Apocalipse 11:18 - Bíblia

¹⁸ Xye tshijne hajene malixkane hahnanuwpotuta. Klu tshinanu rapnokaxikolna hohne hapokatka. Hiyrunu hipnatshinni hetmayxaklexikolu papko hapokatka. Rapokpapkoluta ptowrene, ptokanu hinkakletatshine, pnurrene palixjene, phiwaka kahwakpiratatshine, yahmaklu mujhakonni yahmaklu hijhakalun-potu seyni rumlujikolna henekkalunepni. Rapokpapkoluta hnikaxyawakapna yine xye tshijne himtukjetatshine.

Apocalipse 11:18 ပူးပေါင်းရင်းမြစ်များ

Apocalipse 20:12

Waneya hipnatshine neta. Wanna hipnatshine hijhakalune hiyrunu mujhakonpotu Hoyakalu hoji sreta hyopkakna. Waneya yonawahlo stenkaka kopralakka. Satutnaka yonawahlo steno kopralakka, hiwejikaluro steno tshinkaluru. Waneya hipnatshine hikolukkatka hkamhalerna pirana tshinanu, papel-mta hwapiranatatshri yonatkaluru tshinanu.

Apocalipse 19:5

Waneya pohirtshi tuplawakle ruchpakhimaxya satu tokantshi wla tshinatshri: — Himalwutanru Woyakalute hixa Hoyakalu towrerunhi, ptowru yineru, yine hijhakalune hiyrunu mujhakone, hiyrunu ptowru yineru Hoyakalu kahwakpiratatshine pejnu.”

Apocalipse 13:10

Kachitkalunepa, kachitkalurunepni. Yine nuretkalune hiylatkalunepa pejnu halikaka ruylatkona. Hiyáhoni Hoyakalu nurrene ralixjene haluklu rakotachaxyawakna hiyrunu ralixachaxyawakna.

Apocalipse 22:12

Jesus wla tshina: — Hetanu. Pchini tsonu nunanu. Numluklewle hitaymaplu. Satkaka rumlujikolu hyoptotanu hkamrure pixka rixko satkaka.

Apocalipse 15:7

Waneya satu quatro rixinri hiwejikaluru henekna hiwejikalune Hoyakalu towrerune tenhohne hajene sete-ne, sete stono Hoyakalu jhekanu yehi, ouro kamhikolu, Hoyakalu honra hike rixiniko mnikawnakatu hiwekatshri.

Apocalipse 15:1

Waneya wane wkatanu netlu satu hetkaluru, tsru potuko himyekaklewatatshri. Waleni sete hiwejikalune Hoyakalu towrerune tenhohne hajene, sete tsru salewaktshi hapkatatatshri hanikatshine. Klu tshinanu ralipretkani Hoyakalu jhekanu.

Apocalipse 14:10

wale yineru rutka hirkaluru Hoyakalu jhekan-ha pixkalutu. Katsh-halu myapjetkotu hirapi stono hiyokkalurupa, Hoyakalu jhekanu hiratshinepni wanna. Hiyrunu walepni salewnapotutanuna tshitshmeroya, enxofre-yma hiwejikalune Hoyakalu towrerune tenhohne hajene potukalune hetanuya hiyrun-koxa Carneiro Whene tshinkaluru hetanu.

Hebreus 9:27

Satkaka yineru hipnatshripni. Waneya wane wkatanupa rawanu hikolukanuwnalkaka.

Lucas 1:50

Retwamonre rekhitna yine hkahwakpiratjene pejnu hiwekakanatatshine haté xawakni pnut-hohne hiwekatshinepa.

Mateus 5:12

Waneko pixka rix-salewnaletnina mitshikawa hiwekakanatatshinni Hoyakalu tokanu hinkakletatshinni. Hpoyikowatanu, himuwatan-koxa klu tshinanu himlujikolu tsru potuko hyoptotanu Hoyakalu yehiya.

Apocalipse 20:15

Ptowru yineru hiwaka pejnu yonawahlo steno hiweklu hinkakletatshri myonhiwakatkotu, tshitshmero powha hiknokkotka.

Apocalipse 18:6

Papnutanro tixa hapnokatlewlexyawaka pixka. Tkamhaleru pixa nwaka tkamhinri pso, psatkakyehitanro hepi kata wane pso. Hirapi stono tutakhatanru, hepi kata putakhaxinro.

Apocalipse 11:2

Seyni Hoyakalupji maleka sreta hwatshri kwa petachatanu, hi pyahotanru wale klu tshinanu wale honra judeu mixkane renekka. Hoyakalu poktshite hkapnikapahitanna quarenta e dois ksuru pejnu.

Apocalipse 19:15

Wale nama yohlolewapi hakotatshri potuko honoxya. Yohlolewapiyma ruylakna yine, ptowru tshijne hajeneka. Htowutanna hipokananu, yomuwaje pa chikonurutu pixkalutuyma htowutna. Hkatsretanunna yinepni, uva katsrekjexikowaka-paji hwatshine pixka rixanna yinepni rimathexyawakapluna yine Hoyakalu ptowru potuko himukatatshri, hahnanuwle.

Apocalipse 10:7

Hiwejikaluru Hoyakalu towreru tenhohne hajeru sete rixinri kowixinipa waneya Hoyakalu nikatanru rixahchinikanuxyawaka hkamhiywakapa, yohimakanatkaluru pirana, runkajyatkana htowrene, Hoyakalu tokanu hinkakletatshine mitshikawlune.

Apocalipse 13:16

Waneya hkamhakjixna yine ptowrunek-yine hijhakalune ho mujhakone ho phurune ho towutachatkalune ho hichotkalune wanna ptowruneka, hpotukle myona ho hijrotna rutak-himaxikolexikolupna.

Apocalipse 19:18

Hinanu hnikapyawakaplu pohirtshinni hitu, soldado-ne kosekatshinni hitu, soldado-nni hitu, cavalo-nni hitu hiyrunu cavalo-nni yapakanatatshinni hitu hiyrun-koxa ptowrunek-yinni hitu, towrertshinni hitu, mtowutkonni hitu, yinni hijhakalunni hitu, yinni mujhakonni hitu hnikanu.