Apocalipse 12:3 - Bíblia

³ Waneya satu himyekaklewatatshri tenhohne rakanhiyatnaka. Satu dragão tsruru, serolu hiphujewna. Sete jiwuru, dez hwalutu. Sete jiwlu sahyi pohirtshi sahye, hsahyetna.

Apocalipse 12:3 ပူးပေါင်းရင်းမြစ်များ

Apocalipse 12:1

Waneya tsru himyekaklewatatshri tenhohne rakanhiya. Sato suxo tkatshi makatatshro hiphujewna. Ksuru tojixi hpuko hwa hiyrunu pohirtshi sahye t-sahyeta doze katahiri hwa sahyetlo.

Apocalipse 12:13

Waneya rimathexinixka Tsru Kamtshi dragão tshij-hoho ruknojikowakatka hyinuwaka saletletlo suxo, jeji matkakatshro.

Apocalipse 12:17

Waneya himnu tshinkaluru hahnanuwatatka suxo tshinanu. Hiyáhoni hya hkamnixyawakapna pimrine toklopichane, Hoyakalu tokanu towre hiyrunu halikakalutu pirana Jesus hiphujetleru pirana homkahitatshine.

Apocalipse 12:4

Hihchimtayma hkosetlu satupka mapate katahirine (1/3) tenhohne hajerkaka waneya tshij-hoho ruknoklu. Waneya suxo matuwhenpiratatshro hoji sreta hyopkaka Tsru Kamtshi dragão hnijyawakapmaklu towhene hmatuxiniklunupa mturu.

Apocalipse 12:7

Waneya tsru hiylakkaklu hwa tenhohne. Miguel tshinkaluru hiyrunu repirene hiwejikalune Hoyakalu towrerune tenhohne hajene yahotlu Tsru Kamtshi dragão hiyrunu hmaklutene kamtshine. Hiyrun-koxa Tsru Kamtshi dragão hiyrunu hmaklutene kamtshine yahotkakamka.

Apocalipse 12:9

Hiyáhoni Tsru Kamtshi dragão tsru kananu, wale honukla himnu hitsruka, Tsru Kaylokleru tshinkaluru, Satanás hiwakatletatshri, ptowru tshijne hajene yokwijetatshri, tenhohne malekate ruknojika. Tshij-hoho ruknokkatka wale hiyrun-koxa hmaklutene kamtshine waleyma ruknokatkana.

Apocalipse 13:1

Waneya netlu kmatsyiru mar powha kanjikatshri. Dez hwalu hiyrunu sete jiwlu. Hihwakaka rawa dez pohirtshi sahye pixkalutu. Hijiwkaka rawa yonatkaluru Hoyakalu nwaka hektuwaka tshinatshri.

Apocalipse 13:2

Kmatsyiru netanru mhenoklu pixka rixmanetatka. Seyni hijixi urso jixi pixka rixa, hinama leão nama pixka rixa. Waneya Tsru Kamtshi dragão waleko hpixkonu reneklu, hpohirewnale reneklu hiyrunu tsru towuwlu reneklu.

Apocalipse 13:4

Hiyáhoni rimalwutluna Tsru Kamtshi dragão klu tshinanu tsru pixkontshi reneklu kmatsyiru. Hiyrun-koxa kmatsyiru rimalwutna. Wla htshina himalwuretluna kmatsyiru: — Hanurhe kmatsyiru pixkalutni? Kathe hakot-kamniretlu?

Apocalipse 15:1

Waneya wane wkatanu netlu satu hetkaluru, tsru potuko himyekaklewatatshri. Waleni sete hiwejikalune Hoyakalu towrerune tenhohne hajene, sete tsru salewaktshi hapkatatatshri hanikatshine. Klu tshinanu ralipretkani Hoyakalu jhekanu.

Apocalipse 16:13

Hiyrun-koxa mapa hiwejikalune kananurune neta, tlolo pixka rixmanetna. Satu dragão nama hichpajya, satu kmatsyiru nama hichpajya hiyrunu hoyakalu minje tokanu hinkakletatshri nama ruchpajya satu.

Apocalipse 17:12

— Dez hwakaka petanru, dez pohirtshinni wanna. Hi hpohirewnana wanna nyi dez pohirtshine seyni towuwlu hyoptotapanna hpohirewaxyawakapna satu hora-pka tsonu kmatsyiruymapa.

Apocalipse 17:16

Dez hwakaka petanru hiyrunu kmatsyiru hahnanutanro kapoklewaklero. Ptowru potuko hkonanrona, mamkato rixkaklona. Tohitu hnikanna hiyrunu tomanni hyoxikanna tshitshmeroyma.

Apocalipse 17:7

Waneya hiwejikaluru Hoyakalu towreru tenhohne hajeru wan-tshinno: — Klu tshinanhe pimyekatka? Xawakni nunkakanyi suxo pirana mimatakanatkotu pirana. Hiyrun-koxa nunkakanyi kmatsyiru, sete jiwurutu hiyrunu dez hwalutu, tutjitjeru pirana.

Apocalipse 19:12

Hiyhale tshitshime pixka rixa hatawnaleta. Hiyrun-koxa híxolu pohirtshi sahyekaka hsahyeta. Khiwaklu yonatkaluruya. Hike himatlu wale hiwaka seyni wale tsonupka himatlu.

Apocalipse 20:2

Waneya hkachpotutlu dragão, wale honra himnu hitsruka, Tsru Kamtshini wale, Satanás tshinkalurni. Rostutlu. Mil mhale pejnu hostutkalurni wale.