Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




2 Coríntios 7:7 - Bíblia

7 Hi Tito hapokle tshinanu tsonni seynikta hixa Tito hpoyikotahchinikanuxyawaka pirana tshinan-koxni. Runkakno hixa pirana. Hix-hima hichinikno. Hix-hima wamonuwata hita nopirana tshinanu haté hit-hima himatshwahpirata. Hiyáhoni xye pirana tshinanu xawakni pnut-potu numuwata.

အခန်းကိုကြည့်ပါ။ ကော်ပီ




2 Coríntios 7:7
34 ပူးပေါင်းရင်းမြစ်များ  

Nuchinikanune, nuchinikanrexinixkalu mitshi nyonanwakaxyawakaphi nasrujyawakaphi hiwejikaluru pirana ptowru yineru tshinanupa, netlu hijhakalur-koxni nyonanwakaxyawakaphi ntowuxyahi jmerpotuphi halixlu hasrujikolu pirana hislahpotutanu. Xye halixlu Hoyakalu pa katapka henekna hinerune, ralixjene.


Wiwekka pchinika wimane hitokote kaheknanuwata wchireta. Walukpotutlu wjihlojyawaklu tenhohne hajerupji.


Npoyikowpotutatka njempiranyehixinixkana satkaka piwhenene homkahixyawaklu halikakalutu tokantshi htowutakanaxyawakwu Wuru Hoyakalu pixka.


Hetanru Elias tshinkaluru. Yinerukananni hixa yinwu pixka. Seyni hi rutuk-hanjihohnereta. Hoyakalu ranjijeta hina hmixyawakanupa hiyáhoni mapa mhale hanikaji mhale pejnu hi rinnewata tshij-hoho ranjire tshinanu.


Hiyáhoni wujhalu wuslahpotuxyawaklu halikaka pirana wjemanru, xekoyaka wma pupjexyawakanuplu xyekaka pirana.


Xawakni halikaka wiweka Tsru Hixikatshriwa Cristo poyehiwa halixlekajyawakhi pirana tshinanu.


Seyni xawakni hix-yehi ruchpajyatka Timóteo waneya hewi rapokatka. Runkakwu hixa pirana, kihler-pirana halixlewle pirana hichiniklewle pirana. Runkakwu hixa hichinikpotuxyawakwu pirana. Hix-hima hi hituk-hichinikletwu. Hixa haluk-hetlepotutwu, hixa waluk-hetlexyawakhi pixka.


Klu tshinanu yáholu hi wanetkano nomaneya seyni nohchinikanuya wane nwiya hix-yehi. Numuwleyma netlu hixa kihle pokolunhi hiyrun-koxa hixa halixle poyeh-potuko Cristo-ya.


Nalukpotutlu hiyrun-koxa nkahwakpotutlu hikekni nipatewatanu seyni ptowru hohneruka xawakni potuk-koxa halikakalutu pirana hi nmayxakanu. Cristo pohixikolupa hita nomane tshinanuya ho niwejinri ho nupninriyapa.


Nimalwutlu Hoyakalu klu tshinanu Tito tshinkaluru renekahchinikanuta hixa Corinto hajenhi repixyawakapa. Hixa Paulo-nwu pixka rixa hichiniklethi.


Hiyáhoni wale tshinanu nyonanwakathi nyahothi nimaxyawaka ho halikaka nuykole pirana homkahitatshinhi ho hike.


Hixa himatjemle hi psolukawani hiyáhoni Wutsrukate Jesus hapojini hohne hixa halixkowyehitanwu waneko pixka wixa halixkowleyehitanhi hixa.


Waleni hixa ptowrunekwu, hixa hiyrun-koxa hita walerutu papkoko wepixko; hixa hepixko nalixle tshinanu hiyrunu hita hepixko hixa halixle tshinanu.


Waneya rapojinixka Barnabé retlu Hoyakalu ramoxyawakna hiyáhoni rumuwata. Waneya Barnabé mixkotahchinikanutna psoluka rajiyna Tsru Hixikatshriwa Hoyakalu romkahixyawakna hiyrunu hi ruchotanruna Tsru Hixikatshriwa Hoyakalu.


Jesus salewnahchinikanuta tsru potuko hiyáhoni hmixkowa hanjihohnereta wane pnute. Ruhkokha hrahtshi pixka rixa. Rutspihle tshiji rapoka.


Waneya Pedro hichinikaplu Jesus tokanu htshinakanaxyawaklu: “Hma yanumatkanuklunuwa patlapa, pixa map-kata hi pimathetno ptshinanu.” Hiyáhoni kahnete hya, tsru wamontshiyma htshiyahpotuthonukatka.


— Poyikowatatshinni xye hohne wamonuwatatshine Hoyakalu tshinanu poyikotahchinikanutshinepa.


Wanepnawaka hixa halixkoxnawa! Seyni hixamka hijhalu hwamonuwpotuxyawaka hiyrun-koxa wan-hixatshri hijhalu hixa tskala hkotspalaxikowaka.


Wepixjerni Hoyakalu ptowru potuko wsalewnale tshinanu. Repixwu hiyáhoni hix-koxa himukata hepixletna pimrine hixa pixka hixa salewnaletatshine.


Seyni Hoyakalu honukla kojwakahchinikanutatshri hepixatshri, Tito tshinkaluru hapokle tshinanu htserutahchinikanutatkawu.


Hi nehchinikanuta yonawahlo hixa nwaka nyokanreru tshinanu. Netkamkalo yonawahlo nyokanatanro pchini hohnejiji twamontakamkahi nehchinikanutanmaka.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