Apocalipse 14:4 - Bíblia

⁴ Nyi jejine, cento e quarenta e quatro mil yine pejnu, suxone mapokmanetkanewa, wannani powrahchinikanurune. Nyi jejine Carneiro Whene tshinkaluru homkahitatshinni hanuktako hyini wale. Nyi yin-yehi hanjixikalunni. Wanna honra mitshikananu henekachalu pixkalune Hoyakalu tshinanunepa hiyrunu Carneiro Whene tshinkaluru tshinanunepa.

Apocalipse 14:4 ပူးပေါင်းရင်းမြစ်များ

Mateus 19:12

Rawa satkaka jeji mumukata hnunrowletkatu runro nanwaka ruchpajinikawa. Raw-koxa satkaka mumukata hnunrowletkatu yineko wan-hixkakleruna. Hiyrun-koxa satkaka nuretlu hma hnunrowaxyawakanu tenhohne pohirewaxyawaka tshinanu. Katukta himukata himatjemletanru, rimatjemanutkalu.

Mateus 25:1

— Hiyáhoni tenhohne pohirewaxyawaka dez maklojine pixka rixanu. Maklojine lamparina hanikatshrone hichpakamta hyoptoxyawakapluna hnunrowpiratatshri.

Mateus 8:19

Waneya satu kasruklewakleru hinanchitkaluru pirana hasruklewatatshri yanwakatlu Jesus, wla htshina: — Kasruklewakleru, hanuktako pyanu pixa nimotsatanyi hita.

João 10:27

Noprane carneiro-ne pixkalune jemtokanutno, nimatna hiyrunu romkahitnona.

João 12:26

Satu yineru kamrurewyehixinno, romkahitanno. Waneya hanukta nwanu hita wane koxa rawanu nkamrurewyehitjeru. Ptowru yineru hit-yehi kamrurewaxikatshri pejnu Nuru Hoyakalu kihler-pirana htshinanwakatanru.

João 13:37

Waneya Pedro wla tshinru: — Seyni Tsru Hixikatshriwa, klu tshinanhe hi numukata homkahretanyi xawakni? Klu tshinanu haté niwejinri nuknokanu pixa tshinanupa.

João 8:12

Jesus pnute hya tshinretatnaka, wla htshinna fariseu-ne: — Hitni katalno xye tshijne hajene ptowruneka tshinanu. Hita homkahitatshri hi mapchahawaka yanatshripni seyni rawanu katalu hiweklu heneklewatatshri.

Atos 20:28

Hislahinwa. Hislahan-koxna pimrine Hoyakalu Hiwejikaluru henejyahi hislahiywakna. Carneiro-ne hinotatshine pixka hixanna Hoyakalu halixatshine hapatjetatshine, hanjitkalunetka Hoyakalu whene hipnaleya.

1 Coríntios 16:15

Hixa himatna Estéfanas hiyrun-koxa himolene. Wanna honukla mitshikananu Cristo halixatshine Grécia tshijneya hiyrun-koxa renejnawana repixyawakna Hoyakalu kotspalatanune. Hiyáhoni Cristo tshinanu nmoletanune, nanjithi

1 Coríntios 6:20

Klu tshinanu kwenuru hanjixikalunhi. Hiyáhoni Hoyakalu himalwutanu himaneyma.

1 Coríntios 7:28

Seyni phanunrowaxini hi hektuntshini wale. Hiyrun-koxa hi hektuntshini makloji thanuruwaxini. Seyni himatanu hnunrowatatshri ho hnuruwatatshro hsalewnamanetanna. Xye salewnalu pirana tshinanu wane ntshina hixa hma salewniywakanumkapa.

2 Coríntios 11:2

Klu tshinanu nhokothi. Hoyakalu henekno nhokoxyawakaphi. Klu tshinanu hixa hatatjewa makloji hike myanwakatanutowa hike mixkotowa pixka hixatshinhi. Nunkaklexyahi satupka hhanuruxyawakapa walekni Cristo.

