Apocalipse 14:2 - Bíblia

² Waneya satu hima njema tenhohne hichpajikatshri. Tsru hokanu sejire pixka htshinhimata hiyrunu rutlohle hima pixka htshina. Tokantshi hima njemanru hixo harpa tokle pixka htshinhimata.

Apocalipse 14:2 ပူးပေါင်းရင်းမြစ်များ

1 Coríntios 13:1

Numukatkamka yine nrukaka ho hiwejikalune Hoyakalu towrerune tenhohne hajene nrukaka nyanumaxinimka seyni nma muchinikkanuklunru nimwastsireru hatatjewa hita ferro chpata ho lata-mta hitpetkaluro pixka nixa tsne, tsne, tsne hixatshro pixka nixachata.

Apocalipse 1:10

Tsru Hixikatshriwa Cristo hohnerni, Hoyakalu Hiwejikaluru hepixamtno. Tsru plama njema. Notji sreta ruchpaktokanuxya. Kowi hima pixka htshina.

Apocalipse 1:15

Hijixi hatawna, yomuwa bronze hixirikalurutka hatajnu pixka, hatatjewa forno hwakanatatshri hatajixikolu. Htokanu tsru hokanu sejire pixka htshina.

Apocalipse 11:12

Waneya tsru tokantshi hjemna tenhohne hichpakhimaxikatshri, wla tshinatshri: — Hewi teno hapokanu. Hiyáhoni wanna hepi tenhohne hyatkana. Hohimkohi hoho hyapna hkamnitjene hetanuko.

Apocalipse 11:15

Waneya hiwejikaluru Hoyakalu towreru tenhohne hajeru sete rixinri kowitatka. Waneya tsru himkaka hjemka tenhohneya wla tshinatshri: — Xye tshiji hajeru pohirtshikaka Wutsrukate Hoyakalunpatka hiyrunu hnurreru Cristo-npatkani. Hiyrunu wale pohirewahohnekanatanu hike rixiniko mnikawnakatupa.

Apocalipse 15:2

Waneya netlu tsru mar powha pixkalutu, garrafa phuta kamhikolu, tshitshmeroyma yapjetkaluru. Hiyrun-koxa netna yine, kmatsyiru hiyrunu kmatsyiru yáholu hallitatshine. Kmatsyiru hiwaka número-te hallitatshinekni wanna. Mar powha, garrafa kamhikolu phuta stsi hyopkakakanatna. Harpa-kaka Hoyakalu henejyana htokakanatna.

Apocalipse 18:22

Hikeklu harpa hima wane jemikotka, hi pimri tokluru himako jemko, hi tumleji hima jemko, hi kowi hima jemko, pixa Babilônia-yi hitokoteya. Ptowru hixatshri kamhakaluru hikeklu rukchikkotka pix-yehiya. Pix-yehi hikeklu hohne hjemikotka kamrurewatatshine sejire.

Apocalipse 5:8

Waneya wan-rixinixka quatro hiwejikalune hiyrunu tsrukakalune vinte e quatro pejnu yoptsojityehitlu Carneiro Whene tshinkalurustsi. Satkaka wanna himwakanatlu tokapikaka hiyrunu kastonolkaka ouro kamhikaluru katseplu phamlu pahiru. Phamlu pahiru yapkakletlu Hoyakalu nurrene ralixjene hanjihohnere pirana.

Apocalipse 6:1

Waneya netlu carneiro whene jimlakatkalu mitshikananu yonawahlo steno hosture. Waneya njemtokanutlu satu hiwejikaluru tokanu. Tsru tokantshi, rutlohle pixka tshinatshri. Wla htshina: — Puna!

Apocalipse 8:7

Waneya mitshikananu hiwejikaluru Hoyakalu towreru tenhohne hajeru kowitatka. Waneya sotluha hiyrun-koxa tshitshmero hrahtshi yapjetatshri tshij-hoho ruknokkatka. Hiyáhoni satupka mapate (1/3) hocha halha hiyrunu ptowruka kaptsheru poleru halhana.