2 Coríntios 8:3 - Bíblia

³ Nunkakhi rumukata hikchiklelerna haté rumukaxyawakna pnute renekachalewatna wannako hihchinikanuymana.

2 Coríntios 8:3 ပူးပေါင်းရင်းမြစ်များ

Marcos 14:8

Ptowru tumukatleru tkamhatka. Nmupnaknuhnapukawa phamluhalo tutakmanexinno, talpokomanetno nkapnaxikolupa.

Atos 11:29

Hiyáhoni Antioquia hajene Cristo halixatshine wan-rixa hichinikanuwletna hyokanaxyawakna repixikolna Judeia hajene Cristo halixatshine. Satkaka yokanatlu hpoyaho yokanrexyawaka pso.

Romanos 10:2

Klu tshinanu nuphujtatlu judeu-nerune yapretakmaklu Hoyakalu halujyawaka hkamhiywakna. Ralukmakna seyni hi rimatyehpotutluna Hoyakalu.

1 Coríntios 16:2

Ptowru domingo hohne hkanipretanru tiyiro psoji waneya himretanru. Satkaka yineru rumukata hikchiklexyawaka pso tiyiro rutakanu. Wan-hixinpatka hi nujhalu tiyiro napatjexyawakpatka hita hix-yehi napojinpatka.

1 Coríntios 9:17

Klu tshinanu hitako nalujyawaka nkamhakmaka nwenuxikolumka nujhanu. Seyni ntowuxikoluyma nkamhiywaka tshinanru xye kamrurtshi renekno Hoyakalu.

Gálatas 4:15

Poyikpotukananhi. Klu tshinanhe hi wan-hixa xawakni koxa? Klu tshinanu nimatlu mitshikananu hike potuko htshipexyano haté himukatkamka hiyhal-sahi koxa hkochpakanumka henejyawakapno.

Filipenses 2:13

Klu tshinanu Hoyakalukni hix-yehi kamrurewaxikatshri, halujyawakaplu hiyrun-koxa hkamhiywakaplu wale halujyawakako.

Colossenses 4:13

Klu tshinanu hitni hapak-hetatshrino repixlewaxinri hixa repixyawaka tshinanu hiyrun-koxa Laodiceia hajene hiyrunu Hierápolis hajene tshinanu.

1 Tessalonicenses 2:8

Hixa wuchinikpotuxyawaka tshinanu, hi kihle piranalu potuko hiwekkaklewatatshri pirana tsonu Hoyakalunu waluk-hinkaklethi seyni wiwejinriko wenekpirathi klu tshinanu hixni wuchinikanunhi.

Filemom 1:14

Seyni pihchinikanu nmimatkanu tshinanu hi nutukkakpiratlu. Klu tshinanu pepixinipno nalukatkalu ntowreru hma kahwajikotupa seyni pixa halujini tsonu numutukanru.

1 Pedro 4:11

Satu yineru hinkaklewaxinipa, Hoyakalu tshinyawaka pixka htshinanu. Pimrine repixjexini satu, himatkaltshi Hoyakalu henejyaluyma repixanna. Hoyakalu himalwuxikolupa ptowru potuko tshinanu, Jesus Cristo tshinanuya. Hoyakalu hiphujexikolni, towutatshrini hike rixiniko mnikawnakatupa. Amém.

1 Pedro 5:2

Hoyakalu carneiro-tene pixkalune hix-yehi hwatshine xako hohlutanu. Hinotanna wanna seyni hi mmerene pixkalunephi seyni halikaka jmererunephi. Hi tiyiro himtuklewatatshri hkayapiraxyawaka tshinanu hislahlewatanu seyni halikaka hijhanu hanu potu himukata hepixletna.