2 Coríntios 3:3 - Bíblia

³ Halikakni rimathetka hixa Cristo yonrene pixka hixatshinhi hiyrun-koxa hanikatshinekwu hixa. Hi yonawahlewapha hyonaxika, hi sotlu tshrajiko hyonaxika seyni yine hajiko hyonaxika. Hoyakalu hiwekatshri Hiwejikaluru yonatlu.

2 Coríntios 3:3 ပူးပေါင်းရင်းမြစ်များ

Mateus 16:16

Waneya Pedro hihita: — Pixni Messias-yi, Hoyakalu hiwekatshri whenyi.

1 Coríntios 3:5

Klu tshinanu klunerni Apolo? Klunerni Paulo? Hixa Hoyakalu halujyawaka homkahitatshine tsonwu. Halikaka wunkakle tshinanu hixa halixlu Tsru Hixikatshriwa Cristo pirana. Hanuru kamrurtshiktako Hoyakalu henekanwu hixa satkaka wale wkamhanu.

2 Coríntios 3:6

Hiyrun-koxa Hoyakalu poyahotatshine rixkakwu herotu hkojiretlewleya. Xye hkojirexyawu hi Moisés yokanreru yonatkaluru ruchpajya seyni Hoyakalu Hiwejikaluru yokanre ruchpajya halikaka. Klu tshinanu Moisés hiykole yonatkaluru hipuktshi heneklewatatshrini seyni Hoyakalu Hiwejikaluru heneklewle hiwekkaklewata.

2 Coríntios 3:7

Moisés hiykole yonatkaluru yonrurni sotlu tshrajkaka hyonatka. Waneya yine renekka yonawahlo Hoyakalu hoyaknu hakanhayehitna. Moisés hoji katalu hyinuwaka hiwnaletatka wanepnawaka israel-nerune hi hakothatnutlu rethojixyawakluna Moisés. Hiyáhoni Moisés yokanreru yonatkaluru hipuktshi heneklewatatshri tsru hoyaknu rimapokyehitna yine,

2 Coríntios 6:16

Hanhe xawaka rumukata pixkakaklu hixleta Hoyakalupji mayawletshichayma malixkane munanhaleru? Klu tshinanu hixakni Hoyakalu Hiwejikalurupjiwu. Klu tshinanu Hoyakalu potuko hali wan-tshinretatka: “Wanna hitokote nwanu, wanna nyanini. Royakalutepnona. Wannapni nayinetene.”

1 Tessalonicenses 1:9

Nyi yine ptowruneka hinkakletlu hix-yehi wwakanaxinri pirana. Kihle yoptole wixikowaka pirana hiyrun-koxa mayawletshichakaka hichoxyawaka pirana, Hoyakalu potu halikakalutu, hiwekatshriko, homkahixyawaka pirana runkakjetna.

Hebreus 10:16

“Xye ntshinyana wale hohnekakni wkatanu, — htshinrerutkani Tsru Hixikatshriwa Hoyakalu. — Ntokanu ntowuxyana rajna nutakanru hiyrun-koxa hihchinikanna nyonaxinri.”

Hebreus 8:10

Hinatshripa hohne nunkaklexinna israel-nerune, wla ntshinanna — htshina Tsru Hixikatshriwa Hoyakalu: Nyonreru pirana wanna hchinikanu nutakanru, hiyrun-koxa wanna hajkaka nyonaxinri. Hitapni Royakalutnona, hiyrun-koxa wannapni, nayinetene.

Hebreus 9:14

Hiyáhoni wane pnut-potu himukatatshrini Cristo hraha. Cristo honukla Hoyakalu Hiwejikaluru hike rixiniko mnikawnakatupa himukatleyma, walenuko renejnawa Hoyakalu yehiya henekachlu hi psojikna mahaxikatshrini, hixa hchinikanu hpowraxyawakapa hike mkochpakkatu kamrurtshiya, Hoyakalu hiwekatshri wkamrurewyehixyawakapa.

Apocalipse 2:1

— Xye pirana pyonanwakatanru hiwejikaluru Hoyakalu towreru tenhohne hajeru Cristo halixatshine hapatjetatshine Éfeso poktshi hajene kosekatshri: “Xye tokantshi runkakleta katahirine sete hpotukle myo hanikamxikatshri sete katalu hanikapine, ouro kamhikolu hanikajite yapatshri, wla htshina:

Apocalipse 2:12

— Xye pirana pyonanwakatanru hiwejikaluru Hoyakalu towreru tenhohne hajeru Cristo halixatshine hapatjetatshine Pérgamo poktshi hajene kosekatshri: “Xye pirana runkakhi yohlolewapi ptowru sretako hakoxikatshri hinama honoxikatshri himwatshri.

Apocalipse 2:18

— Xye pirana pyonanwakatanru hiwejikaluru Hoyakalu towreru tenhohne hajeru Cristo halixatshine hapatjetatshine Tiatira poktshi hajene kosekatshri: “Xye pirana runkakhi Hoyakalu Whene, tshitshmero pixka hixayhaletatshri hiyrunu yomuwa bronze hixirikkaluru hatajnu pixka hixatshri hiyrunu hatawnajixitatshri.

Apocalipse 2:8

— Xye pirana pyonanwakatanru hiwejikaluru Hoyakalu towreru tenhohne hajeru Cristo halixatshine hapatjetatshine Esmirna poktshi hajene kosekatshri: “Xye pirana runkakhi mitshikananu hwatshri, hiyrunu rapkatle hwatshri, hipnatshri kananu seyni hiwekatshritka.

Apocalipse 3:1

— Xye pirana pyonanwakatanru hiwejikaluru Hoyakalu towreru tenhohne hajeru Cristo halixatshine hapatjetatshine Sardes poktshi hajene kosekatshri: “Xyekni hinkaklu hixa tshinanu, wla htshina, sete hiwejikalune Hoyakalununni hiyrunu sete katahirine hanikatshri. Nimatlu hkamrure. Hiwekatshine hikahwakkalune seyni halikaka hipnatshinhi.

Apocalipse 3:14

— Xye pirana pyonanwakatanru hiwejikaluru Hoyakalu towreru tenhohne hajeru Cristo halixatshine hapatjetatshine Laodiceia poktshi hajene kosekatshri: “Xye pirana runkakhi Amém tshinkaluru, Hoyakalu pirana hiphujetatshri halikak-potu, mweyawakletu, Hoyakalu hiyakotanrukaka yinuwakatshri.

Apocalipse 3:22

“Kajnakopnahi hyijnakoxyawakapa, hyijnakotanru Hoyakalu Hiwejikaluru tshinyawakna Cristo halixatshine hapatjexikowakkaka hajene.”

Apocalipse 3:7

— Xye pirana pyonanwakatanru hiwejikaluru Hoyakalu towreru tenhohne hajeru Cristo halixatshine hapatjetatshine Filadélfia poktshi hajene kosekatshri: “Xye pirana runkakhi Hoyakalu, potukal-potuko, halikak-potu, phuru Davi tshinkalurni chave-te himwatshri. Hkotpukka, hike hichyatlu. Ruchyaxini, hike kotpuklu.