Apocalipse 1:12 - Bíblia

¹² Waneya nuprotakatka nexyawakaplu niynumsatjeru katni, waneya netlu sete katalu hanikapine, ouro kamhikolu.

Apocalipse 1:12 ပူးပေါင်းရင်းမြစ်များ

Apocalipse 1:13

Waneya katalu hanikapine hanikajite nexyalu yineru pixkalutu mkatshri hopowalu makatatshri, hijix-potuko rapokamkata. Hista hostutka himkalu poyehitatshri ouro kamhikolu.

Apocalipse 1:19

Hiyáhoni pyonatanru ptowru potuko petanrukaka pirana. Pyonatanru xawakni hakanhatshri pirana petanru hiyrun-koxa hinatshripa pirana petanru.

Apocalipse 1:20

Sete katahirine petlene npotukle myo nanikamxinri hiyrunu sete katalu hanikapine, ouro kamhikolu pirana mpohijetanutukananu nuphujetanu. Sete katahirine, hiwejikalune Hoyakalu towrerune tenhohne hajene wannani Cristo halixatshine hapatjexikowakkaka hwatshinni. Sete katalune hanikapi, yapkakletlu sete hapatjewakkaka.

Apocalipse 2:1

— Xye pirana pyonanwakatanru hiwejikaluru Hoyakalu towreru tenhohne hajeru Cristo halixatshine hapatjetatshine Éfeso poktshi hajene kosekatshri: “Xye tokantshi runkakleta katahirine sete hpotukle myo hanikamxikatshri sete katalu hanikapine, ouro kamhikolu hanikajite yapatshri, wla htshina:

Apocalipse 4:1

Hetanu! Hiphapto hitpukatshri nupjeta tenhohne hwatshri. Waneya niynumsakanatjeru tokantshi kowi hima pixka tshinatshri njema. Wla htshinno: — Hewi teno punanu. Waneya nekhitanyi hipirankaka hakanhatshripa.