Apocalipse 1:18 - Bíblia

¹⁸ Hiwekatshrino. Hipnatshrikananno. Seyni petanu, hiwekhohnekanatatshrino hike rixiniko mnikawnakatupni. Ntowutlu hamhikowak-yehi hiyrunu hipuktshi ntowuta.

Apocalipse 1:18 ပူးပေါင်းရင်းမြစ်များ

Mateus 11:23

Hiyrunu pixa Cafarnaum poktshi. Pkahwakhe patskoxyawakapa haté tenhohne? Seyni pixa halikaka puknokko tshiji hitokote hamhikowak-yehi. Klu tshinanu himyekaklewatatshrikaka nkamhakmaka hita Sodoma poktshi hix-yehi hakanhikatshri pixkalutu, haté xawakni hohnekananumka rawawa Sodoma poktshi.

Mateus 16:19

Tenhohne pohirewaxyawaka yohpukapre nenekanyi pixa. Klunerukta pimaletanu xye tshijneya, Hoyakalu himaletanru tenhohneya. Hiyrun-koxa klunerukta pitshitanu xye tshijneya, Hoyakalu hitshitanru tenhohneya.

Lucas 24:5

Hpikatkana suxone. Tshiji hyohimhojitna. Waneya jejine mkatshri katajiru hitakatshine, wan-tshinna: — Klu tshinanhe hipnatshri hwawakle hijhiylu hiwekatshri?

João 11:25

Waneya Jesus wan-tshinro: — Hitni hiwekkakatshripno. Hitni hiwekluno. Ptowruka Hita halixatshripa yáholu rupnanu riwekanutnaka.

João 14:19

Pchini tsonu yine xye tshijne hajene hi hetanutnakno. Seyni hixa hetanutnakno. Klu tshinanu niwekanutnaka hita hiyáhoni hix-koxa hiwekanu.

Romanos 6:9

Cristo hipuktshi hiwekkajikatka hiyrunu wimatlu Cristo hi himukata hipnaleta hiyrunukotnaka. Xawakni hipuktshi hi himukata kachretlu Cristo.

2 Coríntios 13:4

Klu tshinanu yáholu cruz ruylaxika Cristo ruhrokahotko tshinanu seyni xawakni riweka Hoyakalu pixkonu tshinanu. Waneko pixka wix-kox-hixa. Hixa wale hihrokahoxikoluymalunwu seyni pa hchinikanurunwu waleyma wiweka Hoyakalu pixkonu tshinanu, wepixyawakaphi tshinanu.

Gálatas 2:20

Seyni niweka wanepnawaka. Seyni halikaka hiwekatshri hi hitni seyni Cristo, hita nanwaka hiwejikatshrini. Xawakni xye niwekle Hoyakalu whene halixikolu tshinanu niweka. Walekni namotjeru hiyrunu renejnawana hita tshinanu.

Colossenses 3:3

Klu tshinanu hipnatshinetka pixkalunhi hiyrunu hixa hiwejinri Cristo-ymalu, Hoyakalu yohimlenetkahi.

Hebreus 1:3

Hituru ruru Hoyakalu hoyaknu hatnu hwatshrini hiyrun-koxa Hoyakalu yáholu pixka potuko rixa. Hituru tokanu himukatle tshinanu ptowru potuka hpoyehita. Waneya rali powratlexinixkawu wektunuya, Tsru Hixikatshriwa Hoyakalu, teno hajeru potukle sreta htuplatatka.

Hebreus 12:2

Jesus yehi potuko yihatatshinepwu klu tshinanu Jesus walixle yinuwakatshrini hiyrunu walixle poyahokakatshrini. Poyikpotuklu Jesus hinamtatshripa tshinanu. Cruz rupniywakapa rakotachata. Hektuwaka htshinanwakaxikolu reyikachata. Xawakni htuplatatka. Hoyakalu hetamayxaklerewatatshri tuplaxyawaka potukle sreta htuplatatka.

