2 Coríntios 4:2 - Bíblia

² Seyni halikaka ptowru hixatshri kamrurtshi yohimatkaluru hiyrun-koxa yokwihchinikanrewatatshri wuknokatka. Hi wyokwijrewata hiyrun-koxa hi pnuko wtshina hinkakleta Hoyakalu tokanuya. Seyni ptowru hohneruka halikakalutu pirana tshinyawaka wuphujeta. Kihle piranyehirune wixnawa ptowru yine hchinikanuya Hoyakalu hetanuya.

2 Coríntios 4:2 ပူးပေါင်းရင်းမြစ်များ

Romanos 1:16

Hi npatewyehitlu kihle piranalu potuko hiwekkaklewatatshri pirana klu tshinanu nimatlu waleni Hoyakalu pixkonu ptowru Cristo halixatshripa hiwekkakkalurupni; mitshikananhapka judeu-nerune tshinanupni waneya wane pnute judeu mixkane tshinanupni.

Romanos 6:21

Klunerhe xawaka repixatkahi kapatmenuru hkamhajekanaxini? Wan-hixatshri kamhatshri kayatanru hipuktshi.

1 Coríntios 4:5

Hiyáhoni xawakni hike hikolukanuwnanu hma mapokkanuko pchini hipapkolu. Hkahwakanu Wutsrukate Cristo hapojinipa papkopa waneya ptowru pirana potuko rutakyahokanu. Ruphujetanru ptowru pirana yohimatkaluru pirana, ruphujetanru ptowru yineru hichinikanretanru pirana. Waneklu satkaka halixkotko Hoyakalu tshinanu.

2 Coríntios 1:12

Xyekni walixkoxnawakwa, hi wkojwakahchinikanuta wixjexyawaka tshinanu klu tshinanu wekhithi wixa hiweklexyawaka pixka. Phujewak-potuko wixa kamhaletanru ptowruko hike weyawlu wunkakhi, Hoyakalu tshinanu. Hi yine himatkalnu tshinanni seyni Hoyakalu hepixle tshinanuya.

2 Coríntios 11:3

Seyni npiklu himnu yokwijexyawakanro Eva-ni kihlewaka htshinreyma pixka hixikowaka, waneko pixka hixa himtuklehchinikanutkonmaka hixapni. Wan-hixkanmaka hiknoklewatanuna hihchinikanu halikakalutu, potukalu Cristo hichpajikatshri chinikantshi.

2 Coríntios 11:6

Himka nimat-hinkaklewpotuta wanna pixka seyni hi hapkatatatshrino rimatkalnuyna. Ptowru hohneruka ptowru potuko wuphujexnawa hix-yehiya ptowru pirana tshinanuya.

2 Coríntios 2:17

Klu tshinanu hi hixolune Cristo pirana hinkakletatshine yahole pixka wixa, hkayle tsonu hichinikanretatshine pixka hi wixa. Seyni wyokanatjerni Hoyakalu hiyáhoni wunkaklewaxini mayloklene pixkalunwu, Hoyakalu hetanu halikakalutu pirana wunkakleta Cristo-yma wixle tshinanu.

2 Coríntios 5:11

Tsru Hixikatshriwa Hoyakalu hamlenu pirana wimata. Hiyáhoni wujhalu walixkajyawakna yine halikakalutu pirana. Hoyakalu himathetwu psol-potuyako. Hiyrun-koxa nkahwaka hix-koxa himathetahchinikanutwu.

2 Coríntios 6:8

Kihle piranyehirunwu hiyrun-koxa hektu pirana yehirunwu. Kihle piranalu wtshinanwakatka, weyikka koxa. Halikaka pirana hinkakletatshinwu seyni kayloklerune wkahwakka.

2 Coríntios 7:14

Tito nunkakatka hixa pirana kihlewaka ntshinanwakathi. Hiyrun-koxa hi npatewata kihlewaka pirana ntshinanwakaxyawakhi. Ptowru hohneruka halikaka pirana wunkakhi. Hiyáhoni hixa pirana kihleru wunkaklu Tito halikaka piranni.

Efésios 4:14

Hiyáhoni hi mturune pixka wixanu walixinpatkalu Hoyakalu pirana. Mtser-halixlene ruwchiwchikak-honuka hiyrunu pnuko hanikkalunetkani hihchinikanuyna weytshi hasruklewatatshineya. Nyi yokwirewlu hasruklewatatshine walekni hitseklu pixkalutu mtser-halixlene hpupjehapokajyawakapna.

Efésios 5:12

Halikaka wunkaklexinri wanna kamrure hektutu hyohimpirrerna pirana hpatetjetanna.