Apocalipse 1:4 - Bíblia

⁴ Hita, João-no, nyonanwakatna Sete, Cristo halixatshine hapatjewaka, Ásia tshijne hajene. Kihle hchinikanurunephi hiyrunu kihle hwachalu henejikowakapa Hoyakaluya hwahohnekanatatshri, xawakni hohne hwatshrini, mitshikawni hiyrunu wale pnut-hohne hwatshrip-koxni. Hiyrunu Hoyakalu tuplaprestsi hwatshine sete hiwejikalune tshinanuya koxa.

Apocalipse 1:4 ပူးပေါင်းရင်းမြစ်များ

João 1:1

Hyinuwajikolu rawa tokantshi. Hoyakaluymatkalu Tokantshi hiyrun-koxa Hoyakalukni wale Tokantshi.

Atos 19:10

Hepi mhale pchinika wan-rixatka. Paulo hinkakle tshinanu wanestsi hajene ptowruneka Ásia poktshi hajene judeu-ne haté judeu mixkane koxa yijnakotlu Hoyakalu pirana.

Atos 2:9

Hixa Pártia tshijne hajenwu, Média tshijne hajenwu, Elão tshijne hajenwu, Mesopotâmia tshijne hajenwu, Judeia tshijne hajenwu, Capadócia tshijne hajenwu, Ponto tshijne hajenwu, Ásia tshijne hajenwu,

Romanos 1:7

Hiyáhoni nyonanwakathi hixa ptowrunekhi Roma poktshi hwatshinhi, Hoyakalu hamotanunhi, htomhaka Hoyakalu kotspalatanune hixyawakapa; waneyaphi Hoyakalu hihlenu hiyrun-koxa hihlehchinikanrewlu Wuru Hoyakaluya hiyrunu Tsru Hixikatshriwa Jesus Cristo-ya.

1 Coríntios 1:3

Nanjitlu Hoyakalu, Wuru hiyrun-koxa Wutsrukate Jesus Cristo hiru renejyawakaphi Hoyakalu hihlenu renekachale hiyrun-koxa hapnanuhchinikanru Hoyakalu henekanwu.

2 Coríntios 1:2

Hoyakalu henekachale hihlenu yoptotatshinephi. Hiyrun-koxa kihle hchinikanurunephi Wuru Hoyakaluya hiyrun-koxa Tsru Hixikatshriwa Jesus Cristo henekanwu.

Hebreus 13:8

Jesus Cristo rixhohnekanaxyawakni hiknohatshri hohneni, xawakni hohne hiyrunu hinatshri hohnepa mnikawnakatupa.

Tiago 1:17

Ptowru hixatshri kihleru wyoptoleru hiyrunu ptowru hixatshri hike mmahaxikatu tenhohne ruchpajya. Xye ptowruka Hoyakalu hiyakaxya. Hoyakalu honukla katalune tenhohne hajene hiyakotatshrini. Hi kakojerni Hoyakalu. Rixannuni. Hi psojikna hyokmanya Hoyakalu.

Apocalipse 1:1

Twu steno raw-yonhata Jesus Cristo hixyawakapa pirana. Hoyakalu yokanatlu xye pirana ruphujexyawakapa rekhixyawakapna htowrene howukchini mapokatpatka pirana. Cristo yokanatlu htowreru hiwejikaluru tenhohne hajeru xyekaka pirana rimatkajyawakaplu htowreru, João tshinkaluru.

Apocalipse 1:11

Wla htshinamta, — Petanrukaka pyonpiranatanu papel-mtaya. Waneya pyokanatanro yonawahlo Cristo halixatshine hapatjexyawakkaka hajene nwaka, sete-ne. Éfeso poktshi nwaka, Esmirna poktshi nwaka, Pérgamo poktshi nwaka, Tiatira poktshi nwaka, Sardes poktshi nwaka, Filadélfia poktshi nwaka, Laodiceia poktshi nwaka.

Apocalipse 1:17

Waneya nexinixkalu, hijixistsi nyawnamxya, hipnatshri pixka. Waneya hyosurukkanotatka hpotukle myo, waneya hit-hoho rutakamyota. Wla htshinno: — Hi ppikanu, Hitakni yinuwakatshrino, rapkatle hwatshri koxno.

Apocalipse 1:20

Sete katahirine petlene npotukle myo nanikamxinri hiyrunu sete katalu hanikapine, ouro kamhikolu pirana mpohijetanutukananu nuphujetanu. Sete katahirine, hiwejikalune Hoyakalu towrerune tenhohne hajene wannani Cristo halixatshine hapatjexikowakkaka hwatshinni. Sete katalune hanikapi, yapkakletlu sete hapatjewakkaka.

Apocalipse 1:8

Hitni mitshikananu hwatshrino hiyrun-koxa hmahle hwatshrino. Yinuwakatshrino hiyrunu hmahaxyawak-potuko hwatshrino htshina Tsru Hixikatshriwa Hoyakalu, ptowru himukatatshrino, xawakni hohne hwatshrino, mitshikawluru hwatshri hiyrunu xawakni hohne pnutpatka hwatshrino.

Apocalipse 1:9

Hita João-no, hix-molekoxno Cristo tshinanu hiyrunu Hoyakalu pohirewaxyawaka hajer-koxno. Hapakapno ptowru salewaktshi tshinanuya hiyrunu kahwakachaklerno Jesus Cristo tshinanuya. Waneya mar powha hanikajite hwatshijitatshri Patmos tshinikowaka nwakanatatka. Kachitkalurukananno klu tshinanu Hoyakalu tokanu nunkakletjekanata hiyrunu Jesus Cristo pirana hiphujetkaluru nunkakletjekanata.

