2 João 1:2 - Bíblia

² Halikakalutu pirana wimwaleru tshinanu, hixa hwatshri hike rixiniko mnikawnakatupa.

2 João 1:2 ပူးပေါင်းရင်းမြစ်များ

João 14:16

Jesus pnute hya tshinreta, wla htshina: — Hita hanjitanru Nuru Hoyakalu wale satu hapnanuhchinikankaklewatatshri renejyawakaphi, hix-yehi rawhohnekanaxyawakapa.

João 15:7

Hita himwini hiyrunu ntokanu hixa hitokote hwanu, halukanru kluneruktako hanjixini, wale hyoptotanu.

1 Coríntios 9:23

Kihle piranalu potuko hiwekkaklewatatshri pirana tshinanu, xye ptowruka nkamha. Naluka yoptoletanu halixatshineymapa Hoyakalu hihlenu wanna tshinanupa.

2 Coríntios 4:5

Klu tshinanu wunkakle pirana hi hixako wipiranni; wunkakle Jesus Cristo Tsru Hixikatshriwa piranni hiyrunu hixa towrertshinwu Jesus tshinanu wunkaklewjeta.

Colossenses 3:16

Hitshitanru Cristo tokanu himwiywakhi psoluka ptowru himatkaltshiya. Hasrukkakanu, hiykokakanu Hoyakalu tokanu chikaltshiyma hiyrunu himalwuru chikaleyma hiyrun-koxa pimrikaka chikaltshiyma. Hoyakalu Hiwejikaluruya hchikalewatanu. Hchikalewaxini Hoyakalu tshinanuya hpoyahnutanru hajiya.

2 Timóteo 1:5

Nuchinikanretlu palixle halikak-potu. Mitshikananhapka pajiro Loide wan-hixa halixleta hiyrun-koxa punro Eunice. Nimatlu pix-koxa wanna pixka pixa halixleta.

2 Pedro 1:12

Wale tshinanu hi nutuk-hichinikapkakletanhi xyekaka pirana. Wane nixjeta yáholu himatlu xyekaka pirana hiyrunu tokantshi halikakalutu hapokatshritka hpoyehixika. Seyni nuchinikapkakhi.

1 João 1:8

Hektuntshi mwikanwu wtshininiklunwa, wyokwijechaxnawa hiyrunu hi wimwalu halikakalutu.

1 João 2:14

Nyonanwakathi hixa mturune pixkalune klu tshinanu hixa himathetlu Wuru Hoyakalu. Nyonanwakathi tsrune pixkalune klu tshinanu hixa himathetlu hyinuwajikolu hwahohnekanatatshri. Maklujine pixkalune, nyonanwakathi hixa klu tshinanu hixkohchinikanurunhi hiyrunu himretlu Hoyakalu tokanu hiyrunu hixa hallitatkalu kamtshi.

1 João 2:17

Xye psol-tshijneka hmahakananumxya ptowru het-sotanrewluymakananuko seyni Hoyakalu halujyawaka kamhatshri hikeklu hohne hnikawnanu.