Efésios 1:14

Hoyakalu Hiwejikaluru renekna rayinetene hmunanhiynawa ptowru potuko Hoyakalu hinkakletakanatanru hyoptoxyawakapna rayinetene, haté wali yoptoletanru psol-potuko wyoptotanrupa. Hiyáhoni rimalwutko Hoyakalu hiyrunu rimathetko ruhlenu.

Efésios 5:27

Xye hkamha Cristo, rumukata heneklexnawakwa hix-yehiya, hixa hatatjewa hhanunrone, kihleron-potpakwu, maptsholemtatopni potukalo hike mukolukanutopni, hixa hapatjetatshine Cristo halixatshinwu.

1 Timóteo 4:3

Nyi jejine himaletlu hnunrowlu. Rinanchitluna nikkaluru. Seyni Hoyakalu hiyakotlu xyekaka nikkaluru wniklerupa rixyawaka hiyrun-koxa wale wpoyahnuxyawaka. Hixa Cristo halixatshinwu, halikaka pirana himatatshinwu wane wixanu.

Hebreus 12:23

Hixa hapokanwakatlu poyikowlu hapatjexikowaka Hoyakalu whenene tsrujrune hapatjere nwaka, tenhohne khiwakayalune yehi. Hoyakalu, ptowru yineru hetamayxakletatshri yehi hapokatshinhi hiyrunu yine hiwejikalune potukalune, hike mmahaxikane yehi, hapokatshinhi.

Tiago 1:18

Waleko ralujyawaka tshinanu rawkakwu, htokanu halikakalutu tshinanu, Hoyakalu hiyakoleru ptowru potuko tsru potu wixikowakapa.

1 Pedro 2:9

Seyni hixa halixatshinhi Hoyakalu nurrenhi, hineruneko hixyawakapa, Tsru Hixikatshriwa Hoyakalu sacerdote-tenhi, yine potukalunetkahi, Hoyakalunuko hixyawakapa. Hoyakalu nuretatkahi hiphujexyawakaplu rixa hihlehchinikanrexyawakhi, mapchahawaka hichpajyawakapa, wale nwaka katawak-potuko nwaka wwiywakapa htshanixikowaka.

Apocalipse 17:14

Carneiro Whene tshinkalurumka hkamnitanna seyni rallitanna klu tshinanu wale honukla ptowru tsru hixikatshriwa hitsrukatni wale, Carneiro Whene tshinkaluru. Pohirtshine pohirni wale. Romkahitjene, waleymalunni wanna htomhalenni wanna. Wanna nuretkalune koxa hallitanna. Poyehi halixlerunni wanna.

Apocalipse 21:22

Hi satukna Hoyakalupji wane nexya. Klu tshinanu Tsru Hixikatshriwa Hoyakalu, ptowru potuko himukatatshri hiyrunu Carneiro Whene tshinkaluru wannakni Hoyakalupjine.

Apocalipse 21:23

Wale poktshi hi hijhalu tkatshi hiyrun-koxa hi ksuruko rujha klu tshinanu Hoyakalu hoyaknu hatnu nikotlu wane. Carneiro Whene tshinkaluru poktshi katalutekni wale.

Apocalipse 3:4

Seyni satkakhi hixajiji, Sardes poktshi hajenhi hi pitshotamkaluxnawa. Hitayma hyanna mkatshri klatalu makatatshine. Rumukatna klu tshinanu hike hma tshinanwakaxikowakanna tshinanni.

Apocalipse 5:9

Waneya herotu chikale hchikaletna. Wla htshina chikaletna: — Pixa tsonu himukatatshriyi pixa yonawahlo steno pyoptoxyawaka hiyrunu sete hosture pjimlajyawakapa, pkotpujyawakaplo. Klu tshinanu hiylatkaluryi, pihraha hiyokkaluruyma panjitna yine Hoyakalu tshinanupa, ptowru neruko tshinanu, ptowru nru tshinanuko, ptowru yineru kakojeru tshinanu, ptowru tshijne hajene tshinan-koxa.