Apocalipse 13:3 - Bíblia

³ Satu kmatsyiru jiwu hipnaphutata seyni ruhlewatatnaka. Hiyáhoni ptowru tshijne hajene himyeka kmatsyiru tshinanu. Romkahitatkaluna kmatsyiru.

Apocalipse 13:3 ပူးပေါင်းရင်းမြစ်များ

Lucas 2:1

Waneya waneklu papko phuru Augusto tshinkaluru towutlewjekanata ptowru tshijne hajeneko rutakhiwakaxikowakapna rutakyahojikowakapna yine.

João 12:19

Waneya fariseu-ne wla htshinkakna: — Haha hetanu, hike wkochpaka! Hetpotutanu, ptowrunek-yine homkahitlu.

Atos 8:13

Simão koxa halixatka. Rali batiza-letkoklunutka, Simão himotsatlu Filipe. Rimyekatka Simão klu tshinanu retlu hetkalurkaka, himyekaklewatatshrikaka Filipe kamhalerkaka.

Apocalipse 13:12

Mitshikananu kmatsyiru himukatleyma pixka rixa kamrurewleta hepi rixinri kmatsyiru, mitshikananu kmatsyiru hetanuya. Hiyrun-koxa htowutjetlu tshiji hiyrunu tshiji hwatshine ptowruneka rimalwuxyawakapluna mitshikananu kmatsyiru, hiylajiwuphutatkalurutka seyni ruhlewatatnaka.

Apocalipse 13:14

Hyokwijetna tshiji hwatshine ptowruneka himyekaklewatatshrikaka hkamhaleruyma, rumukatle renejikolu tshinanu, mitshikananu kmatsyiru hetanu. Runkakjixna xye tshijne hajene mayawletshicha hkamhiywakapna kmatsyiru mayawleya, yohlolewapi kastakjiwuxikalurutka seyni hi rupna.

Apocalipse 17:10

Cinco wanna pohirtshine nikawnatka. Seyni satupka phurutka satu hi hakanhawa. Hiyrun-koxa rakanhinipa pchini tsonu rawanu.

Apocalipse 17:11

Hiyrun-koxa kmatsyiru hiwekakanatatshri seyni xawakni hi riwekanatka pirana, pohiru oito rixinripa. Pohirune sete hkosekjeneymalutni wale. Seyni hamhikowaka hyanuna.

Apocalipse 17:13

Nyi pohirtshine pa hchinikanurunni. Hiyáhoni renekanruna kmatsyiru hpixkonna hiyrunu htowuwlena.

Apocalipse 17:17

Klu tshinanu Hoyakalu henekahchinikanutna, pa hchinikanu rixyawakna Hoyakalu halukanru hkamhiywakna. Hiyáhoni wale tshinanu hpohirewaxyawakna renekanruna kmatsyiru, rali hakanhalexinipa tokantshi Hoyakalu tshinyawaka pejnu.

Apocalipse 17:6

Waneya netlo suxo kapoklewaklero himetatshro, Hoyakalu nurrene ralixjene hraha pohwaka tshinanu hiyrunu Jesus homkahlu tshinanu hiylatkalunni hraha pohwaka tshinanu. Hiyáhoni nexinixkalo nimyekpotutatka, hi nimat-hichinikanuwatatka.

Apocalipse 17:8

Kmatsyiru petanru hiwekakanata seyni xawakni hi riweka. Teno pnawaka hamhikowak-yehi hkanijinipa waneya ruylatko. Hiyáhoni yonawahlo steno hiwekkakalune hiwakkaka yonaxikowaka myonhiwakatkone, xye tshijne hwatshine pejnu himyekanu rexinipluna kmatsyiru. Klu tshinanu riwekakanata, xawakni hi riweka seyni ruphujewnapa.