3 João 1:8 - Bíblia

⁸ Hiyáhoni waluk-hepixletna wan-hixatshine halikakalutu pirana hepixatshinepa wixyawakapa.

3 João 1:8 ပူးပေါင်းရင်းမြစ်များ

3 João 1:10

Hiyáhoni wane nyinipa hi namtakanru rixjexyawaka. Pnu pejnu hektuwaka htshinanwakatwu. Hi wale tsonu hkamha seyni hi hyoptohihlenutna Cristo tshinanu hmoletanune hiyrunu rimaletna hihle yoptolewlepiratatshine. Hiyrunu rakakna wan-hixatshine Cristo halixatshine hapatjexikowak-yehiya.

Filemom 1:24

Nepirene Marcos tshinkaluru, Aristarco tshinkaluru, Demas tshinkaluru hiyrunu Lucas tshinkaluru halikyi.

Filemom 1:2

Wmoletanro Cristo tshinanu nwaka Áfia tshinkaluro koxa wyonatlu hiyrun-koxa Arquipo tshinkaluru, wepire yahotkaklu Cristo tshinanu nwaka wyonawahlewata. Hiyrun-koxa Cristo halixatshine pixapji hapatjexikatshine nwakkaka.

1 Tessalonicenses 3:2

Waneya Cristo tshinanu wmoletanru, Timóteo tshinkaluru, wyokanatatka. Wale Hoyakalu kamrure kamhajetatshrini, wikamrurewatanruni, kihle piranalu potuko hiwekkaklewatatshri pirana, Cristo pirana hinkaklewlu tshinanu. Wyokanatlu hpoyahokajyawakaphi hiyrun-koxa repixyawakaphi halixle pirana tshinanuya.

Colossenses 4:11

Josué koxa Potukalu tshinkaluru halikanwakathi. Nyi mapa jejine tsonu judeu-ne halixatshine pejnu nikamrurewatjene Hoyakalu pohirewaxyawaka tshinanu. Nyi hepixpotutatkano.

Filipenses 4:3

Hiyrun-koxa nanjityi pixa nepiryi, pepixyawakapna nyi hepi suxone nepixjerone kihle piranalu potuko hiwekkaklewatatshri piranaya. Hiyrun-koxa Clemente hiyrunu pimrine nikamrurewatanune pepixanu, hiweklumta hitakhiwakatkalunetka.

2 Coríntios 8:23

Tito tshinkaluru pirana haluk-himatlexini waleni wikamrurewatanru repixyawakaphi. Hiyrun-koxa pimrine rimotsane pirana haluk-himatlexini wannani Cristo halixatshine hapatjetatshin-yehkaka yokanatanunni Cristo himalwuxikolu tshinanu.

2 Coríntios 6:1

Hiyáhoni hixa rikamrurewatanunwu hanjithi Hoyakalu kamrureya: Hi himnanhinri Hoyakalu hihlenu wale honukla renekatkahi Hoyakalu.

Lucas 11:7

— Ho hitokoklahe ruhjechaxini. Wla htshinanu: “Hi pkojwakanno. Hiphapto hichyatka. Nojeko nwa nowheneneyma. Hiyáhoni hi numukata hiptekleta pão nenejyawakapyi,” — hi wane htshinanu.

Mateus 10:40

— Katukta yoptothi hixa, Hita hyoptota hiyrun-koxa katukta yoptotno Hita, hyoptotlu nyokanatjeru.

Mateus 10:14

Katukta hma yoptotjenepa, hma jemjenepa, hichpakamxinpatka waneya wanna hetanu hiwlihkajpatjixitanu rimaxyawakapna hi hixako htshinanni seyni hma yoptotjene malixlenu tshinanni.

3 João 1:7

Klu tshinanu Cristo hiwaka tshinanu htshijnena ruchpajyana hiyrunu hike hepixlu hyoptotna judeu mixkane yehiya.

3 João 1:9

Hitamka yonanwakatna Cristo halixatshine hapatjetatshine seyni Diótrefes tshinkaluru hi hikchikhihlenutwu. Ralukpotutlu tsru kahwakpiratkaluru rixyawaka rimwanune yehiya.