Apocalipse 1:2 - Bíblia

² João tshinkaluru hinkakletlu ptowruka retanru pirana hiyrunu hewi hyonaxikatka ptowruka runkakle pirana Hoyakalu hinkakle pirana, halikakalutu pirana Jesus Cristo hiphujetleru pirana.

Apocalipse 1:2 ပူးပေါင်းရင်းမြစ်များ

João 1:32

Waneya João xye pirana hinkakletatka: — Netlu Hoyakalu Hiwejikaluru, motkokoji pixka rixmaneta, tenhohne ruchpajya Jesus hoho rapokatka wale hoho rutukatka.

João 12:17

Hixolune yine, Jesus-stsi hwakanatatshine mitshi, Lázaro-ni yomletshi htomhiylu mitshi, hipuktshi riwekkajyalu mitshi, ruphujtatluna Lázaro pirana.

João 19:35

(Xye hetatshri hinkaklewata. Halikaka htshina. Rimata halikakni htshinyawaka. Runkakletlu hix-koxa himukata halixlexyawakaplu tshinanu.)

João 21:24

Xye honukla hasrukkaluru xyekaka pirana hiphujetatshrini hiyrunu xyekaka pirana yonatatshri. Wimatlu halikakni ruphujtaleru pirana.

João 3:11

Halikaka, halikaka wla ntshinyi: — Wunkakhi wimatjemle pirana hiyrunu wunkakhi wetlerutka pirana seyni hixa hi haluk-halixletlu wunkakle.

Atos 22:15

Klu tshinanu ptowru yineru puphujtaxinri ptowru petanru pirana pyijnakotanru pirana koxa pjemyawaklu htokanu Jesus namaya.

Atos 26:16

Ppalnanu pyotunotanu xako! Nnuretyi ntowreru pixyawaka hiyrunu ptowru yineru puphujtaxinri ptowruka petanru haté ptowruka nekhixyapyi. Wale tshinanu nyanwakatatkayi xye hohne.

Atos 4:20

Klu tshinanu hi koxa wumukata wma munkaklexyawakanuplu wale wetanru, wyijnakotanru.

1 Coríntios 1:6

Hinkaklewlu Cristo pirana homkahpotutatshinhi,

1 Coríntios 2:1

Cristo tshinanu nmoletanune, hix-yehi nyinmitshi halikakalutu pirana, Hoyakalu pirana, yohimakanatkaluru pirana nunkakapyahmitshi, hi tokantshicha hihlenuyma nunkakhi, hi tokantshi himatkalewluymako.

1 João 1:1

Tokantshi hiweklu heneklewatatshri wyonanwakathi, xye tshijne yinuwajinikananuko hwatshri pirana. Xye tokantshi wyijnakotatka hiyrunu wetlu wiyhaleya. Wi potuko wexyalu, wutyaklu wimyoya.

1 João 4:14

Wetlu hiyrunu wuphujtatlu Wuru Hoyakalu yokanatlu Hiwhene xye tshijne hajene hiwekkaklewatatshri rixyawakapa.

3 João 1:12

Ptowru yineru kihlewaka tshinanwakatlu Demétrio tshinkaluru. Hkamhaleru halikakalutu koxa hiphujtatlu. Hix-koxa hiphujtatlu hiyrunu hixa himatlu wuphujtaleru halikakni.

Apocalipse 1:11

Wla htshinamta, — Petanrukaka pyonpiranatanu papel-mtaya. Waneya pyokanatanro yonawahlo Cristo halixatshine hapatjexyawakkaka hajene nwaka, sete-ne. Éfeso poktshi nwaka, Esmirna poktshi nwaka, Pérgamo poktshi nwaka, Tiatira poktshi nwaka, Sardes poktshi nwaka, Filadélfia poktshi nwaka, Laodiceia poktshi nwaka.

Apocalipse 1:19

Hiyáhoni pyonatanru ptowru potuko petanrukaka pirana. Pyonatanru xawakni hakanhatshri pirana petanru hiyrun-koxa hinatshripa pirana petanru.

Apocalipse 1:9

Hita João-no, hix-molekoxno Cristo tshinanu hiyrunu Hoyakalu pohirewaxyawaka hajer-koxno. Hapakapno ptowru salewaktshi tshinanuya hiyrunu kahwakachaklerno Jesus Cristo tshinanuya. Waneya mar powha hanikajite hwatshijitatshri Patmos tshinikowaka nwakanatatka. Kachitkalurukananno klu tshinanu Hoyakalu tokanu nunkakletjekanata hiyrunu Jesus Cristo pirana hiphujetkaluru nunkakletjekanata.

Apocalipse 12:11

Wmoletanune Cristo tshinanu hallitlu Tsru Kamtshi Carneiro Whene tshinkaluru hraha himukatle tshinanu hiyrun-koxa halikakalutu tokantshi runkakletjetanruna tshinanu. Hiyrun-koxa ralpokoxinwana rupniywakapna. Riweklena hi ramotpotutna.

Apocalipse 12:17

Waneya himnu tshinkaluru hahnanuwatatka suxo tshinanu. Hiyáhoni hya hkamnixyawakapna pimrine toklopichane, Hoyakalu tokanu towre hiyrunu halikakalutu pirana Jesus hiphujetleru pirana homkahitatshine.

Apocalipse 20:4

Hiyrun-koxa pohirtshi tuplawaklekaka neta. Wane tuplatatshine koxa neta. Towuwlu henekkalune retmayxaklerewaxyawakapna. Hiyrun-koxa yinni hiwejinri neta, kastaknojitkalunni Jesus hiphujexikolu pirana tshinanu hiyrunu Hoyakalu tokanu hinkaklexikolu tshinanu. Nyikaka kmatsyiru hiyrunu kmatsyiru yáhole mkahwakpiratkanni hiyrun-koxa kmatsyiru himaxikole jrottshi hitakkaluru ho myotshi hitakkaluru malukanni wanna. Hiyáhoni nyi yinni Cristo-yma riwekanna hiyrunu hpohirewatanna mil mhale pejnu.

Apocalipse 22:21

Nanjitlu Wutsrukate Jesus henekachale hihlenu hixa ptowrunekhi tshinanupa.

Apocalipse 6:9

Waneya cinco rixinri yonawahlo steno hosture hjimlajinixka, altar hmana nexyana hiwejikalune Hoyakalu tokanu homkahru tshinanu, hiylatkalunni poyehi halixlerune.