Apocalipse 11:3 - Bíblia

³ Hepi nuphujtatjene mkatshri saco mapa kamhikolu makatatshine nyokanatanu. Waneya Hoyakalu tokanu runkakletanna mil duzentos e sessenta hohne pejnu.

Apocalipse 11:3 ပူးပေါင်းရင်းမြစ်များ

Gênesis 37:34

Hiyáhoni Jacó suskamkaluxnawa hwamonnu tshinanu saco hmakaxyanawa hiturni pohwaka tshinanu hiyrunu hixo mhale potuko hwamonuwna hiturni tshinanu.

Mateus 11:21

— Hapnokatkalur-potupyi pixa Corazim poktshi hiyrunu Betsaida poktshi! Klu tshinanu himyekaklewatatshrikaka nkamhakmaka hita Tiro poktshiya hiyrunu Sidom poktshi hix-yehi hakanhikatshri pixkalutu, waneyamka mitshikawako rehchinikanutanutkana wane poktshikak-hajene, waneyamka mkatshri saco mapa kamhikolu hmakatanutkana hiyrunu tshitshi pahi koxamka hpolojiwuxinwana rimathexikowakna rehchinikanutatkana.

Mateus 18:16

Seyni hma yijnakotkanuklunupyi, waneya ho satu ho hepi yineru pixayma panikanu, pkamhiywakaplu Hoyakalu tokanu tshinyawaka, wla tshinatshri: “Hepi ho mapa yine hektutu hiphujetatshine tokanu hpoyehixika ptowru piranako.”

Lucas 10:13

Hiyrun-koxa Jesus wan-tshina: — Hapnokatkalur-potupyi pixa Corazim poktshi hiyrunu Betsaida poktshi! Klu tshinanu himyekaklewatatshrikaka hkamhakmaka Tiro poktshiya hiyrunu Sidom poktshi hix-yehi hakanhikatshri pixkalutu, waneyamka mitshikawako rehchinikanutanutkana wane poktshikak-hajene, waneyamka mkatshri saco mapa kamhikolu hmakatanutkana rimathexikowakna rehchinikanutatkana hiyrunu tshitshi pahi koxamka hpolojiwuxinwana.

Lucas 24:48

Hixakni xye pirana hiphujetatshinephi.

João 15:27

Hiyrunu hix-koxa hiphujtalewatanu klu tshinanu nehapoklekananuko hitaymalunekananhi.

João 3:27

Waneya João wla tshinna: — Yineru himukata himwaletlu pa hixanu Hoyakalu henejini tsonru.

Atos 1:8

Seyni Hoyakalu Hiwejikaluru hix-hoho rapojinipa hyoptotanru pixkontshi hiyáhoni nuphujtatjenephi Jerusalém poktshiya hiyrunu Judeia tshijne psoluka, Samaria tshijneya, haté hmahaxyawaka tshiji nuphujtatjeneyaphi.

Atos 13:31

Wane wkatanu hix-hohne retkatnaka rimotsaneyma Galileia Jerusalém yapatshine. Wannakni Jesus hiphujtatatshine ptowru yineru tshinanu.

Atos 2:32

Hoyakalu hiwekkakatnaklu xye Jesus hiyrunu hixa ptowrunekwu wale pirana hiphujetatshinwu.

Atos 3:15

Hixa nomolenhi hiylatatkalu hiweklu heneklewatatshri seyni Hoyakalu hiwekkakatnaklu hiyrunu hixa hetpotutlu xye ptowruka.

1 Coríntios 12:28

Wale tshinanu Hoyakalu satkaka himukatatshinhi rutaka Cristo halixatshine hapatjetatshineya. Mitshikananhapka nuretkalune rutaka. Waneya wane pnute Hoyakalu tokanu hinkakletatshine rutaka. Wane pnutetnaka halixatshine hapatjetatshine hasrukatshine rutaka. Waneya wane pnute koxa halixatshine hapatjetatshine hepixatshine kakojerune rutaka. Wannani hiyákolu kamhatshine, yeyixlu hitskalaklewaxikatshine, kosekatshine, kakojeru nrutshi himat-yanumaxikatshine, hapkata hitakletkalunetkani wanna.

