2 Tessalonicenses 2:9 - Bíblia

⁹ Tsru hektunuru tsru kamtshi Satanás tshinkaluru pixkonuymako rapokanu. Ptowru hixatshri pixkontshiyma hiyrunu hetkalurkakayma hyokwirewata himyekaklewatatshriyma.

2 Tessalonicenses 2:9 ပူးပေါင်းရင်းမြစ်များ

Mateus 12:22

Waneya satu jeji ranikanwakatluna Jesus, metkatu hiyrunu myanumatkatu klu tshinanu kkamtshiterni. Jesus hitskalakatkalu, retatnaka hiyrun-koxa hyinuwaka yanumletatka.

Mateus 24:24

Klu tshinanu hixolune Messias minjene hiyrun-koxa Hoyakalu tokanu hinkakletatshine minjene hakanhanu hiyakolukaka hiyrunu himyekaklewatatshri kamhatshine hyokwijexyawakapna yine. Rumukatkamka haté Hoyakalu nurrene hyokwijetanu.

Mateus 4:10

Waneya Jesus wan-tshinru: — Pyanutka Satanás! Wane htshina hinkakleta Hoyakalu tokanu potukalu yonatkaluru: “Tsru Hixikatshriwa Hoyakalu Poyakalute tsonu pimalwutanu hiyrun-koxa wale tsonu pomkahitanu.”

Marcos 13:22

Klu tshinanu hixolune Messias minjene hiyrun-koxa Hoyakalu tokanu hinkakletatshine minjene hakanhanu hiyakolukaka hiyrunu himyekaklewatatshri kamhatshine hyokwijexyawakapna yine. Rumukatkamka haté Hoyakalu nurrene hyokwijetanu.

Lucas 11:25

Rapoka. Rukchiklu satolotkaluru, hihlepokoluru.

João 4:48

Waneya Jesus wla tshinru: — Hetkaluru ho himyekaklewatatshri hma metkanuklunu, hi hetko halixanu.

João 8:41

Hixa kamhajetlu hiru kamrure. Waneya wla htshinruna: — Hixni whentshine potwu, hi kahnete hakanhikatshinwu hixa. Wuru satupkalutni, waleni Hoyakalu.

João 8:44

Hixa hirni, Tsru Kamtshi, hichpajikatshinhi. Hiyrunu hiru hikchikhihlenreru hektutu hkamhanu. Waleni jiylalewakleru hyinuwaklekananukawa. Halikakalutu pirana mimwakatni wale. Klu tshinanu hikeklu rimwatkalu halikakalutu pirana. Hweyawaxini, waleko hihchinikanu tshinanu wan-rixa. Klu tshinanu kayloklerni wale hiyrun-koxa ruyakotlu weyawlu.

Atos 13:10

Paulo wan-tshinru: — Pixa Satanás whenyi! Pkamnitlu ptowru halikakalutu. Katsepoyyi yokwijrewlu hiyrunu weyawlu. Hi he putukanu Hoyakalu tokanu halikakalutu pkoprotajyawaka weyawlu pikahwajyawaklu?

2 Coríntios 11:14

Hiyrun-koxa hi wimyekanu, Satanás honra hiwejikaluru Hoyakalu towreru tenhohne hajeru hatawnatshri kohetkowakhatshri.

2 Coríntios 11:3

Seyni npiklu himnu yokwijexyawakanro Eva-ni kihlewaka htshinreyma pixka hixikowaka, waneko pixka hixa himtuklehchinikanutkonmaka hixapni. Wan-hixkanmaka hiknoklewatanuna hihchinikanu halikakalutu, potukalu Cristo hichpajikatshri chinikantshi.

2 Coríntios 4:4

Hi ralixluna Cristo klu tshinanu xye tshijne hoyakalute hektutu kkamhakleru himaletahchinikanutna. Hi ritshitna rumrekhaxyawakna hma mexyawakanupluna katalu, kihle piranalu potuko hiwekkaklewatatshri pirana, Cristo hoyaknu pirana. Cristo waleni Hoyakalu yáholu potuko.

Efésios 2:2

Waneklu papko xye tshiji hixjexyawaka hektutu homkahjekanata, hixa halixjekanatlu tsru hitakkalune metkone hektune malehohnewaka hajene towutatshri. Walekatkani ptowruneka Hoyakalu malixkane towutatshri.

2 Timóteo 3:8

Janes, Jambres tshinkalune Moisés-ni kamnitatshine pixkalune rixna nyi jejine. Halikak-potuk-tokantshi hkamnitna. Nyini himtukahchinikanutkalune. Hi kihle piranyehirunni halixlewluya.

Tiago 3:15

Xye pixkalutu himatkalnutshi hi tenhohne hichpajikatshrini seyni xye tshijne hajerni, hixako wimane hchinikanu hichpajikatshrini, kamtshi haluklerni wale.

Apocalipse 12:17

Waneya himnu tshinkaluru hahnanuwatatka suxo tshinanu. Hiyáhoni hya hkamnixyawakapna pimrine toklopichane, Hoyakalu tokanu towre hiyrunu halikakalutu pirana Jesus hiphujetleru pirana homkahitatshine.

Apocalipse 12:9

Hiyáhoni Tsru Kamtshi dragão tsru kananu, wale honukla himnu hitsruka, Tsru Kaylokleru tshinkaluru, Satanás hiwakatletatshri, ptowru tshijne hajene yokwijetatshri, tenhohne malekate ruknojika. Tshij-hoho ruknokkatka wale hiyrun-koxa hmaklutene kamtshine waleyma ruknokatkana.

Apocalipse 18:23

Hiyrun-koxa hikeklu lamparina wane nikoxinixka. Hnunrowatatshri ho hnuruwatatshro tokanu, hikeklu pix-yehi hjemikotka. Hichanrewatatshine pix-yehi yapjetatshine ptowru tshijne hajene hichanrewatatshine yohnik-himukatatshine rixapna mitshi. Klu tshinanu pkahontshiwle ptowru tshijne hajene hyokwijekanata.

Apocalipse 19:20

Seyni kmatsyiru kachitkatka hiyrunu Hoyakalu tokanu hinkakletatshri minjeni, wale honukla himyekaklewatatshrikaka kmatsyiru hetanu kamhajekanatatshri. Wale kachitkatka kmatsyiruyma. Himyekaklewatatshrikaka hkamhaleru tshinanu hyokwijekanatna yine kmatsyiru himaxikle himwatshine, wanna kmatsyiru yáholu kahwakpiratatshine. Hiyáhoni tshitshmero powha yehi, enxofre katshowuphalu yehi ruknokkatkana nyi hepi, hiwekatshineko.

Apocalipse 20:10

Waneya Tsru Kamtshi hyokwijetjerna tshitshmero powha, enxofre yehi hitokote, ruknokkatka, kmatsyiru hiyrunu hoyakalu tokanu hinkakletatshri minje hwiywaka potuko. Wane hsaletpotuxíkona hohohne, hoyetshno hike rixiniko mnikawnakatupa.

Apocalipse 9:11

Kpohirna. Htowutjerna hiwejikaluru teno pnawaka hinotatshrikni wale. Hiwakni judeu-neru tokanuya, Abadom tshinkaluru seyni grego-neru tokanuya Apolião tshinkalurni. (Raluka tshinreta, knikatakleru.)