3 João 1:7 - Bíblia

⁷ Klu tshinanu Cristo hiwaka tshinanu htshijnena ruchpajyana hiyrunu hike hepixlu hyoptotna judeu mixkane yehiya.

3 João 1:7 ပူးပေါင်းရင်းမြစ်များ

João 15:21

Hiyáhoni xyekaka ptowruka hkamhinna hixa, nhiwakaymalunhi tshinanu. Xye hkamhanna klu tshinanu hi rimatluna nyokanatjeru.

Atos 20:33

Hixa tskala nwaka pchinika hikeklu hohne net-sotanukanatlu satu tiyirote hi koxa net-sotanukanatlu satu mkalu.

Atos 20:35

Nkamrure psoluyaka tshinanu nekhithi hixa haluka kamrurewleta hike mwikane wumukata hepixletanu. Hichinikanretanru Jesus Tsru Hixikatshriwa tokanu: “Katukta renejikolu yoptota hpoyikowata seyni heneklewatatshri pnute poyiknu.”

Atos 5:41

Hiyáhoni nuretkalune hjemahchinikanyehixikowakna yehi ruchpajyana. Rumuwamtna klu tshinanu rutakyahokkana rumukata salewnalexyawakna haté reyikkana Jesus hiwaka tshinanu.

Atos 8:4

Hiyáhoni hipalatatshine ptowruchaka hyana, runkakletluna tokantshi Hoyakalu pirana.

Atos 9:16

Hitako hekhitanru Saulo ptowruka hsalewninripa Hita hiwaka tshinanu.

1 Coríntios 9:18

Hiyáhoni klunernihe nwenuxikolu? Waleni npoyikowle kihle piranalu potuko hiwekkaklewatatshri pirana nunkaklexyawaka hiyrunu hike nujhayehita nwenuxikowaka xye nkamrure tshinanu.

2 Coríntios 12:13

Klu tshinanu hanhe xawaka hixa hapkatleta pimrine Cristo halixatshine hapatjetatshin-yehkaka hetanuya? Xye tsonu pnuko hixika hi nepixikowaka nanjijekanathi. Xye pirana tshinanu nanjithi hi hichinikanru xye numtuknu.

2 Coríntios 4:5

Klu tshinanu wunkakle pirana hi hixako wipiranni; wunkakle Jesus Cristo Tsru Hixikatshriwa piranni hiyrunu hixa towrertshinwu Jesus tshinanu wunkaklewjeta.

Filipenses 2:9

Hiyáhoni xye tshinanu Hoyakalu tsru potu rutaklu. Hiyrun-koxa renekhiwakatlu ptowru potuko hhiwaka tsrurutka.

Colossenses 1:24

Npoyikowata klu tshinanu xawakni numukata salewnaletanu hixa tshinanupa. Nomane salewaklu hepixa nikatletlu Cristo salewnale Cristo halixatshine hapatjetatshine Cristo mane-ne tshinanupa.

3 João 1:8

Hiyáhoni waluk-hepixletna wan-hixatshine halikakalutu pirana hepixatshinepa wixyawakapa.

Apocalipse 2:3

Kahwakaklerunhi, ptowru salewaktshi hakotatshinhi. Nhiwaka himalwuxikolu tshinanu hkamrurewata hiyrunu hi hihrokatka.