2 Coríntios 7:1 - Bíblia

¹ Nuchinikanune nimatletlene, xye ptowruka Hoyakalu hinkaklexyapiranwu hixanni. Hiyáhoni xawakni hpowraxinwa ptowru hixatshri wimane pitshotatshriya hiyrun-koxa wsamenru. Potukalun-potu wixinwa ptowru hohneruka Hoyakalu kahwakpiraxikol-tshinanu.

2 Coríntios 7:1 ပူးပေါင်းရင်းမြစ်များ

Mateus 12:33

— Kihle sahiru hijhalu hahmuna kihleru. Hahmuna hektutu hi kihle sahiplu. Klu tshinanu ptowru hixatshri hahmuna pejnu rimathetka hisahi tshinanu.

Mateus 5:48

Hiyáhoni potukalunephi, hixa hiru tenhohne hajeru pixka.

Mateus 5:8

— Poyikowatatshinni powra hchinikanurune klu tshinanu retanruna Hoyakalu wale yehiya.

Atos 9:31

Hiyáhoni Cristo halixatshine hapatjetatshine xkehkaka Judeia tshijneya, Galileia tshijneya hiyrun-koxa Samaria tshijne psoluyaka hihlewahchinikanutatka. Htseruwahchinikanutatkana hiyrunu hkahwakpiratluna Tsru Hixikatshriwa Jesus hiyrunu rixolewnatkana, Hoyakalu Hiwejikaluru hislahle tshinanu.

Romanos 5:20

Moisés yonreru hakanhatka rekhixyawaklu hektuntshi hektupotuko rixyawaka. Seyni hektuntshi hallikanaxinixka Hoyakalu hiknojyawaklu hektuntshi koxa mixkowatatka.

1 Coríntios 6:20

Klu tshinanu kwenuru hanjixikalunhi. Hiyáhoni Hoyakalu himalwutanu himaneyma.

2 Coríntios 1:20

Klu tshinanu ptowruko Hoyakalu hinkajyapiranwu “hehe” tshinikatshriwa. “Wane pixanu Hoyakalu” wtshina Jesus Cristo tshinanu, Hoyakalu himalwuxikowaka tshinanu.

Efésios 2:3

Halikaka mitshikananu ptowrunekwu wanna pixka hixjekanatatshinwu, womkahjekanatlu hixako wixjexyawaka. Wkamhajekanatlu wimaneko hiyrun-koxa wihchinikanu halujyawakako. Hiyáhoni hix-koxa pimrineko pixka wixa kahwaklekanatlu Hoyakalu hapnokatlewle.

1 Tessalonicenses 3:13

Waneypakni hmixkotahchinikanutanhi potukalune hixyawakapa, mukolukanuwnakanephi Wuru Hoyakalu hetanu, runinipa Wutsrukate Jesus ptowruneka hpotukatanuneymakananuko.

1 Tessalonicenses 4:7

Klu tshinanu Hoyakalu hi tshanixatkawu hektutu kapatmenuru wkamhiywaka tshinanu seyni kihleru, Hoyakalu halukanruko wkamhiywaka tshinanu halikaka.

1 Tessalonicenses 5:23

Waleko Hoyakalu hihlewahchinikanrewlu wenekjeru Hoyakalu pixkalune hixkakanhi ptowru chinikantshiya. Nanjitlu Hoyakalu rinoxyawakapwu hixa psoluka wiwejinri, wihchinikanu, wimanen-koxa ptowru hikoluklu hiyrun-koxa ptowru jihyehixikoluya rapojinpotukananuko Wutsrukate Jesus Cristo.

Hebreus 12:23

Hixa hapokanwakatlu poyikowlu hapatjexikowaka Hoyakalu whenene tsrujrune hapatjere nwaka, tenhohne khiwakayalune yehi. Hoyakalu, ptowru yineru hetamayxakletatshri yehi hapokatshinhi hiyrunu yine hiwejikalune potukalune, hike mmahaxikane yehi, hapokatshinhi.

Hebreus 12:28

Hoyakalu wimalwutanu klu tshinanu pohirewaxikowaka muwchokkotu yoptotatshinetkawu. Poyahnuwatatshinepwu hiyrunu Hoyakalu himalwujetatshinepwu Hoyakalu halukleru pixka hixatshinepwu, Hoyakalu kahwakpiratatshinepwu tsru pikluyma.

Hebreus 4:1

Hoyakalu hinkajya piranwu, hapnanuxikowaka wale nwaka hjihlokajyawakapwu pirana tshinanu, xako hi hpika hwaletanru ptowru potuko Hoyakalu hinkajya piranwu.

Hebreus 6:9

Wlamka wtshina seyni hi wkahekhi hixa, Cristo tshinanu nmoletanunhi. Wimathi hixa xyekaka yohnik-hihlewahchinikanyehitkalunhi, hiwekkaklewatatshri pirana hepixjetjeru tshinanu.

Tiago 4:8

Hoyakalustsi hapokanu, waneya hixastsi hyanu Hoyakalu. Hixa hektuwaka kamhatshinhi heromyohinwa! Hixachatatshinhi, hepi hchinikanurunhi hpowrathajixinwa!

1 Pedro 1:15

Halikaka ptowru potuko hixjexyawaka potukalunephi, htshanixjeru Hoyakalu potukalu rixyawaka pixka.

1 Pedro 1:17

Wuru Hoyakalu hiwaka hmunanhini, yinecha mkahwakpiratkatu, ptowru yineru kamhanru hetatshrini tshinanu, xye tshij-hoho hwaka pchinika hkahwakpiratanru Hoyakalu ptowru tshinanuya.

1 Pedro 1:22

Hiyáhoni xawakni halikaka tokanu homkahlu tshinanu Hoyakalu Hiwejikaluru hepixle tshinanu hpowratahchinikanuxnawa hpoyaho hichinikanretletna hmoletanune Cristo tshinanu ptowru hamotluya. Hiyáhoni hichinikkakanu. Hi hixachatatshinephi seyni hihchinikanu psolukayma hichinikkakanu.

1 Pedro 2:11

Nuchinikanune potu, hixa hi hewi tshijne hajenekhi hiyrunu hi xye tshijne hitukatshinhi hiyáhoni nanjipotuthi hasujinri hektuntshi mantshi halukanru, yineru hiwekle kamnitatshri.

1 Pedro 5:10

Seyni Hoyakalu ptowru kihleru heneklewatatshri, wale hoyaknutshi hike mmahaxikatu tshanixwu, Cristo Jesus tshinanu, hpotukatanhi, hpoyehiwkakanhi, hmixkowkakanhi, rapnanuhchinikankakanhi, hsalewnale pchini tsonurutu hiknohinipa.

1 João 1:7

Katawaka wyaniniklunu wale pixka, hixa hatajnutatshinepwu pa hchinikanurukakatshinepwu hiyrunu Hituru Jesus hraha powratjetwu ptowru hektuntshi tshinanu.

1 João 1:9

Seyni wmajnákonu wuphujtayehixinri Hoyakalu, ramtakahchinikanyehitlu wektunu hiyrunu hpowratanwu ptowru hektutuya klu tshinanu potukalni hiyrunu htshinyawak-potuko hkamha Hoyakalu.

1 João 3:3

Ptowru yineru Cristo munanhatshri, powralu rixinwa. Cristo powranu pixka rixanu.