Apocalipse 11:7 - Bíblia

⁷ Waneya rali hinkaklewlexinipna hiphujetatshine hepi waneya kmatsyiru teno pnawaka hichpajikatshri kamnitanna, ralliretanunna, ruylatanunna.

Apocalipse 11:7 ပူးပေါင်းရင်းမြစ်များ

Lucas 13:32

Waneya Jesus wla tshina: — Hajewa. Wale kaweretshi pixkalutu nwaka hyanu. “Kamtshine nuchpakkaka hiyrunu yeyixatshine nutskalakjeta xawakni hohne, yetshikawa koxa wane nixanu. Halikaka map-hohne rixinripa nali kamruretanutka.” Xye xako hinkakanru.

Lucas 8:31

Waneya kamtshine hanjitlu Jesus teno pnawaka hma yokanaxyawakanupna.

João 17:4

Nuphujetatkayi pixa hewi xye tshijneya. Nnikatatkalu kamrurtshi ptowuxyano nkamhiywakapa.

João 19:30

Waneya rurinixkalo vinagre-ha Jesus, wla htshina: — Ralixatka. Waneya hyonohjiwutatka, rupnanatka renek-hiwekletatka.

Atos 20:24

Seyni hi namotlu niwekle. Hitaho hijhakalurni Hoyakalu kamrure nkamhiywakapa haté nnikaxyawakaplu nkamrure Tsru Hixikatshriwa Jesus henejyano. Xyekni nkamrure, nunkajyawakapna yine kihle piranalu potuko hiwekkaklewatatshri pirana, Hoyakalu hihlenu hixa tshinanu pirana.

2 Timóteo 4:7

Kihle yahotle nixa yahotlewletatka. Hasuklu hichinixyawaka pixkawaka napokatka. Halixlu nomkahitatka haté xawakni.

Apocalipse 11:3

Hepi nuphujtatjene mkatshri saco mapa kamhikolu makatatshine nyokanatanu. Waneya Hoyakalu tokanu runkakletanna mil duzentos e sessenta hohne pejnu.

Apocalipse 12:17

Waneya himnu tshinkaluru hahnanuwatatka suxo tshinanu. Hiyáhoni hya hkamnixyawakapna pimrine toklopichane, Hoyakalu tokanu towre hiyrunu halikakalutu pirana Jesus hiphujetleru pirana homkahitatshine.

Apocalipse 13:11

Waneya netlu satu kmatsyiru tshiji hichpajikatshri. Hepi hwalutni carneiro whene pixka. Seyni htokanu dragão tokanu pixka htshinya.

Apocalipse 13:7

Himukatlu renekka Hoyakalu nurrene ralixjene hkamnixyawakapa, rallixyawakapna. Hiyrunu towuwlu renekka ptowru nerune, ptowru nrukaka yanumatatshine hiyrunu ptowru tshijne hajene htowuxyawakapa.