Apocalipse 12:9 - Bíblia

⁹ Hiyáhoni Tsru Kamtshi dragão tsru kananu, wale honukla himnu hitsruka, Tsru Kaylokleru tshinkaluru, Satanás hiwakatletatshri, ptowru tshijne hajene yokwijetatshri, tenhohne malekate ruknojika. Tshij-hoho ruknokkatka wale hiyrun-koxa hmaklutene kamtshine waleyma ruknokatkana.

Apocalipse 12:9 ပူးပေါင်းရင်းမြစ်များ

Gênesis 3:1

Seyni himnu jimatkalerni wale pimrine hocha hajeru Hoyakalu kamhalene yohnik-himatkalru, wane htshinro suxo: — Hoyakallahe hi hitshinikletyi ptowruka hitaklu hwiywaka hajeru?

Gênesis 3:13

Waneya Hoyakalu wane tshinro suxo: — Kluhe xye pikamha? Tuhitlu suxo: — Himnu yokwijetno wale tshinanu nniklewatanu.

Mateus 13:39

hiyrunu hkamnitjeru walekni Satanás. Ramikowaka walekni xye tshijne nikawninri hohnepa hiyrunu hamatshine wannakni hiwejikalune Hoyakalu towrerune tenhohne hajene.

Mateus 24:24

Klu tshinanu hixolune Messias minjene hiyrun-koxa Hoyakalu tokanu hinkakletatshine minjene hakanhanu hiyakolukaka hiyrunu himyekaklewatatshri kamhatshine hyokwijexyawakapna yine. Rumukatkamka haté Hoyakalu nurrene hyokwijetanu.

Mateus 25:41

— Waneya wla htshinanunna pa sta sreta hajenepni: — “Hyachatanutka, hapnokatkalunephi! Tshitshmero hikeklu hohne mnikawnakatupa yehi tsru kamtshi hiyrunu htowrene kamtshine tshinanu halpokotkaluru yehi hyanu.

Mateus 4:1

Waneyakni Hoyakalu Hiwejikaluru haniklu Jesus kahnete poktshiri tsru kamtshi Satanás yahotalexyawakaplu Jesus.

Mateus 4:10

Waneya Jesus wan-tshinru: — Pyanutka Satanás! Wane htshina hinkakleta Hoyakalu tokanu potukalu yonatkaluru: “Tsru Hixikatshriwa Hoyakalu Poyakalute tsonu pimalwutanu hiyrun-koxa wale tsonu pomkahitanu.”

Mateus 4:5

Waneya wane pnutetka tsru kamtshi Satanás haniklu Jesus haté Jerusalém poktshi, Hoyakalu nurreru poktshi waneya Jesus Hoyakalupji tenonwaka rutaklu tsru kamtshi Satanás.

Mateus 4:8

Waneya tsru kamtshi Satanás haniklu Jesus satu mriji tenolu hyiywakapa, rekhitlu Jesus ptowru tshijnekaka pohirewaxyawaka hiyrun-koxa ruhlenkaka.

Lucas 10:18

Waneya Jesus wan-tshinna: — Hehe, hita hetlu Satanás kamtshi rujrujyawaka tenhohneya rawrakle pixka.

Lucas 13:16

Hiyrunu xawakni twu suxo Abraão-ni klopicha. Satanás kachitanro dezoito mhale pchinika. Hiyáhoni kluneru tshinanhe hi tumukata hichotkota xye tkachikanaxikolu hapnanuxikalur-hohne?

Lucas 22:3

Waneyakni tsru kamtshi Satanás jihloklu Judas tshinkaluru. Hyokle hiwakni Iscariotes. Judas tshinkalur-honra satu doze Jesus hasrukleru.

Lucas 22:31

Waneya Jesus wan-tshina: — Simão, Simão. Hetanu, Tsru kamtshi Satanás-mka halukyi pixa. Raluk-hixirikletmakyi hahosu hixirijikowaka pixka.

Lucas 8:12

Hatnu hapostsi hapoktatajitatshri yaholni tokantshi jematshine. Seyni runa Satanás kamtshi. Hkonyana tokantshi rajiyna hitakkaluru hma malixyawakanupluna, hma miwekkajikowakanupna.

