Apocalipse 13:8 - Bíblia

⁸ Ptowru tshiji hwatshine, katuktako hi khiwaka Carneiro Whene tshinkaluru, hiylatkaluru papel-te stenoya xye tshijne hiyakotkoklunukananuko, hiweklu heneklewatatshri steno mwa hiwakatkatu, himalwutanru kmatsyiru.

Apocalipse 13:8 ပူးပေါင်းရင်းမြစ်များ

Gênesis 22:7

Hyamtka pchinikna Isaque hepomhalu Abraão wla htshinru: — Papa. Waneya ruhitlu Abraão wla htshinru: — Klunhe noturu? Isaque wla tshinru: — Jitshimamnuwu, tshitshchichri koxa seyni hanurhe carneiro whene wyoxjererupa?

Mateus 25:34

Waneya pohirtshi wla htshinanna hpotukle sretate hajene: — “Hinanu, Nuru kihleru htshinyehixyahi. Hyoptotapanru hyoptolerupa Hoyakalu pohirewaxyawaka hixa tshinanu halpokotkalurutka hma muyakotkonuklunuwa xye tshijne.

Lucas 10:20

Wanepnawaka hi himuwatanu kamtshine yijnakoxyawakhi tshinanu seyni halikaka himuwatanu klu tshinanu hyonhiwakatka tenhohneya.

João 1:29

Waneya wale prika João hetlu Jesus. Runamta Jesus João nwaka. Waneya João wan-tshina: — Hetanu hixa, xyekni Hoyakalu carneiro-te. Xyekni xye tshijne hektunu konatshripa.

Efésios 1:4

Wan-rixa Hoyakalu. Xye tshiji hmuyakotkanuklunuwa hnuretlu Cristo himwatshinepwu wixyawaka. Hnuretna, yine potukalune rixyawakapna hike mixkanepni Hoyakalu yhaleya, klu tshinanu ruchinikwu Hoyakalu.

Filipenses 4:3

Hiyrun-koxa nanjityi pixa nepiryi, pepixyawakapna nyi hepi suxone nepixjerone kihle piranalu potuko hiwekkaklewatatshri piranaya. Hiyrun-koxa Clemente hiyrunu pimrine nikamrurewatanune pepixanu, hiweklumta hitakhiwakatkalunetka.

Tito 1:2

Hiweklu hikeklu hohne mnikawnakatu kahwajikolu tshinanni. Hoyakalu, mimat-weyawatkatu, hinkakletlu xye hiwejikolu mnikawnakatu pirana xye tshiji muyakotkonuklunuwa papko.

Apocalipse 12:15

Hiyáhoni himnu tshinkaluru suxo hatjini raplikhatlu honha, tsruhalu wenu pixka, tsruha hanijyawakamkaplo.

Apocalipse 13:12

Mitshikananu kmatsyiru himukatleyma pixka rixa kamrurewleta hepi rixinri kmatsyiru, mitshikananu kmatsyiru hetanuya. Hiyrun-koxa htowutjetlu tshiji hiyrunu tshiji hwatshine ptowruneka rimalwuxyawakapluna mitshikananu kmatsyiru, hiylajiwuphutatkalurutka seyni ruhlewatatnaka.

Apocalipse 17:8

Kmatsyiru petanru hiwekakanata seyni xawakni hi riweka. Teno pnawaka hamhikowak-yehi hkanijinipa waneya ruylatko. Hiyáhoni yonawahlo steno hiwekkakalune hiwakkaka yonaxikowaka myonhiwakatkone, xye tshijne hwatshine pejnu himyekanu rexinipluna kmatsyiru. Klu tshinanu riwekakanata, xawakni hi riweka seyni ruphujewnapa.

Apocalipse 21:27

Hikepni hektuntshi, hi kapatmenuru kamhatshri, hi hayoklewatatshriko wane jihlokanu. Halikaka wale poktshi jihlokatshinepa, Carneiro Whene tshinkaluru yonawahlote steno hiweklu heneklewatatshri tshinkaluru hiwakatkaluru tsonu jihlokanu.

Apocalipse 3:10

Hislahatkalu ntokanu ntowuxyahi, hkahwakachaxyawakap-pirana hiyáhoni hit-koxa hepixanhi hma mexyawakanuplu salexikol-hohne hinatshripa, ptowru tshijne hajene yahoxikolu klu papkopa.

Apocalipse 3:20

Hjemanu! Hiphapto nwa. Nutpehiphaptoteta. Hiyáhoni katuktako jeminru ntokanu hiyrunu hkotpukhiphaptotexini, njihlokyehitanru wale. Hiphapto kotpukatshri niminkanu hiyrunu wale himinkano hita.

Apocalipse 3:5

Hallirewatatshri mkatshri klatalu makatatshripni. Hiyrun-koxa hiwejikaluro steno hi ruchyahiwakaxiko. Seyni wale hiwaka nuphujetanu Nuru Hoyakalu hetanu hiyrunu hiwejikalune Hoyakalu towrene tenhohne hajene hetan-koxa.

Apocalipse 5:12

Tokantshi hipokananuyma wla htshina yanumletna: — Pixa tsonu Himukatatshriyi Carneiro whene tshinkaluru, hiylatkaluru, hyoptoxyawaklu himukatlu, pohirewnalu hyoptoxyawaka, himatkalnutshi hyoptoxyawaka, mixkontshi, kahwakpirlu, halixkowlu, himalwuru, hyoptoxyawaka.”

Apocalipse 5:13

Waneya ptowru hiyakotkaluru tenhohne hajeru, tshiji hajeru, tshiji hitokote hajeru, mar powha hwatshri hiyrunu ptowruka wane hajerkaka, njema wla tshinretna: — Himalwuru, kahwakpirlu, hoyaknutshi hiyrunu himukatlu, pohirtshi tuplawakle tuplatatshri tshinanupa hiyrun-koxa Carneiro whene tshinkaluru tshinanupa rixhohnekanaxyawakapni hike rixiniko mnikawnakatupa.”

Apocalipse 6:1

Waneya netlu carneiro whene jimlakatkalu mitshikananu yonawahlo steno hosture. Waneya njemtokanutlu satu hiwejikaluru tokanu. Tsru tokantshi, rutlohle pixka tshinatshri. Wla htshina: — Puna!