2 Coríntios 7:4 - Bíblia

⁴ Hixa nmunanhapotuta hiyrun-koxa ntserutahchinikanuxnawa hixa pirana tshinanu. Napnanuhchinikanuta hiyrun-koxa numuwpotuthonuka ptowruka wsaletjeru tshinanuya.

2 Coríntios 7:4 ပူးပေါင်းရင်းမြစ်များ

Atos 5:41

Hiyáhoni nuretkalune hjemahchinikanyehixikowakna yehi ruchpajyana. Rumuwamtna klu tshinanu rutakyahokkana rumukata salewnalexyawakna haté reyikkana Jesus hiwaka tshinanu.

Romanos 5:3

Hiyrun-koxa wpoyikowata salewaktshi tshinanu klu tshinanu wimatlu salewaktshikni hasruklu yineru kahwakachatatshri rixinripa.

1 Coríntios 1:4

Ptowru hohnekananuko npoyahnutlu Hoyakalu renekachale hixa tshinanu, waleni Hoyakalu hihlenu henekachaxikolu Jesus Cristo kamrure tshinanu.

2 Coríntios 1:14

Hixa himatjemle hi psolukawani hiyáhoni Wutsrukate Jesus hapojini hohne hixa halixkowyehitanwu waneko pixka wixa halixkowleyehitanhi hixa.

2 Coríntios 1:4

Wepixjerni Hoyakalu ptowru potuko wsalewnale tshinanu. Repixwu hiyáhoni hix-koxa himukata hepixletna pimrine hixa pixka hixa salewnaletatshine.

2 Coríntios 10:8

Hi npatewata seyni ntserutahchinikanuxnawa Tsru Hixikatshriwa Cristo towutle henejya tshinanwu. Xye towutlu wenekka hixa wepixyawakapa htseruwnahalixlexyawakapa Cristo piranaya hi wenekka wnikathalixlexyawakaphi.

2 Coríntios 11:21

Npatewa hiphujetlepiranatlu klu tshinanu hi tsru hchinikanwu wanna pixka wixyawaka. Seyni satu yineru klu pirana tshinanuktako htokanuwnini, hit-koxa tokanuwnanu. Mahchinikanutu pixka ntshina yanumsaletanu.

2 Coríntios 2:14

Seyni nimalwutlu Hoyakalu Cristo-ymalunwu wixyawaka tshinanu kayatatshine rixkakjexyawakwu ptowru hohneruka tshinanu. Hiyrun-koxa Cristo himatyehixikolu pirana kihlephalu pixkalutni wan-rixkaklu hixaya ptowru sretako hyakaklu.

2 Coríntios 3:12

Xyekni wkahwaka Hoyakaluya hiyáhoni tsru hchinikanwu wunkaklewaxyawaka.

2 Coríntios 7:14

Tito nunkakatka hixa pirana kihlewaka ntshinanwakathi. Hiyrun-koxa hi npatewata kihlewaka pirana ntshinanwakaxyawakhi. Ptowru hohneruka halikaka pirana wunkakhi. Hiyáhoni hixa pirana kihleru wunkaklu Tito halikaka piranni.

2 Coríntios 8:24

Hiyáhoni pimrine Cristo halixatshine hapatjetatshin-yehkaka himatpiranyehixiniphi hekhitanna nyi Cristo tshinanu moltshine hichinijyawaka hiyrunu hi wmahijerutanu kihle piranyehirune pirana wunkaklexini.

Filipenses 1:14

Kapna nyochmajikowaka tshinanu hixolune Wutsrukate Cristo tshinanu wmoletanune mixkowahchinikanutatka runkaklexyawakluna halikakalutu tokantshi hike hpikna.

Filipenses 1:20

Nalukpotutlu hiyrun-koxa nkahwakpotutlu hikekni nipatewatanu seyni ptowru hohneruka xawakni potuk-koxa halikakalutu pirana hi nmayxakanu. Cristo pohixikolupa hita nomane tshinanuya ho niwejinri ho nupninriyapa.

Filipenses 1:26

Hiyáhoni hix-yehi napojinpatnaka pnut-potu hixa halixkotletko Cristo Jesus hetanuya hita tshinanu.

Filipenses 2:17

Pa katako nuylatko nohraha hiyokanu henekachalu pixkalutupni, hixa halixle tshinan-koxa Hoyakalu renekachatko. Waneya wan-rixinipa numuwatanu hiyrun-koxa numumuwatanhi.

Colossenses 1:24

Npoyikowata klu tshinanu xawakni numukata salewnaletanu hixa tshinanupa. Nomane salewaklu hepixa nikatletlu Cristo salewnale Cristo halixatshine hapatjetatshine Cristo mane-ne tshinanupa.

1 Tessalonicenses 2:19

Klu tshinanu klunerni wkahwakleru ho wumuwlepa ho wumlujikolu poyikowkaklewatatshri? Hi he hixpakni, Wutsrukate Jesus hetanuya runinpatka?

1 Tessalonicenses 2:2

Hixa himatlu mitshikananu Filipos poktshi wsalewnakanaxini, Tessalônica wmapokakanatkanuklunuwa, wyotnetkatka. Wanepnawaka mpikkanwu Hoyakalu tshinanu wunkakhi Hoyakalu pirana, kihle piranalu potuko hiwekkaklewatatshri pirana, yáholu wimaletpiratka.

2 Tessalonicenses 1:4

Hiyáhoni hixa piranyehi tshinanu wtokanuwnajeta pimrine Hoyakalu hapatjetanunekak-yehiya. Wtserutpiranathi hakotachale tshinanu hiyrunu halixle tshinanu ptowru hsalewakluya hiyrunu hsalewnaleya hiknohjereru tshinanu.

Filemom 1:7

Klu tshinanu wumuwpotuta hiyrunu wapnanuhchinikanuta pimrine puchinikanrexyawaka tshinanu. Klu tshinanu Jesus halixatshine potukalune, repixahchinikanutkana, pepixle tshinanna, pixa Cristo tshinanu nmoletanru.

Tiago 1:2

Cristo tshinanu nmoletanune, himuwatanu ptowru hixatshri yohnirewlu hexini.