João 12:31

Xawakni rapokpapkolutatka xye tshijne rukolukanuwnayehixikolupa. Xawakni kamtshi xye tshijne towutatshri hallitkotka.

João 14:30

Xawakni pnutpatka hi hixo pirana nunkakanhi klu tshinanu xye tshijne towutatshri hinanu. Hike htowutanu hit-yehiya.

João 16:11

Hikolukanuwnalu klu tshinanu xye tshijne yokanatatshri hikolukanuwnatka.

João 8:44

Hixa hirni, Tsru Kamtshi, hichpajikatshinhi. Hiyrunu hiru hikchikhihlenreru hektutu hkamhanu. Waleni jiylalewakleru hyinuwaklekananukawa. Halikakalutu pirana mimwakatni wale. Klu tshinanu hikeklu rimwatkalu halikakalutu pirana. Hweyawaxini, waleko hihchinikanu tshinanu wan-rixa. Klu tshinanu kayloklerni wale hiyrun-koxa ruyakotlu weyawlu.

Atos 26:18

pumrekhakajyawakna rumukata hichpaklexyawakna mapchahawakaya katalu romkahixyawakapna hiyrunu Satanás towre ruchpajyawakna Hoyakalu romkahixyawakapna. Waneya ralixlena tshinanu rektunna ruknojikona hiyrunu Hoyakalu nuretanune rixyawakapna.”

Atos 5:3

Waneya Pedro wan-tshinru: — Ananias, haklu tshinanhe pitshitlu Satanás htowuxyawakyi pihchinikanuya pweyawyehixyawaklu Hoyakalu Hiwejikaluru pumutujyawaklu psoji tshiji wenru?

Romanos 16:18

Klu tshinanu wan-hixatshine hi Cristo Wutsrukate romkahitna seyni wannako hisatna romkahitna. Kihle tokanna kihler-pirana htshinyehitna yine hike muslahkane hyokwihchinikanuxyawakapna.

Romanos 16:20

Hiyrun-koxa Hoyakalu wapnanuhchinikankakjeru, xekoyaka hallitanru Satanás-pni. Hixa hakakanru. Nanjitlu Hoyakalu, Jesus Cristo hihlenu himatkalewkakanhi.

2 Coríntios 11:14

Hiyrun-koxa hi wimyekanu, Satanás honra hiwejikaluru Hoyakalu towreru tenhohne hajeru hatawnatshri kohetkowakhatshri.

2 Coríntios 11:3

Seyni npiklu himnu yokwijexyawakanro Eva-ni kihlewaka htshinreyma pixka hixikowaka, waneko pixka hixa himtuklehchinikanutkonmaka hixapni. Wan-hixkanmaka hiknoklewatanuna hihchinikanu halikakalutu, potukalu Cristo hichpajikatshri chinikantshi.

2 Coríntios 12:7

Hoyakalu hekhixyapirankakno kihle pirankakal-potuko tshinanu nma malixkoxnawakanupwa nenekka satu nkojwajikolu nomaneya. Hatatjewa Satanás towreru hapokyehitno ruylajyawakapno nma malixkoxnawakanupwa.

2 Coríntios 2:11

Rumtuknu namtakanu Satanás nma menekyapawaklexyawakanupa klu tshinanu wimatlu hanu rixa kamrureta Satanás.

2 Coríntios 4:4

Hi ralixluna Cristo klu tshinanu xye tshijne hoyakalute hektutu kkamhakleru himaletahchinikanutna. Hi ritshitna rumrekhaxyawakna hma mexyawakanupluna katalu, kihle piranalu potuko hiwekkaklewatatshri pirana, Cristo hoyaknu pirana. Cristo waleni Hoyakalu yáholu potuko.

Efésios 4:14

Hiyáhoni hi mturune pixka wixanu walixinpatkalu Hoyakalu pirana. Mtser-halixlene ruwchiwchikak-honuka hiyrunu pnuko hanikkalunetkani hihchinikanuyna weytshi hasruklewatatshineya. Nyi yokwirewlu hasruklewatatshine walekni hitseklu pixkalutu mtser-halixlene hpupjehapokajyawakapna.

