2 Coríntios 7:2 - Bíblia

² Hikchikahwawakletanwu hihchinikanuya wwiywakapa. Hi satukna hixa wyotneta. Hi satukna hixa wumtuka. Hike yineru wkonapahixanutechata.

2 Coríntios 7:2 ပူးပေါင်းရင်းမြစ်များ

Mateus 10:14

Katukta hma yoptotjenepa, hma jemjenepa, hichpakamxinpatka waneya wanna hetanu hiwlihkajpatjixitanu rimaxyawakapna hi hixako htshinanni seyni hma yoptotjene malixlenu tshinanni.

Mateus 10:40

— Katukta yoptothi hixa, Hita hyoptota hiyrun-koxa katukta yoptotno Hita, hyoptotlu nyokanatjeru.

Lucas 10:8

— Hanur-poktshiktako hjihlojinipa, kihle yoptole hixkoklunupa, hnikanru kluneruktako henejikolupa.

Atos 20:33

Hixa tskala nwaka pchinika hikeklu hohne net-sotanukanatlu satu tiyirote hi koxa net-sotanukanatlu satu mkalu.

Romanos 16:18

Klu tshinanu wan-hixatshine hi Cristo Wutsrukate romkahitna seyni wannako hisatna romkahitna. Kihle tokanna kihler-pirana htshinyehitna yine hike muslahkane hyokwihchinikanuxyawakapna.

2 Coríntios 1:12

Xyekni walixkoxnawakwa, hi wkojwakahchinikanuta wixjexyawaka tshinanu klu tshinanu wekhithi wixa hiweklexyawaka pixka. Phujewak-potuko wixa kamhaletanru ptowruko hike weyawlu wunkakhi, Hoyakalu tshinanu. Hi yine himatkalnu tshinanni seyni Hoyakalu hepixle tshinanuya.

2 Coríntios 11:16

Wane ntshinanutnaka: Hike kahwakanno mahchinikanutu nixyawaka. Seyni wan-hikahwajinipno mahchinikanutu pixka hixa yoptoletanno waneya numukata tokanuwnaleta.

2 Coríntios 11:9

Hiyrun-koxa hix-yehi nwaka pchinika, tiyiro nmahaxinri tshinanu hi nkojwakna wane hajene. Halikaka Cristo tshinanu wmoletanune Macedônia tshijne hichpajikatshine henekno ptowru nmahakanaxinri. Waneklu ptowru nmahakanaxinri tshinanu hi nkojwakatkahi hiyrun-koxa xye pnut-hohnepatka hi nkojwakanhi nmahaxinri tshinanu.

2 Coríntios 4:2

Seyni halikaka ptowru hixatshri kamrurtshi yohimatkaluru hiyrun-koxa yokwihchinikanrewatatshri wuknokatka. Hi wyokwijrewata hiyrun-koxa hi pnuko wtshina hinkakleta Hoyakalu tokanuya. Seyni ptowru hohneruka halikakalutu pirana tshinyawaka wuphujeta. Kihle piranyehirune wixnawa ptowru yine hchinikanuya Hoyakalu hetanuya.

Filipenses 2:29

Hiyáhoni Tsru Hixikatshriwa Cristo tshinanu hyoptotanru tsru poyikowluyma. Xye jeji pixkalune hkahwakpiratanu.

Colossenses 4:10

Aristarco tshinkaluru hitayma preso hwa ralikanwakathi. Hiyrun-koxa Marcos tshinkaluru Barnabé tshinkaluru palikleru halikhi. Marcos pirana mitshi nunkakatkahi hanu potu hixanru. Wale yanwakaxiniphi kihle hixa yoptoletanru.

1 Tessalonicenses 2:10

Hixa hiphujtatwu hiyrunu Hoyakalu hiphujtatwu wixjexyawaka pirana hixa Cristo halixatshinhi yehi wwakanaxini, hike mixkanwu potukalunwu, mukolukanuwnakanwu hix-yehiya.

Filemom 1:12

Xawakni nsatkakanru pixa nwaka. Hiyáhoni xawakni nanjityi pyoptoxyawakaplu wale namotanru potuko.

Filemom 1:17

Pepire pkahwajinipno Onésimo pyoptotanu, hatatjewa pyoptoleru hitni.

2 João 1:10

Satu hapokanwakaxiniphi xye hasruklewlu munkakletkatu, hi hyoptotanru hipjiya hiyrun-koxa hi halikanru.