Hebreus 7:16

Hi Moisés yonreru tshinanu, hi yineru halujyawaka tshinanu sacerdote rutakka seyni sacerdote rixinwa hiweklu mnikawnakatu himukatle tshinanu wan-rixa.

Hebreus 7:25

Hiyáhoni rumukata hiwekkaklepotutna yine, wale yapatshine pejnu Hoyakalu nwaka yatshinepa. Klu tshinanu riwekhohnekanata ranjijexyawakaplu Hoyakalu wanna tshinanupa.

Apocalipse 10:6

Waneya hkojiretna yine Hoyakalu hiwaka tshinanu. Hoyakalu honra hiwekatshri hikeklu hohne mnikawnakatupa, tenhohne, tshiji, mar powha hiyrunu ptowru potuko wane hajeru hiyakotatshrikni. Wla htshinatka Hoyakalu towreru tenhohne hajeru: — Hi hohamokaplu hnikawniywakapa hohi.

Apocalipse 15:7

Waneya satu quatro rixinri hiwejikaluru henekna hiwejikalune Hoyakalu towrerune tenhohne hajene sete-ne, sete stono Hoyakalu jhekanu yehi, ouro kamhikolu, Hoyakalu honra hike rixiniko mnikawnakatu hiwekatshri.

Apocalipse 2:8

— Xye pirana pyonanwakatanru hiwejikaluru Hoyakalu towreru tenhohne hajeru Cristo halixatshine hapatjetatshine Esmirna poktshi hajene kosekatshri: “Xye pirana runkakhi mitshikananu hwatshri, hiyrunu rapkatle hwatshri, hipnatshri kananu seyni hiwekatshritka.

Apocalipse 20:13

Hipnatshine mar powha hahyekatshine pejnu wane hkochpajikna. Hipuktshi hiyrunu hamhikowaka hwakanatatshine wane hkochpajikna. Satkaka wanna ptowruneka hikolukkatka hkamhalerna pirana tshinanu, papel-mta hwapiranatatshri yonatkaluru tshinanu.

Apocalipse 20:14

Waneya hipuktshi hiyrunu hamhikowaka hwakanatatshine tshitshmero powha yehi hiknokkana. Xyekni hipuktshi hepi rixinri pirana.

Apocalipse 3:7

— Xye pirana pyonanwakatanru hiwejikaluru Hoyakalu towreru tenhohne hajeru Cristo halixatshine hapatjetatshine Filadélfia poktshi hajene kosekatshri: “Xye pirana runkakhi Hoyakalu, potukal-potuko, halikak-potu, phuru Davi tshinkalurni chave-te himwatshri. Hkotpukka, hike hichyatlu. Ruchyaxini, hike kotpuklu.

Apocalipse 4:9

Waneya ptowru katako nyi quatro hiwejikalune himalwuru chikalexinna, kahwakpirlu renejinixkaluna hiyrunu poyahnu htshininrina pohirtshi, tuplawaka tuplatatshri, hike rixiniko mnikawnakatu yehi,

Apocalipse 5:14

Quatro hiwejikalune, Amém htshinna. Waneya tsrukakalune yoptsojityehitlu Hoyakalu hiyrunu Carneiro whene tshinkaluru yehi, waneya rimalwutna.

Apocalipse 6:8

Waneya netatka. Satu cavalo hakanhatka. Pwalolni. Cavalo yapatshri hiwakni, Hipuktshi. Hiyrunu Hipnatshine Hwiywaka tshinkaluru hapkatamta. Towuwlu satu quatro-te (1/4) renekkana xye tshijne hajene, ruylalewaxyawakapna yohlolewapiyma, natshiyma koxa ruylalewatanna, hipuktshiyma, nikalune kmatsyirune xye tshijne hwatshineyma koxa ruylalewatanna.

Apocalipse 9:1

Waneya cinco rixinri hiwejikaluru Hoyakalu towreru tenhohne hajeru kowitatka. Waneya netlu satu katahiri tenhohne hijrujikatshri, tshiji hapokatshri. Teno pnawaka kotpukapre renekka katahiri.