2 Tessalonicenses 2:3

Hike yineru xako yokwijetanhi satkaka pirana tshinanu. Klu tshinanu hi rumukata hapoklehohneta Cristo hapojinri hohne Hoyakalu hiknokatshinetka hixolune yine makanhaknuklunuwa hiyrun-koxa jeji tsru hektunuru makanhaknuklunuwa, hamhikowaka hwatshri.

1 Timóteo 2:14

Hiyrun-koxa Adão hi yokwitka seyni suxo honra yokwitka waneya Hoyakalu yokanre tmajnakowaxyatka.

2 Timóteo 3:13

Seyni jejine hektu hchinikanune, kyokwirewaklerune hektutu pnut-potu hkamhanna. Hyokwirewatanna hiyrunu hyokwitkona.

Hebreus 2:14

Whentshine hkochtsheklene, wannakni yine kahiturune, kahrahalune. Hiyáhoni Jesus koxa wanna pixka rixnatkawa rumukata kahituru, kahrahalu pixka hixleta. Wan-rixa tsru kamtshi Satanás, hipuktshi heneklewatatshri himukatle hnikaxyawakapa rupnale tshinanu.

1 Pedro 5:8

Hiyokatshine pixkalunephi, tsru hislahle hixinwa klu tshinanu tsru kamtshi, hkamnitjeru yotaljeta mhenoklu hahlalatatshri yine hnikpiratanune rujhini pixka.

1 João 5:19

Wimatlu Hoyakalununetkawu. Wimatkoxlu xye tshijnemka ptowruka htowuta kamtshi.

Judas 1:9

Hiwejikaluru Hoyakalu towrerune tenhohne hajene kosekatshri, Miguel tshinkaluru, hi htserutahchinikanuxnawa hektuwaka htshinanwakaxyawaklu tsru kamtshi, Moisés-ni mane hikolukle ruhjekajinna mitshi. Wla tsonu htshina Miguel tshinkaluru, Tsru Hixikatshriwa Hoyakalu tshihetjetanyi, kamtshi.

Apocalipse 12:12

Hiyáhoni hpoyikowpotutanu tenhohne hiyrunu tenhohne hwatshinhi. Seyni wamonuwatatshinepni tshiji hwatshine hiyrunu mar powha hwatshine, klu tshinanu kamtshi Satanás hix-yehi rujrukatka. Rahnanuwata tsru kamtshi klu tshinanu rimatlu hi hix-hohne waneylu.

Apocalipse 12:3

Waneya satu himyekaklewatatshri tenhohne rakanhiyatnaka. Satu dragão tsruru, serolu hiphujewna. Sete jiwuru, dez hwalutu. Sete jiwlu sahyi pohirtshi sahye, hsahyetna.

Apocalipse 12:7

Waneya tsru hiylakkaklu hwa tenhohne. Miguel tshinkaluru hiyrunu repirene hiwejikalune Hoyakalu towrerune tenhohne hajene yahotlu Tsru Kamtshi dragão hiyrunu hmaklutene kamtshine. Hiyrun-koxa Tsru Kamtshi dragão hiyrunu hmaklutene kamtshine yahotkakamka.

Apocalipse 12:8

Ramtakna Tsru Kamtshi dragão hiyrunu repirene kamtshine. Waneya wane wkatanu hi rukchika hwawakletkana tenhohneya.

Apocalipse 13:14

Hyokwijetna tshiji hwatshine ptowruneka himyekaklewatatshrikaka hkamhaleruyma, rumukatle renejikolu tshinanu, mitshikananu kmatsyiru hetanu. Runkakjixna xye tshijne hajene mayawletshicha hkamhiywakapna kmatsyiru mayawleya, yohlolewapi kastakjiwuxikalurutka seyni hi rupna.

Apocalipse 16:14

Nyi hiwejikalune, kamtshinni wanna. Himyekaklewatatshrikaka kamhatshine wanna. Xye tshijne pohirene nwaka hiyrunu xye tshijne hajene ptowruneka nwaka yatshinni, rapatjekajyawakapna yinepni hiylakkaklu nwaka, Hoyakalu Ptowru Himukatatshri, tsru kahwakpirlu hohne tshinanu.

