananu hpohirewnatka. Seyni satu hora-pka tshinanu tsonu tnikawnapotutanatka.

Apocalipse 18:23

Hiyrun-koxa hikeklu lamparina wane nikoxinixka. Hnunrowatatshri ho hnuruwatatshro tokanu, hikeklu pix-yehi hjemikotka. Hichanrewatatshine pix-yehi yapjetatshine ptowru tshijne hajene hichanrewatatshine yohnik-himukatatshine rixapna mitshi. Klu tshinanu pkahontshiwle ptowru tshijne hajene hyokwijekanata.

Apocalipse 18:7

Kihleru hiweklu texini talixkoxiniklunwa, wane pso salewaktshiko pixkakanro. Klu tshinanu wla ttshinahchinikanuta: “Hita pohirewatatshrono, pohirtshi tuplawakle tuplatatshrono. Hi hipnahnurutatshrono hita hiyrunu hikeklu hohne wamontshi netanu.”

Apocalipse 18:9

Pohirtshine, xye tshijne hajene, hapoklewatatshine, kihle hiweklu hetatshine wala kapoklewakleroymalune, hitshiyahatanro, rikaheknanuwatanrona tyoxijikolupha rexinipna.