Apocalipse 16:9 - Bíblia

⁹ Ralhakakanna yine tsru hameruyma. Waneya yine hektutu htshinanwakatluna Hoyakalu xye salewaktshikaka towutatshri. Seyni hi rehchinikanutna yinepni, hi rimalwutluna Hoyakalu royaknu tshinanu.

Apocalipse 16:9 ပူးပေါင်းရင်းမြစ်များ

Lucas 13:3

Seyni hita wane ntshinhi, hike. Hma mehchinikanutkanuklunupa hixa ptowrunekhi, waneko pixka hixa hiylaletkona.

Lucas 13:5

Seyni wane ntshinhi, hike. Hma mehchinikanutkanuklunu hixa, ptowrunekhi waneko pixka hixa hiylatkotanu.

2 Coríntios 12:21

Npiklu wane napojinpatnaka Noyakalute mturu hixkajyawakno hix-yehiya. Hiyrun-koxa pa katako nujhalu ntshiyahaxyawakapa hixolune hektuwaka kamhatshine mehchinikanutkanewa tshinanu, hektutu hkamhalerna tshinanu, rapoklewlena, hiyrun-koxa pimrikaka hma poyaho hicholetanutna tshinanu.

Apocalipse 11:13

Waneklukawa potuko tsru hiyoliklu tshiji rixa. Waneya satupka dez-te (1/10) tsru poktshi psojite yawnapjitana. Hiyoliklu tshiji tshinanu sete mil yinni hipnana. Pimrine hpikpotutanna. Hiyáhoni Hoyakalu tenhohne hajeru rimalwutna.

Apocalipse 14:7

Waneya hipokananu hyanumata, wla htshina: — Hkahwakpiratanru Hoyakalu, hiphujetanru royaknu himalwuruyma. Klu tshinanu rapnokatjixle papko hapokatka. Himalwutanru tenhohne, tshiji, mar powha hiyrunu honha hichpakhaxyawaka hiyakotatshri.

Apocalipse 16:21

Waneya sotluha tenhohne hichpajikatshri, yine hoho rapokatka. Tsru tshrajhakakalu, quarenta kilo pa hinnu hetkolu satkaka sotluha. Waneya yine hektuwaka htshinanwakatluna Hoyakalu sotluha hsalexyawakna tshinanu, klu tshinanu tsru potuklu xye salewnalu.

Apocalipse 2:21

Pchini hohnejijimka neneklo tehchinikanuxyawakamkapa tapoklewaxinri seyni hi taluklu.

Apocalipse 9:20

Seyni pimrine yine hixetatshine xyekaka saletlu muylatkanune, hi rehchinikanyehitluna wannako hkamrurna: hi ruchotluna kamtshine romkahixyawakna, hi mayawletshicha ouro ho prata ho bronze, ho sotlu, ho hahmuna kamhikolu metkatu, majnakotu, myankatu hi rutuk-homkahretna.