Apocalipse 18:2

Hixko saplewle rixa, wla htshin-sapleta: “Tsru poktshi pohitkaluru Babilônia tshinikowaka yotkakatka! Poyahnu hyotkakatka! Kamtshine hwiywaka rixa, ptowru hiwejikaluru hektutu hwiywaka yohimaxikowaka rixa hiyrunu ptowru kamejiru kananuru, heyikkalurupji rixatka.

Apocalipse 18:23

Hiyrun-koxa hikeklu lamparina wane nikoxinixka. Hnunrowatatshri ho hnuruwatatshro tokanu, hikeklu pix-yehi hjemikotka. Hichanrewatatshine pix-yehi yapjetatshine ptowru tshijne hajene hichanrewatatshine yohnik-himukatatshine rixapna mitshi. Klu tshinanu pkahontshiwle ptowru tshijne hajene hyokwijekanata.

Apocalipse 19:20

Seyni kmatsyiru kachitkatka hiyrunu Hoyakalu tokanu hinkakletatshri minjeni, wale honukla himyekaklewatatshrikaka kmatsyiru hetanu kamhajekanatatshri. Wale kachitkatka kmatsyiruyma. Himyekaklewatatshrikaka hkamhaleru tshinanu hyokwijekanatna yine kmatsyiru himaxikle himwatshine, wanna kmatsyiru yáholu kahwakpiratatshine. Hiyáhoni tshitshmero powha yehi, enxofre katshowuphalu yehi ruknokkatkana nyi hepi, hiwekatshineko.

Apocalipse 2:13

Nimatlu hwiywaka, tsru kamtshi Satanás pohirewaxyawaka yehi. Seyni nhiwaka homkahle hi hiknokatka hiyrun-koxa hi hiknokatkalu halixlu pirana homkahpotuxyawaka. Antipas tshinkaluru nuphujtatjeru ptowutkolu potuko rupniniklunupapkonatka hix-yehi hiylaxikaluru, tsru kamtshi Satanás hwiywaka yehi, seyni hi hiknok-halixletatka.

Apocalipse 2:24

Seyni wla ntshinhi pimrine Tiatira poktshi hajenhi, hixa ptowruneka xye hasruklu momkahitkane hiyrunu hipiranacha pimrine kochtshekleru pirana, tsru kamtshi Satanás tsonu himukata hiphujetleru pirana, mimatkanhi, wla ntshinhi. Hi satuko hinolu nenekanhi wane pnutetka.

Apocalipse 2:9

Nimathetlu hsalewaklu. Nimatlu hike mwikanemkahi seyni halikaka phurunhi. Nimathetna heyikjene judeu-ne tshinikatshinwa seyni hi halikakni. Seyni tsru kamtshi Satanás maklutenni wanna.

Apocalipse 20:10

Waneya Tsru Kamtshi hyokwijetjerna tshitshmero powha, enxofre yehi hitokote, ruknokkatka, kmatsyiru hiyrunu hoyakalu tokanu hinkakletatshri minje hwiywaka potuko. Wane hsaletpotuxíkona hohohne, hoyetshno hike rixiniko mnikawnakatupa.

Apocalipse 20:8

Waneya ruchpakanu ptowru nerkaka, xye tshiji ptowru sreta hwatshine hyokwijexyawakapa, waleni Gogue hiyrunu Magogue tshinikowaka. Yine ksatuji, mar powha wnaha hwatshri pejnu rapatjexinna hiylakaklu tshinanupa.

Apocalipse 3:9

Hetanu! Tsru kamtshi Satanás hapatjeyehitatshine, judeu-ne tshinikatshinwa phuta seyni hweyawatna. Wanna halikaka hixa jixistsi nyoptsojitjixapinna, rimathexyawakapna nuchinikjethi.

Apocalipse 9:1

Waneya cinco rixinri hiwejikaluru Hoyakalu towreru tenhohne hajeru kowitatka. Waneya netlu satu katahiri tenhohne hijrujikatshri, tshiji hapokatshri. Teno pnawaka kotpukapre renekka katahiri.

Apocalipse 9:20

Seyni pimrine yine hixetatshine xyekaka saletlu muylatkanune, hi rehchinikanyehitluna wannako hkamrurna: hi ruchotluna kamtshine romkahixyawakna, hi mayawletshicha ouro ho prata ho bronze, ho sotlu, ho hahmuna kamhikolu metkatu, majnakotu, myankatu hi rutuk-homkahretna.