3 João 1:2 - Bíblia

² Nuchinikanru, naluklu ptowru kihle hiknohle pixyawakapa hiyrunu pomta pixyawakapa, kihle samenuryi pixyawakapa.

3 João 1:2 ပူးပေါင်းရင်းမြစ်များ

Mateus 9:12

Xye hjemini Jesus, wla htshinna: — Pomtalune hi haluklu kpinrewakleru seyni katshinomtalu haluklu.

Filipenses 2:27

Halikaka hyeyixakanatakmaka, psokaklu rupniywakatka. Seyni Hoyakalu hetwamonutlu hiyrunu hi wale tsonu retwamonuta seyni hit-koxa. Hiyáhoni tsru wamontshi potuko hi raluk-hekhiretno.

Filipenses 2:4

Satkakhi hixa hi hixa halukleru tsonu hislahanu seyni pimrine halukanru koxa hislahanu.

2 Tessalonicenses 1:3

Cristo tshinanu wmoletanune, ptowru hohnekananuko waluka poyahnutletlu Hoyakalu hixa tshinanu! Kihleru wane wixyawaka hixa halixle tshinanu, hiyrunu htseruwna halixlekananumxyawaka tshinanu hiyrun-koxa hixa ptowruneka hichinikakjexyawaka pnute hya tseruwlekananumxyawaka tshinanu.

2 Tessalonicenses 2:13

Seyni wumukata poyahnutletanru Hoyakalu hixa tshinanu Tsru Hixikatshriwa Hoyakalu hamotanune Cristo tshinanu wmoletanune tshinanu. Klu tshinanu hyinuwaklekananuko Hoyakalu nuretatkahi hiwekkajikolupa, Hoyakalu Hiwejikaluru powraxyawakhi tshinanni hiyrunu halikakalutu pirana halixyawaka tshinanni.

Tiago 5:12

Cristo tshinanu nmoletanune hislahpotuxinwa hi tshinachatatshinephi, hi Hoyakalu hiwaka hkochtshekachatanu. Hi tenhohne hkochtshekanu, hi tshijiko hkochtshekanu, hi kluneru hiwakaymaktako htshinachatanu. Seyni hehe htshininipa, hi pnute pujhanru ptokanu mixkotatshripa. Hike htshininpatka, hike pnute pujhanu hiyrunuko. Wan-hixanu hma mukolujnawakanupwa.

1 Pedro 4:8

Seyni halikaka xye ptowruka yohnik-hijhakalurni hichinikajyawaka. Klu tshinanu hichiniklewlu hixo hektuntshi hitukkakatshrini wale.

2 Pedro 3:18

Seyni halikaka Wutsrukate Jesus Cristo, Wiwekkakjeru hepixle hiyrunu Cristo himathetle tseruwnikatshinephi. Wale pohitko xawakni hohne hiyrun-koxa hike rixiniko mnikawnakatupa hohne koxa hpohitko.

3 João 1:1

Hita, Cristo halixatshine kosekatshrino, yonanwakatlu Gaio tshinkaluru, nuchinikanretleru, namotleru halikakalutuya.

Apocalipse 2:9

Nimathetlu hsalewaklu. Nimatlu hike mwikanemkahi seyni halikaka phurunhi. Nimathetna heyikjene judeu-ne tshinikatshinwa seyni hi halikakni. Seyni tsru kamtshi Satanás maklutenni wanna.