Apocalipse 17:8 - Bíblia

⁸ Kmatsyiru petanru hiwekakanata seyni xawakni hi riweka. Teno pnawaka hamhikowak-yehi hkanijinipa waneya ruylatko. Hiyáhoni yonawahlo steno hiwekkakalune hiwakkaka yonaxikowaka myonhiwakatkone, xye tshijne hwatshine pejnu himyekanu rexinipluna kmatsyiru. Klu tshinanu riwekakanata, xawakni hi riweka seyni ruphujewnapa.

Apocalipse 17:8 ပူးပေါင်းရင်းမြစ်များ

Mateus 25:34

Waneya pohirtshi wla htshinanna hpotukle sretate hajene: — “Hinanu, Nuru kihleru htshinyehixyahi. Hyoptotapanru hyoptolerupa Hoyakalu pohirewaxyawaka hixa tshinanu halpokotkalurutka hma muyakotkonuklunuwa xye tshijne.

Lucas 10:20

Wanepnawaka hi himuwatanu kamtshine yijnakoxyawakhi tshinanu seyni halikaka himuwatanu klu tshinanu hyonhiwakatka tenhohneya.

Lucas 8:31

Waneya kamtshine hanjitlu Jesus teno pnawaka hma yokanaxyawakanupna.

João 17:24

— Nuru Hoyakalu nanjityi yine penejyano hita nwiywakapa rawyawakapna wanna koxa. Npohirewnale penejyano rexyawakapna. Klu tshinanu xye tshijne hma kamhakonuklunuwa puchinikatkano.

Atos 15:18

htshina Tsru Hixikatshriwa Hoyakalu, xye ptowruka kamhatshri. Xye tshijne yinuwajinikananuko rimatakanatatka Hoyakalu kamrure tshinanu.”

Efésios 1:4

Wan-rixa Hoyakalu. Xye tshiji hmuyakotkanuklunuwa hnuretlu Cristo himwatshinepwu wixyawaka. Hnuretna, yine potukalune rixyawakapna hike mixkanepni Hoyakalu yhaleya, klu tshinanu ruchinikwu Hoyakalu.

Tito 1:2

Hiweklu hikeklu hohne mnikawnakatu kahwajikolu tshinanni. Hoyakalu, mimat-weyawatkatu, hinkakletlu xye hiwejikolu mnikawnakatu pirana xye tshiji muyakotkonuklunuwa papko.

1 Pedro 1:20

Hoyakalu nurehchinikanutlu wan-rixyawaka Cristo xye tshijne hma mkamhaknuklunuwa. Seyni xawakni rakanhakakatkalu Cristo, nikawnahohnepiraxinistsi potuko ramotle tshinanhi.

Apocalipse 11:7

Waneya rali hinkaklewlexinipna hiphujetatshine hepi waneya kmatsyiru teno pnawaka hichpajikatshri kamnitanna, ralliretanunna, ruylatanunna.

Apocalipse 17:11

Hiyrun-koxa kmatsyiru hiwekakanatatshri seyni xawakni hi riwekanatka pirana, pohiru oito rixinripa. Pohirune sete hkosekjeneymalutni wale. Seyni hamhikowaka hyanuna.

Apocalipse 17:2

Walayma rapoklewatna xye tshijne pohirene. Ptowru tshijne hajeru himetatka tapoklewle pohwaka tshinanu.

Apocalipse 20:10

Waneya Tsru Kamtshi hyokwijetjerna tshitshmero powha, enxofre yehi hitokote, ruknokkatka, kmatsyiru hiyrunu hoyakalu tokanu hinkakletatshri minje hwiywaka potuko. Wane hsaletpotuxíkona hohohne, hoyetshno hike rixiniko mnikawnakatupa.

Apocalipse 20:12

Waneya hipnatshine neta. Wanna hipnatshine hijhakalune hiyrunu mujhakonpotu Hoyakalu hoji sreta hyopkakna. Waneya yonawahlo stenkaka kopralakka. Satutnaka yonawahlo steno kopralakka, hiwejikaluro steno tshinkaluru. Waneya hipnatshine hikolukkatka hkamhalerna pirana tshinanu, papel-mta hwapiranatatshri yonatkaluru tshinanu.

Apocalipse 20:15

Ptowru yineru hiwaka pejnu yonawahlo steno hiweklu hinkakletatshri myonhiwakatkotu, tshitshmero powha hiknokkotka.

Apocalipse 3:10

Hislahatkalu ntokanu ntowuxyahi, hkahwakachaxyawakap-pirana hiyáhoni hit-koxa hepixanhi hma mexyawakanuplu salexikol-hohne hinatshripa, ptowru tshijne hajene yahoxikolu klu papkopa.

Apocalipse 3:5

Hallirewatatshri mkatshri klatalu makatatshripni. Hiyrun-koxa hiwejikaluro steno hi ruchyahiwakaxiko. Seyni wale hiwaka nuphujetanu Nuru Hoyakalu hetanu hiyrunu hiwejikalune Hoyakalu towrene tenhohne hajene hetan-koxa.