Apocalipse 16:5

Waneya njemtokanutlu hiwejikaluru Hoyakalu towreru tenhohne hajeru, honha towutatshri wla htshina: — Potukalyi pixa Tsru Hixikatshriwa Hoyakalu, xawakni hohne hwatshriyi, mitshikawluru hwatshri hiyrunu hike rixiniko mnikawnakatu hajeryi. Potukalyi xyekaka papnokaxyalu tshiji hwatshinni tshinanu.

Apocalipse 2:12

— Xye pirana pyonanwakatanru hiwejikaluru Hoyakalu towreru tenhohne hajeru Cristo halixatshine hapatjetatshine Pérgamo poktshi hajene kosekatshri: “Xye pirana runkakhi yohlolewapi ptowru sretako hakoxikatshri hinama honoxikatshri himwatshri.

Apocalipse 2:18

— Xye pirana pyonanwakatanru hiwejikaluru Hoyakalu towreru tenhohne hajeru Cristo halixatshine hapatjetatshine Tiatira poktshi hajene kosekatshri: “Xye pirana runkakhi Hoyakalu Whene, tshitshmero pixka hixayhaletatshri hiyrunu yomuwa bronze hixirikkaluru hatajnu pixka hixatshri hiyrunu hatawnajixitatshri.

Apocalipse 2:8

— Xye pirana pyonanwakatanru hiwejikaluru Hoyakalu towreru tenhohne hajeru Cristo halixatshine hapatjetatshine Esmirna poktshi hajene kosekatshri: “Xye pirana runkakhi mitshikananu hwatshri, hiyrunu rapkatle hwatshri, hipnatshri kananu seyni hiwekatshritka.

Apocalipse 22:16

— Hita, Jesus-no yokanatlu ntowreru hiwejikaluru tenhohne hajeru ruphujexyawakaplu xyekaka pirana hixa Cristo tshinanu hapatjetatshinkakhi tshinanu. Hitni pohiru Davi-ni klopichno. Hitni hohisahi hatawnatshrino.

Apocalipse 22:8

Hita, João-no xye ptowruka njema hiyrunu netlu. Waneya nali jemletlu, nali hetletlu xye ptowruka waneya nihmamta tshiji nyoptsojityehitmaklu hiwejikaluru Hoyakalu towreru tenhohne hajeru, xye ptowruka nekhitjeru jixistsi, nimalwuxyawakaplu.

Apocalipse 3:1

— Xye pirana pyonanwakatanru hiwejikaluru Hoyakalu towreru tenhohne hajeru Cristo halixatshine hapatjetatshine Sardes poktshi hajene kosekatshri: “Xyekni hinkaklu hixa tshinanu, wla htshina, sete hiwejikalune Hoyakalununni hiyrunu sete katahirine hanikatshri. Nimatlu hkamrure. Hiwekatshine hikahwakkalune seyni halikaka hipnatshinhi.

Apocalipse 3:14

— Xye pirana pyonanwakatanru hiwejikaluru Hoyakalu towreru tenhohne hajeru Cristo halixatshine hapatjetatshine Laodiceia poktshi hajene kosekatshri: “Xye pirana runkakhi Amém tshinkaluru, Hoyakalu pirana hiphujetatshri halikak-potu, mweyawakletu, Hoyakalu hiyakotanrukaka yinuwakatshri.

Apocalipse 3:7

— Xye pirana pyonanwakatanru hiwejikaluru Hoyakalu towreru tenhohne hajeru Cristo halixatshine hapatjetatshine Filadélfia poktshi hajene kosekatshri: “Xye pirana runkakhi Hoyakalu, potukal-potuko, halikak-potu, phuru Davi tshinkalurni chave-te himwatshri. Hkotpukka, hike hichyatlu. Ruchyaxini, hike kotpuklu.

Apocalipse 4:5

Pohirtshi tuplawakle ruchpajya rawrakle, tokantshikaka, hiyrunu rutlohle. Sete katalune, hatawnatshine, sete hiwejikalune Hoyakalununni, tuplawakkaka hinaple hwatka.

Apocalipse 4:8

Nyi quatro hiwejikalune kamejirunni, satkaka hiwejikaluru seis meji rawya. Hix-potu yhaltshi rawyana psol-maneko, maleka sreta hiyrun-koxa hitoko sreta. Hiyrunu psol-hohneko, psol-yetshnoko hi rutuka wla tshinretna: — Potukalni, potukalni, potukalni Tsru Hixikatshriwa Hoyakalu Ptowru Potuko Himukatatshri, mitshikawluru, xawakni hohne hiyrunu hinatshri hohnepa hwatshritka.”

Apocalipse 5:6

Halikakni, tuplawaka hanikajite, quatro hiwejikalune hanikajite hiyrun-koxa tsrukakalune hanikajite, nexyalu Carneiro whene tshinkaluru, yopkakatshri. Carneiro-ni hiylatkaluru pixka rixa. Sete hwalu hiyrunu sete yhal-koxlu. Sete yhaltshi yapkakletlu sete hiwejikalune Hoyakalunune, hyokanatanune tshiji ptowruka hyapyawakapna.

Apocalipse 8:2

Waneya netna hiwejikalune Hoyakalu towrerune tenhohne hajene sete, wanna honukla Hoyakalu hoji sreta hwahohnekanatatshine. Sete kowi henekkalune.