2 Coríntios 6:3 - Bíblia

³ Hi waluklu satu yineru het-himtuknuxyawaklu wkamrure hma mukolukanuwniywakanupa wkamrure tshinanu.

2 Coríntios 6:3 ပူးပေါင်းရင်းမြစ်များ

Mateus 17:27

Seyni wma jihejyawakanupna nyi yine, hipowha pyanu, pkowtshohtapanu. Waneya mitshikananu pkachrero chima, pkohreknamatanro waneya pukchikanro tiyiro proji prata kamhikolu hixanu wujhawenuxikolu poyaho wenutlexyawaka pso. Waneya tiyiro proji panikanu, pwenutapanru wujhawenuxikolu hita tshinanu hiyrunu pixa tshinanu.

Mateus 18:6

— Seyni katukta himtuwna halixlekakna nalixjene mtserkakanewa, kihlepotmaklu tsru sotlu rostunojixikowaka waneya mar powha ruknojikowaka.

Atos 19:27

Hiyáhoni pa katako wkamrure wamtakanu. Pa katako yine yinuwaka hichinikanuwletanu tsro hoyakalo Diana-pji hi hijhakaluru hkahwakkotka. Toyaknu nikatko. Waneya pa katako ptowru Ásia hajene haté psol-tshijne hajeneko hi kahwakpiratanutkalo hoyakalo Diana hihlenu.

Romanos 14:13

Hiyáhoni hi wane pnuteko heyikakanu hixkakluko. Seyni halikaka hijhahchinikanutanu hitspetkaluru pma mutakyehixyawakaplu Cristo tshinanu pmoletanru hma mujrujyawakanupa, hma majnakowaxyawakanupa.

1 Coríntios 9:12

Pimrinemka himukata wan-hixleta hix-yehiya, hi he xawaka wane pnute wumukata hixleta hixa? Wanepnawaka hi wumukaxyawaka wixjeta. Seyni ptowru potuko wakotachata wma mimalexyawakanuplu kihle piranalu potuko hiwekkaklewatatshri pirana, Cristo pirana.

1 Coríntios 9:22

Hihroka halixletatshine tshinanu hihrokatshri pixka nixnawa hihrokatshine naluk-hikchikletkal-tshinanu. Ptowruneka tshinanu, ptowrukakako nixnawa, satkaka numukata hiwekkaklexyawakapa.

2 Coríntios 1:12

Xyekni walixkoxnawakwa, hi wkojwakahchinikanuta wixjexyawaka tshinanu klu tshinanu wekhithi wixa hiweklexyawaka pixka. Phujewak-potuko wixa kamhaletanru ptowruko hike weyawlu wunkakhi, Hoyakalu tshinanu. Hi yine himatkalnu tshinanni seyni Hoyakalu hepixle tshinanuya.

2 Coríntios 8:20

Hiyáhoni wane wixa hike yineru mjihyehixyawakanupwu henekachalu wapatjemxyawakapa.