2 Coríntios 13:1

Xawakni pa katatkani map-kata rixinri hixa nwaka nyanutka. Wane htshina Hoyakalu tokanu yonatkaluru: “Hepi ho mapa yine hektutu hiphujetatshine tokanu hpoyehixika ptowru piranako.”

Efésios 4:11

Walekatkani henekachalkaka reneksatna yine. Reneksatkatkana nuretkalune rixyawakna, pimrine reneksata Hoyakalu tokanu hinkakletatshine rixyawakna, pimrine reneksatna Hoyakalu tokanu jinkakletaklerune rixyawakna hiyrun-koxa reneksatna halixatshine hinotatshine rixyawakna hiyrunu pimrine reneksatna hapatjetatshine kosekatshine rixyawakna.

Apocalipse 1:5

Hiyrun-koxa Jesus Cristo tshinanuya xye pirana hiphujetatshripa potukalu. Mitshikananu hiwekatshrini wale ptowruneka hipnatshine tskalaya hiyrunu ptowru pohirtshine Tsru Hixikatshriwatni wale. Wuchinikjerni wale, hixa tshinanu cruz rupniyatka ruknokhektunuxyawakapwu hihraha hiyokle tshinanu.

Apocalipse 11:2

Seyni Hoyakalupji maleka sreta hwatshri kwa petachatanu, hi pyahotanru wale klu tshinanu wale honra judeu mixkane renekka. Hoyakalu poktshite hkapnikapahitanna quarenta e dois ksuru pejnu.

Apocalipse 11:6

Kpixkonna tenhohne ruchyaxyawakapna, hina hmixyawakanupa Hoyakalu tokanu runkakletjexyawakna pchinika. Hiyrun-koxa kpixkonna honha htowuxyawakna, hrahtshi rixnatkawa. Kpixkonna ptowru hixatshri salewakluyma tshiji rumtujyawakapna, hi pejnu katakta raluka wan-hixletna wan-rixna.

Apocalipse 12:6

Waneya suxo potshkewaka tya hasukleta. Hoyakalu hihlehnapuxyalo nwaka tya. Wane tohluxiko satu mil duzentos e sessenta hohne pejnu.

Apocalipse 13:5

Waneya ritshitka kmatsyiru tokantshi hektutu hyanumaxyawaka, htserpiranaxnawa. Renekka wan-rixyawaka quarenta e dois ksuru pejnu.

Apocalipse 19:10

Waneya Hoyakalu towreru tenhohne hajerumka nyoptsojityehita nimalwuxyawakaplu seyni wale wan-tshinno: — Hike, hi wane pixanu! Hit-honra pixje kamrurewatatshrino, Hoyakalu towreru, pmoletanune Cristo tshinanu, Jesus hiphujetatshineymalutno. Hiyáhoni Hoyakalu himalwutanu halikaka! Klu tshinanu halikaka pirana Jesus hiphujetleru pirana, Hoyakalu tokanu hinkakletatshine mixkotjeru.

Apocalipse 20:4

Hiyrun-koxa pohirtshi tuplawaklekaka neta. Wane tuplatatshine koxa neta. Towuwlu henekkalune retmayxaklerewaxyawakapna. Hiyrun-koxa yinni hiwejinri neta, kastaknojitkalunni Jesus hiphujexikolu pirana tshinanu hiyrunu Hoyakalu tokanu hinkaklexikolu tshinanu. Nyikaka kmatsyiru hiyrunu kmatsyiru yáhole mkahwakpiratkanni hiyrun-koxa kmatsyiru himaxikole jrottshi hitakkaluru ho myotshi hitakkaluru malukanni wanna. Hiyáhoni nyi yinni Cristo-yma riwekanna hiyrunu hpohirewatanna mil mhale pejnu.