2 Coríntios 2:4 - Bíblia

⁴ Hixa nwaka nyokanatanro yonawahlo nkamhin-honra. Waneklu nkojwakahchinikanpotuta nwamonuwata hiyrun-koxa ntshiyahpotutatka nyonre pirana tshinanu. Hiyahokni hi nyonatlo hixa nwamonuwnakajyawaka seyni nyonatlo hixa himathexyawakaplu hi psokananru nuchinijyawakhi.

2 Coríntios 2:4 ပူးပေါင်းရင်းမြစ်များ

2 Coríntios 11:2

Klu tshinanu nhokothi. Hoyakalu henekno nhokoxyawakaphi. Klu tshinanu hixa hatatjewa makloji hike myanwakatanutowa hike mixkotowa pixka hixatshinhi. Nunkaklexyahi satupka hhanuruxyawakapa walekni Cristo.

2 Coríntios 12:15

Hiyáhoni numuwatanu psoluka nimwaleru nsalexyawaka hixa tshinanu. Haté nujhalu nsalexnawakwa psol-potuko hixa tshinanu. Hiyah-koxla nuchinikpotukanaxyawaka tshinanni hixa hi hichinikanretpotutatkano hita?

2 Coríntios 2:9

Hiyáhoni wale tshinanu nyonanwakathi nyahothi nimaxyawaka ho halikaka nuykole pirana homkahitatshinhi ho hike.

2 Coríntios 7:12

Hiyáhoni xawakni yonawahlo nyonanwakathi seyni hi nyonatlo hektutu kamhatshri tshinanni, hi koxa rumtuklerutka tshinanu nyonatlo. Halikaka nyonatlo Hoyakalu hekhipotuxyawakaphi hi psokananru hichinijyawu.

Filipenses 3:18

Seyni rawna pimrine pnuko hixatshine. Hixo kata xye pirana nunkakatkahi. Xawakni xye pirana ntshinatnakhi ntshiyahleyma. Hiyáhoni wla pixka hixa hiwekletatshine Cristo cruz rupniywaka pirana kamnirewaxikatshinni.