2 Coríntios 2:9 - Bíblia

⁹ Hiyáhoni wale tshinanu nyonanwakathi nyahothi nimaxyawaka ho halikaka nuykole pirana homkahitatshinhi ho hike.

2 Coríntios 2:9 ပူးပေါင်းရင်းမြစ်များ

2 Coríntios 10:6

Waneya hixa hali hekhirexnatkawa halikaka hixatshine hixikatshinetkawahi, halpokotatshinepwu ptowru hixatshri hektuntshi wapnokaxyawakapa.

2 Coríntios 2:3

Wale tshinanu wale pirana hapka nyonata waneya hix-yehi nyinipa, hi hwamonuwnakakanno seyni npoyikotjenephi. Klu tshinanu nmunanhahi xye piranaya. Numuwaxini hita, hix-koxa himuwatanu.

2 Coríntios 2:4

Hixa nwaka nyokanatanro yonawahlo nkamhin-honra. Waneklu nkojwakahchinikanpotuta nwamonuwata hiyrun-koxa ntshiyahpotutatka nyonre pirana tshinanu. Hiyahokni hi nyonatlo hixa nwamonuwnakajyawaka seyni nyonatlo hixa himathexyawakaplu hi psokananru nuchinijyawakhi.

2 Coríntios 2:8

Hiyáhoni nanjithi hixa himatkajyawaklu rimatpotuxyawaklu hixa hamotlu wanepnawaka.

2 Coríntios 8:2

Halixatshine wane hajene tsru salewaktshikaka riknohna. Seyni hpoyikonu tshinanna hike mwikanmakni seyni henekachalu renekachalewatna ptowru rumukata hikchiklelerna.

2 Coríntios 8:24

Hiyáhoni pimrine Cristo halixatshine hapatjetatshin-yehkaka himatpiranyehixiniphi hekhitanna nyi Cristo tshinanu moltshine hichinijyawaka hiyrunu hi wmahijerutanu kihle piranyehirune pirana wunkaklexini.

Filipenses 2:12

Hiyáhoni nuchinikanune potuko, hita hyijnakjekanata hix-yehi nwakanaxini pixka. Xawakni hijhakalur-potu hyijnakoxyawakno namoka pchinik-koxa. Hiyáhoni pnute hya kamhaletanru Hoyakalu halukanru tsru hislahleyma kahwakpirlu koxa haté hpoyahokakanru hiwekle.

Filipenses 2:22

Seyni hixa himathexyawakaplu halikak-potu rixyawaka. Satu whentshi ruruyma kamrurewatatshri pixka rixa kamrurewleta hitayma kihle piranalu potuko hiwekkaklewatatshri piranaya.

2 Tessalonicenses 3:14

Seyni satu yineru majnakowaxiniplu wujretle pirana, xye wyonawahle hwatshri himathetpotutanru wale. Hi hiyananru wan-hixatshri hpatewaxyawakapa.

Filemom 1:21

Nyonanwakatyi klu tshinanu nmunanhayi pixa kajnako pixyawakapa ntokanu tshinanu. Hiyrun-koxa nimatlu nanjixyawakyi pirana wane yohnikapa pkamhanu.